ନୂଆଦିଲ୍ଲୀ,୨।୪: ପୂର୍ବତନ କ୍ରିକେଟର ସଲିମ ଦୁରାନଙ୍କ ପରଲୋକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୋକ ପ୍ରକାଶ କରିଛନ୍ତି। ପ୍ରଧାମନ୍ତ୍ରୀ ମୋଦି କହିଛନ୍ତି ପୂର୍ବତନ କ୍ରିକେଟର ଦୁରାନି ନିଜେ ଜଣେ ଅନୁଷ୍ଠାନ ଥିଲେ। ପ୍ରଧାନମନ୍ତ୍ରୀ ତାଙ୍କ ଶୋକ ବାର୍ତ୍ତାରେ କହିଛନ୍ତି, ଦୁରାନି ତାଙ୍କ କ୍ରିକେଟ କ୍ୟାରିୟରରେ ବିଶ୍ୱରେ ଭାରତର ଉତ୍ଥାନରେ ମହତ୍ୱପୂର୍ଣ୍ଣ ଭୂମିକା ନେଇଥିଲେ।
ସୂଚନାଯୋଗ୍ୟ, ସଲିମ ଦୁରାନିଙ୍କ ନିଧନ ୨ ଏପ୍ରିଲ ରବିବାର ଜାମନଗରରେ ହୋଇଛି। ସେ ୮୮ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ସଲିମ ବେଶ କିଛିଦିନ ହେବ ଅସୁସ୍ଥ ଥିଲେ। କ୍ରିକେଟରେ ତାଙ୍କର ଯୋଗଦାନ କଥା ପ୍ରାୟ ସମସ୍ତେ ମନେପକାଉଛନ୍ତି। ସଲିମ ପ୍ରାୟ ୧୩ ବର୍ଷ ପର୍ଯ୍ୟନ୍ତ ଭାରତୀୟ କ୍ରିକେଟ ଟିମର ପ୍ରତିନିଧିତ୍ୱ କରିଛନ୍ତି। ସେ ଦର୍ଶକଙ୍କ ଡିମାଣ୍ଡରେ ଛକା ମାରୁଥିବା ଖେଳାଳି ଭାବେ ବେଶ ପରିଚିତ ଥିଲେ।
