ନୂଆଦିଲ୍ଲୀ,୧।୧୦:ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅନ୍ୟତମ ଚର୍ଚ୍ଚିତ ଯୋଜନା ମଧ୍ୟରୁ ସ୍ବଚ୍ଛ ଭାରତ ମିଶନ ଅନ୍ୟତମ। ଏହି ଯୋଜନାର ଦ୍ୱିତୀୟ ପର୍ଯ୍ୟାୟ ଶୁକ୍ରବାରଠାରୁ ଆରମ୍ଭ ହୋଇଛି। ନୂଆଦିଲ୍ଲୀର ଡକ୍ଟର ଆମ୍ବେଦକର ଅନ୍ତର୍ଜାତୀୟ କେନ୍ଦ୍ରରେ ଆୟୋଜିତ ଏକ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ, ୨୦୧୪ ମସିହାରେ ଦେଶବାସୀ ଭାରତକୁ ଖୋଲା ମଳରୁ ମୁକ୍ତ କରିବାକୁ ପ୍ରତିଶ୍ରୁତି ଦେଇଥିଲେ। ଏହା ଅଧୀନରେ ୧୦ କୋଟିରୁ ଅଧିକ ଶୌଚାଳୟ ନିର୍ମାଣ କରାଯାଇଥିଲା। ଏବେ ସ୍ବଚ୍ଛ ଭାରତ ମିଶନ-ଅର୍ବାନ-୨.୦’ ର ଲକ୍ଷ୍ୟ ହେଉଛି ଏକ ଆବର୍ଜନା ମୁକ୍ତ ସହର। ଅର୍ଥାତ୍ ସହରକୁ ସମ୍ପୂର୍ଣ୍ଣ ଅଳିଆ-ଆବର୍ଜନା ମୁକ୍ତ କରିଦେବା। ସ୍ବଚ୍ଚ ଭାରତ ମିଶନରେ ପ୍ରତ୍ୟେକ ଭାରତବାସୀ ନିଜ କର୍ତ୍ତବ୍ୟଗୁଡିକ ପାଇଁ ସମ୍ବେଦନଶୀଳ ହୋଇପଡିଛନ୍ତି। ଆମର ସଫେଇ କର୍ମଚାରୀମାନେ ଏହି ଅଭିଯାନର ପ୍ରକୃତ ମହାନାୟକ। କରୋନା କାଳରେ ମଧ୍ୟ ସେମାନେ ନିଜ କାର୍ଯ୍ୟ ଜାରି ରଖିଥିଲେ ବୋଲି ମୋଦି କହିଛନ୍ତି।
