କୋଲରାଡୋ,୨୧।୨: ଆମେରିକାରେ ମଝି ଆକାଶରେ ଏକ ବୋଇଙ୍ଗ୍-୭୭୭ ବିମାନରେ ଅଗ୍ନିକାଣ୍ଡ ଘଟିଛି। ୟୁନାଇଟେଡ୍ ଏୟାର ଲାଇନ୍ସର ବିମାନ ନମ୍ବର-୩୨୮ ବିମାନଟି ଡେନଭେର ଅର୍ନ୍ତଜାତୀୟ ବିମାନ ବନ୍ଦରରୁ ହୋନୋଲୁଲୁୂ ଅଭିମୁଖେ ଯାତ୍ରା କରୁଥିଲା। ୧୨ ଟା ୪୯ରେ ଏହା ଯାତ୍ରା ଆରମ୍ଭ କରିଥିଲା। ତେବେ ପ୍ରାୟ ହଜାର ଫୁଟ ଉଚ୍ଚରେ ଉଡ଼ାଣ କରୁଥିବା ସମୟରେ ଏହାର ଗୋଟିଏ ଇଞ୍ଜିନ୍ରେ ନିଆଁ ଲାଗିଯିବାରୁ ଏହା ୧ଟା ୨୯ରେ ଜରୁରିକାଳୀନ ଅବତରଣ କରିଥିଲା। ବିମାନରେ ଥିତ୍ବା ୨୩୧ ଯାତ୍ରୀ ଏବଂ ୧୦ ଜଣ କର୍ମଚାରୀ ସୁରକ୍ଷିତ ରହିଥିତ୍ବା ବିମାନବନ୍ଦର କର୍ତ୍ତୃପକ୍ଷ ସୂଚନା ଦେଇଛନ୍ତି। ବିମାନରେ ନିଆଁ ଲାଗିବାର ଭିଡ଼ିଓ ଜଣେ ଯାତ୍ରୀଙ୍କ ଦ୍ୱାରା ଶୁଟିଂ କରାଯାଇ ପରେ ଏହାକୁ ଟୁଇଟରରେ ଅପଲୋଡ୍ କରାଯାଇଛି। ୧୭ ସେକେଣ୍ଡର ଏହି ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି।
