ସୁନ୍ଦରଗଡ,୧୫ା୭(ଜୟ ନାରାୟଣ ମେଣ୍ଡୁଳି): ସୁନ୍ଦରଗଡ ଅତିରିକ୍ତ ଜିଲା ଦୌରାଜଜ ତଥା ପକ୍ସୋ କୋର୍ଟ ର ପ୍ରିଜାଇଡିଂ ଅଫିସର ଜ୍ଞାନ ରଞ୍ଜନ ପଟ୍ଟନାୟକ୨୦୨୩ ମସିହାରେ ଲେଫ୍ରିପଡା ଥାନା ଅଞ୍ଚଳରେ ଘଟିଥିବା ଏକ ନାବାଳିକା ଚାଲାଣ ଓ ଗଣବଳତ୍କାର ମାମଲାର ଶୁଣାଣି ବୁଧବାର କରିଛନ୍ତି । ଏଥିରେ ସଂପୃକ୍ତ ୪ଜଣ ଅଭିଯୁକ୍ତଙ୍କ ମଧ୍ୟରୁ ୨ଜଜ ଅଭିଯୁକ୍ତ ମଧୁକର ତାଣ୍ଡିଆ ଓରଫ ମିଟୁ ଓ ହେମନ୍ତ ମାଝୀ ଓରଫ ଖଇରୁଙ୍କୁ ୨୦ ବର୍ଷ ଜେଲଦଣ୍ଡ ସହ ୨୦ହଜାର ଟଙ୍କା ଲେଖାଏଁ ଜରିମାନା ଓ ଜରିମାନା ଅନାଦେୟ ଅଧିକ ୧ବର୍ଷ ଅଧିକ ଜେଲଦଣ୍ଡ ଶୁଣାଣି କରାଯାଇଛି । ଅନ୍ୟ ୨ ଜଣ ଶୁଭମ ଧରୁଆ ଓ ସନାତନ କିସାନ ଙ୍କୁ ୩ବର୍ଷ ଲେଖାଏଁ ଜେଲ ଦଣ୍ଡ ସହ ୫ହଜାର ଟଙ୍କା ଲେଖାଏଁ ଜରିମାନା ଓ ଜରିମାନା ଅନାଦେୟ ଅଧିକ ୬ମାସ ଲେଖାଏଁ ଜେଲଦଣ୍ଡ ସକାଶେ କୋର୍ଟ ତାଙ୍କ ରାୟରେ ଆଦେଶ ଦେଇଛନ୍ତି।
ମାମଲାର ରାୟର ବିବରଣୀରୁ ପ୍ରକାଶ ଯେ ଗତ୨୧/୩/୨୦୨୩ ସନ୍ଧ୍ୟା ୫ଟାରୁ ୧୬ ବର୍ଷିୟା ପିଡିତା ନାବାଳିକା ଜଣକ ଘରୁ ବାହାରକୁ ନ ଫେରିବା ଓ ତାଙ୍କୁ ଜଣେ କେହି ଅପହରଣ କରିନେଇଥିବା ନେଇ ତାଙ୍କ ବାପା ଲେଫ୍ରିପଡା ଥାନା ସର୍ଗିପାଲି ଫାଣ୍ଡିରେ୨୩/୩/୨୦୨୩ରେ ରିପୋର୍ଟ କରିଥିଲେ। ରିପୋର୍ଟ ପରେ ପୋଲିସ ପ୍ରଥମେ ଏକ।ନିଖୋଜ ମାମଲା ରୁଜ୍ଜୁ କରିତଦନ୍ତ ଆରମ୍ଭ କରିଥିଲା। ତଦନ୍ତ ପରେ ଜଣାପଡିଥିଲା ଯେ,ପ୍ରଥମେ ଅଭିଯୁକ୍ତ ଖଇରୁ ଏହି ନାବାଳିକାଙ୍କୁ ସାଇକେଲରେ ବୁଲୁଥିଲେ। ଏହି ସମୟରେ ସନାତନ ଓ ଶୁଭମଙ୍କୁ ଦେଖି ଖଇରୁ କହିଥିଲେ ସେହି ଗାଁର ମଧୁକର ତାଣ୍ଡିଆ ଝିଅକୁ ଆଣି ୨ଦିନ ରଖିବାପରେ ତାଙ୍କୁ ଦେଇଛି ଓ ଖଇରୁ ନାବାଳିକା କୁ ଗୋଟିଏ ରାତି ରଖିଥିବା ଓ ନାବାଳିକାକୁ ମୁଁ ରଖି ପାରିଵି ନାହିଁ ତମେ ରଖିପାରିବ ଯଦି ନିଅ କହି ସେମାନଙ୍କୁ ଦେଇଥିଲେ। ଏହାପରେ ସନାତନ ଓ ଶୁଭମ ଦିଲ୍ଲୀରେ ଭଲ କାମ କରାଇ ଦେବାର ପ୍ରଲୋଭନ ଦେଖାଇ ଦିଲ୍ଲୀରେ ନାବାଳିକାଙ୍କୁ ବିକ୍ରି କରିଦେବା ପାଇଁ ଯୋଜନା କରିଥିଲେ।
ଯୋଜନା ମୁତାବକ ସନାତନ ଓ ଶୁଭମ ୨୩/୩/୨୦୨୩ରେ ଝାରସୁଗୁଡା ରେଳଷ୍ଟେସନରୁ ଉତ୍କଳ ଏକ୍ସପ୍ରେସରେ ଉତ୍ତର ପ୍ରଦେଶର ମଥୁରାରେ। ରେଳ ବିଭାଗରେ ଚାକିରୀ କରୁଥିବା ସନାତନଙ୍କ ମାଙ୍କ ଘରେ ପହଞ୍ଚି ଥିଲେ। ସେଠାରେ ଝିଆକୁ ବିବାହ ବାହାନା କରି ୫/୬ଜଣ ବ୍ୟକ୍ତିଙ୍କୁ ଦେଖାଇ ମୂଲଚାଲ କରିଥିଲେ। ହେଲେ ଝିଅ ଶରୀର ପତଳାଥିବା କହି ତାଙ୍କୁ ନେବାକୁ କେହି ରାଜି ହୋଇନଥିଲେ। ଫଳରେ ସନାତନ ମଥୁରା ନିକଟ ଚୌମୁ ଗାଁରେ ରହୁଥିବା ତାଙ୍କ ଭାଇଙ୍କ ଛୁଆଙ୍କୁ ଦେଖା ରଖା କରିବା ପାଇଁ ସେଠାରେ ଏହି ଝିଅକୁ ଛାଡି୬/୪/୨୦୨୩ରେ ଲେଫ୍ରିପଡା ଚାଲି ଆସିଥିଲେ । ଆସିଲା ପରେ ଜାଣିବାକୁ ପାଇଲେ ଯେ, ସେମାନେ ନେଇଥିବା ଝିଅ କୁ ପୋଲିସ ଖୋଜୁଛି ଓ ମଧୁକର। ତାଣ୍ଡିଆ ଓରଫ ମିଟୁକୁ ଗିରଫ କରିଛି । ଏହାପରେ ସନାତନ ତାଙ୍କ କଥା ଜଣା ପଡିଯିବ ଭୟରେ ମଥୁରା ଥିବା ଭାଇଙ୍କୁ ସବୁ କହି ଝିଅକୁ ଆଣିଦେବାକୁ କହିଥିଲେ।ଏହାପରେ ତାଙ୍କ ଭାଇ ସୁରେଶ ଝିଅକୁ ଆଣି ସନାତନଙ୍କ ଘରେ ଛାଡି ଦେଇଥିଲେ ।
ଏହାପରେ ସନାତନଙ୍କ ସ୍ତ୍ରୀ ଝିଅକୁ ନେଇ ଲେଫ୍ରିପଡା ଥାନା ପୋଲିସ ନିକଟରେ ଜିମା ଦେଇଥିଲେ । ଏହାପରେ ସନାତନଙ୍କ ଲିଖିତ ବୟାନ ରେକର୍ଡ ପରେ ପୋଲିସ ନାବାଳିକା ଓ ଅଭିଯୁକ୍ତଙ୍କ ବୟାନ ରେକର୍ଡ ପରେ ସମସ୍ତ ଡାକ୍ତରୀ ମାଇନା କରି ୪ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିଲା। ଅଭିଯୁକ୍ତଙ୍କ ବିରୁଦ୍ଧରେ ପୋଲିସ ଲେଫ୍ରିପଡା ଥାନାରେ କେଶ ନମ୍ବର ୪୭/୨୦୨୩ରେ ପକ୍ସୋ ଆଇନ ଅନୁଯାୟୀ ଅପହରଣ, ଚାଲାଣ ଓ ଗଣବଳତ୍କାର ଆଦି ବିଭିନ୍ନ ଦଫାରେ ମାମଲା ରୁଜୁ କରିଥିଲା। କୋର୍ଟ ଏହି ମାମଲାର ବିଚାର କରି ବୁଧବାର ଏହି ରାୟ ଶୁଣାଇ ପିଡିତା ଙ୍କ ୭ଲକ୍ଷ ଟଙ୍କା ଅନୁକମ୍ପା ମୂଳକ ସହାୟତା ରାଶି ପ୍ରଦାନ ନିମନ୍ତେ ଜିଲା ଆଇନସେବା ପ୍ରାଧୀକରଣଙ୍କୁ ନିର୍ଦ୍ଦେଶ ଦେଇଛନ୍ତି। ସରକାରଙ୍କ ପକ୍ଷରୁ ପକ୍ସୋ କୋର୍ଟର ସ୍ବତନ୍ତ୍ର ପବ୍ଲିକ ପ୍ରସିକ୍ୟୁଟର ପ୍ରଭାତ କୁମାର ନନ୍ଦ ପରିଚାଳନା କରୁଥିଲେ ।
