ଭୁବନେଶ୍ୱର, ୨୮।୧: ଅହମଦାବାଦ ଏବଂ ମୁମ୍ବାଇରେ କୋଲ୍ଡପ୍ଲେ(Coldplay) କନସର୍ଟର ସଫଳତା ପରେ ଭାରତରେ କନସର୍ଟର ଚାହିଦାକୁ ନେଇ ଗୁରୁତ୍ୱାରୋପ କରିଛନ୍ତି ପ୍ରଧାନମନ୍ତ୍ରୀ। ଭାରତରେ ଏହି କ୍ଷେତ୍ରରେ ଗତ କିଛି ବର୍ଷ ମଧ୍ୟରେ ଯଥେଷ୍ଟ ଅଭିବୃଦ୍ଧି ଦେଖିବାକୁ ମିଳିଛି। ମଙ୍ଗଳବାର ଭୁବନେଶ୍ୱର ଜନତା ମଇଦାନରେ ଅନୁଷ୍ଠିତ ଉତ୍କୃଷ୍ଟ ଓଡ଼ିଶା – ମେକ୍ ଇନ୍ ଓଡ଼ିଶା କନକ୍ଲେଭ ୨୦୨୫ ରେ ସମ୍ବୋଧିତ କରି ପ୍ରଧାନମନ୍ତ୍ରୀ ଏହି ପ୍ରସଙ୍ଗରେ କହିଛନ୍ତି।
ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଗତ କିଛି ଦିନ ମଧ୍ୟରେ ଆପଣ ମୁମ୍ବାଇ ଏବଂ ଅହମ୍ମଦାବାଦରେ କୋଲ୍ଡପ୍ଲେ କନସର୍ଟର ସୁନ୍ଦର ଫଟୋ ଦେଖିଥିବେ, ଏହା ପ୍ରମାଣ କରେ ଯେ ଭାରତରେ ଲାଇଭ୍ କନସର୍ଟର କେତେ ସୁଯୋଗ ଅଛି। ଆଜି ଭାରତରେ କନସର୍ଟ ଅର୍ଥନୀତି କ୍ଷେତ୍ର ମଧ୍ୟ ବୃଦ୍ଧି ପାଉଛି। ବର୍ତ୍ତମାନ ଆମ ଦେଶ କନସର୍ଟର ଏକ ବଡ଼ ଗ୍ରାହକ ପାଲଟିଛି।
ତେଣୁ ରାଜ୍ୟ ସରକାର ଏବଂ ଘରୋଇ କ୍ଷେତ୍ର କମ୍ପାକ୍ଟ ଅର୍ଥନୀତି କ୍ଷେତ୍ରକୁ ପ୍ରୋତ୍ସାହିତ କରିବା ପାଇଁ ଭିତ୍ତିଭୂମି ଉପରେ ଧ୍ୟାନ ଦେବେ ବୋଲି ସେ ଆଶା କରୁଛନ୍ତି। ଆଜିକାଲି ସାରା ବିଶ୍ୱର ବଡ଼ ବଡ଼ କଳାକାରମାନେ ଭାରତ ଆସିବାକୁ ଚାହୁଁଛନ୍ତି।
ଭାରତ ଶହ ଶହ ବର୍ଷ ପୂର୍ବରୁ ସଙ୍ଗୀତ, ନୃତ୍ୟ ଏବଂ କାହାଣୀ କହିବାର ଏକ ମହାନ ଐତିହ୍ୟ ରଖିଛି। ଏଠାରେ ଏକ କନସର୍ଟ ଅର୍ଥନୀତିର ବହୁତ ସମ୍ଭାବନା ରହିଛି। ଗତ ୧୦ ବର୍ଷ ମଧ୍ୟରେ ଲାଇଭ୍ ଇଭେଣ୍ଟ ଏବଂ କନସର୍ଟର ଧାରା ବୃଦ୍ଧି ପାଇଛି।
India’s concert economy is getting even more vibrant and this is great news for the youth in particular. pic.twitter.com/3XKSgNWJgC
— Narendra Modi (@narendramodi) January 28, 2025
