ନୂଆଦିଲ୍ଲୀ,୨୭ ।୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାରଠାରୁ ଦୁଇ ଦିନିଆ ଗୁଜରାଟ ଗସ୍ତରେ ଯାଉଛନ୍ତି । ଏହି ସମୟରେ ମୋଦି କିଛି ମହତ୍ୱପୂର୍ଣ୍ଣ ଯୋଜନାର ଶିଳାନ୍ୟାସ ଓ ଲୋକାର୍ପଣ କରିବାର କାର୍ଯ୍ୟକ୍ରମ ରହିଛି । ଗୁଜରାଟ ଗସ୍ତର ପ୍ରଥମ ଦିନରେ ଅର୍ଥାତ୍ ଶନିବାର ପ୍ରଧାନମନ୍ତ୍ରୀ ଅହମଦାବାଦରେ ସାବରମତି ନଦୀ ଉପରେ ପାଦଚଲା ଯାତ୍ରୀଙ୍କ ପାଇଁ ଅଟଳ ପୋଲର ଉଦ୍ଘାଟନ କରିବେ ।
ମୋଦିଙ୍କ ଗୁଜରାଟ ଗସ୍ତକୁ ନେଇ ରାଜ୍ୟ ସରକାରଙ୍କ ପକ୍ଷରୁ ଏକ ବିଜ୍ଞପ୍ତି ଜାରି କରାଯାଇଛି । ଏଥିରେ କୁହାଯାଇଛି ମୋଦିଙ୍କ ଗୁଜରାଟ ଗସ୍ତର ପ୍ରଥମ ଦିନରେ ପ୍ରଧାନମନ୍ତ୍ରୀ ସନ୍ଧ୍ୟାରେ ସାବରମତି ରିଭରଫ୍ରଣ୍ଟରେ ଆୟୋଜିତ ଖଦି ଉତ୍ସବ କାର୍ଯ୍ୟକ୍ରମରେ ସାମିଲ ହେବେ, ସେଠାରେ ସେ ଏକ ଜନସଭାକୁ ସମ୍ବୋଧିତ କରିବେ ।
