ନୂଆଦିଲ୍ଲୀ,୧୬ ।୯: ଟାଇମ୍ ମାଗାଜିନର ୨୦୨୧ ବର୍ଷ ପାଇଁ ପ୍ରକାଶ ପାଇଥିବା ବିଶ୍ୱର ୧୦୦ ପ୍ରଭାବଶାଳୀ ବ୍ୟକ୍ତିଙ୍କ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ ମୋଦି, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ସିରମ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆର ସିଇଓ ଅଦାର ପୁନାୱାଲାଙ୍କ ନାମ ସାମିଲ ହୋଇଛି । ପ୍ରତିଷ୍ଠିତ ଟାଇମ୍ ମାଗାଜିନ୍ ବୁଧବାର ଏହି ତାଲିକା ପ୍ରକାଶ କରିଛି । ଏଥିରେ ଅନ୍ୟମାନଙ୍କ ମଧ୍ୟରେ ଆମେରିକା ରାଷ୍ଟ୍ରପତି ଜୋ ବାଇଡେନ, ଉପରାଷ୍ଟ୍ରପତି କମଲା ହାରିସ, ଚାଇନା ରାଷ୍ଟ୍ରପତି ସି ଜିଙ୍ଗ ପିଙ୍ଗ, ପ୍ରିନ୍ସ ହ୍ୟାରି, ମେଘନ ମାର୍କେଲ, ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନାମ ସାମିଲ ହୋଇଛି । ଏଥିରେ ତାଲିବାନର ସହ ସଂସ୍ଥାପକ ମୁଲ୍ଲା ଅବଦୁଲ ଗନି ବରାଦରଙ୍କ ନାମ ମଧ୍ୟ ରହିଛି । ଭାରତୀୟ-ଆମେରିକା ଖବରଦାତା ଫରିଦ ଜକାରିୟା ମୋଦିଙ୍କ ବିଷୟରେ ଲେଖିଛନ୍ତି, କେଭିଡ-୧୯ ମିସ୍ ମ୍ୟାନେଜମେଣ୍ଡ, ମୃତକଙ୍କ ପ୍ରକୃତ ସଂଖ୍ୟା ଘୋଷଣାଠାରୁ ବହୁ ଅଧିକ ହେବା ଅନୁମାନ କରାଯିବା ପରେ ବି ଲୋକଙ୍କ ନିକଟରେ ତାଙ୍କର ଲୋକପ୍ରିୟତା ସାମାନ୍ୟ କମ୍ ହୋଇଛି । ସେହିପରି ମୁଖ୍ୟମନ୍ତ୍ରୀ ମମତା ବାନାର୍ଜୀ ଭାରତୀୟ ଜନତା ପାର୍ଟି(ଭାଜପା)ର ଦବଦବା ପରେ ବି ପଶ୍ଚିମବଙ୍ଗରେ ପୁଣିଥରେ ଶାସନ କ୍ଷମତାକୁ ନିଜ ହାତକୁ ଆଣିବା ବଡକଥା । ଅନ୍ୟପଟେ କରୋନା ମହାମାରୀ ସମୟରେ ପୁଣେ ସ୍ଥିତ ଔଷଧ କମ୍ପାନୀ ସିରମ ଇନଷ୍ଟିଚୁୃଟର ସିଇଓ ଅଦାର ପୁନାୱାଲା ଅକ୍ସଫୋର୍ଡର କୋଭିଡ ଭ୍ୟାକ୍ସିନ କୋଭିସିଲ୍ଡର ଭାରତରେ ଏକ୍ସଟ୍ରାଜେନିକା ସହ ମିଶି ଟିକା ପ୍ରସ୍ତୁତ କରିବା ବଡ କଥାଥିଲା ।
