ନୂଆଦିଲ୍ଲୀ,୧୮।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତ ସେପ୍ଟେମର ୧୭ରେ ନିଜ ୭୦ତମ ଜନ୍ମଦିନ ପାଳନ କରିଛନ୍ତି। ଏହି ଅବସରରେ ସେ ଦେଶ ତଥା ବିଶ୍ୱର ବିଭିନ୍ନ ପ୍ରାନ୍ତରୁ ଅନେକ ଶୁଭେଚ୍ଛା ଗ୍ରହଣ କରିଥିଲେ। ସମାଜର ବିଭିନ୍ନ ବର୍ଗର ଲୋକେ ପ୍ରଧାନମନ୍ତ୍ରୀ ମୋଦି ସୁସ୍ଥ ଏବଂ ଦୀର୍ଘାୟୁ ହୁଅନ୍ତୁ ବୋଲି କାମନା କରିଥିଲେ। ବିଳମ୍ବିତ ରାତିରେ ପ୍ରଧାନମନ୍ତ୍ରୀ ମୋଦି ସମସ୍ତଙ୍କୁ ଅଭିନନ୍ଦନ ଜଣାଇବା ସହ ତାଙ୍କର ଇଚ୍ଛା ମଧ୍ୟ ଜଣାଇଛନ୍ତି। ପ୍ରଧାନମନ୍ତ୍ରୀ ରାତି ୧୨.୩୮ରେ ଟୁଇଟ୍ କରିଛନ୍ତି- ଭାରତ ଏବଂ ବିଶ୍ୱର ଅନେକ ଲୋକ ମୋତେ ଶୁଭେଚ୍ଛା ଜଣାଇଛନ୍ତି। ସେମାନଙ୍କ ନିକଟରେ ମୁଁ କୃତଜ୍ଞ। ଏହି ଶୁଭକାମନା ମୋତେ ସମସ୍ତଙ୍କ ଉନ୍ନତି ସହ ସେବା ଏବଂ କାର୍ଯ୍ୟ କରିବାର ଶକ୍ତି ଯୋଗାଏ। ଅନ୍ୟ ଏକ ଟୁଇଟ୍ରେ ପିଏମ ମୋଦି ଲେଖିଛନ୍ତି- ମୋର ଜନ୍ମଦିନରେ ମୁଁ କ’ଣ ଚାହୁଁଛି ଅନେକେ ପଚାରିଥିଲେ। ସେଥିପାଇଁ ମୁଁ ମୋର ଇଚ୍ଛା ତାଲିକା କହୁଛି। ମୁଁ ଚାହେଁ ତୁମେ ମାସ୍କ ପିନ୍ଧିବା ଜାରି ରଖ ଏବଂ ଏହାକୁ ସଠିକ୍ ଢଙ୍ଗରେ ପିନ୍ଧନ୍ତୁ। ସାମାଜିକ ଦୂରତା ଅନୁସରଣ କରନ୍ତୁ ଏବଂ ସର୍ବଦା ଦୁଇ ମିଟର ଦୂରତା ଅବଲମ୍ବନ କରନ୍ତୁ। ଜନଗହଳି ପୂର୍ଣ୍ଣ ସ୍ଥାନରୁ ଦୂରେଇ ରୁହନ୍ତୁ। ରୋଗ ପ୍ରତିରୋଧକ ଶକ୍ତି ବଢାନ୍ତୁ ଏବଂ ଚାଲ ଆମ ଗ୍ରହକୁ ସୁସ୍ଥ ରଖିବା।
