ଆଳ ଦେଖାଇ ଖସୁଛନ୍ତି ଅମାନିଆ

ଅନୁଗୋଳ ଅଫିସ, ୧୦ା୫:  ଅନୁଗୋଳ ଜିଲାରେ କରୋନା ସଂକ୍ରମଣ ରୋକି ହେଉନାହିଁ। କିଛିଦିନ ହେଲା ଲଗାତର ଭାବେ ଜିଲାରୁ ଦୈନିକ ୫ଶହରୁ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି। ଏହାକୁ ଦୃଷ୍ଟିରେ ରଖି ଅନୁଗୋଳ ଜିଲା ପ୍ରଶାସନ ପକ୍ଷରୁ କୋଭିଡ୍‌ କଟକଣାକୁ କଡ଼ାକଡ଼ି କରାଯାଇଛି। ଛକ ଛକରେ ପୋଲିସ ଜଗି ରହିଛି। ସପ୍ତାହାନ୍ତ ଶଟ୍‌ଡାଉନ୍‌ ବ୍ୟତୀତ ଅନ୍ୟ ଦିନରେ ଅତ୍ୟାବଶ୍ୟକ ସାମଗ୍ରୀ ନେବାକୁ ଲୋକଙ୍କ ପାଇଁ ନିୟମ କୋହଳ କରାଯାଇଛି। କିନ୍ତୁ ଅମାନିଆମାନେ କୌଣସି କଟକଣାକୁ ଖାତିର କରୁନାହାନ୍ତି। ପୋଲିସ ଜଗି ରହିଥିଲେ ମଧ୍ୟ ବିଭିନ୍ନ ଆଳ ଦେଖାଇ ସେମାନେ ବୁଲାବୁଲି କରୁଥିବା ଦେଖାଯାଉଛି। ଏପରି କି ସପ୍ତାହାନ୍ତ ଶଟ୍‌ଡାଉନ୍‌ରେ ମଧ୍ୟ ଅମାନିଆଙ୍କୁ ରୋକାଯାଇ ପାରୁ ନ ଥିବା ଅଭିଯୋଗ ହେଉଛି।
ଅନୁଗୋଳ ଜିଲାରେ କରୋନା ସଂକ୍ରମଣ ଚେନ୍‌ ଭାଙ୍ଗିବା ପାଇଁ ଜିଲା ପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ ହାତକୁ ନିଆଯାଉଛି। ସହର ବଜାର ବନ୍ଦ ଥିବାରୁ ବାହାରକୁ ଆସୁଥିବା ଅମାନିଆମାନଙ୍କୁ ଧରି ଜରିମାନା ଆଦାୟ କରିବାକୁ ଛକଗୁଡ଼ିକରେ ଜଣେ ପୋଲିସ ଅଫିସରଙ୍କ ସହ ଦୁଇ ଜଣ କନଷ୍ଟେବଳଙ୍କୁ ମୁତୟନ କରାଯାଇଛି। କିନ୍ତୁ ଏହି ଅମାନିଆମାନେ ପୋଲିସକୁ ବିଭିନ୍ନ ଉପାୟରେ ଚକ୍‌ମା ଦେଇ ଖସିଯିବାରେ ସକ୍ଷମ ହେଉଛନ୍ତି। କିଏ ମେଡିକାଲ ଯିବା ବାହାନାରେ ବାହାରକୁ ଆସୁଛନ୍ତି ତ ଆଉ କିଏ ଔଷଧ କିଣିବାକୁ ଯାଉଛି କହି ଗାଡ଼ି ଧରି ପଳାଇ ଯାଉଛନ୍ତି। କେତେଜଣ ତ ପୁରୁଣା ଜରୁରୀ କାଗଜପତ୍ର ଦେଖାଇ ଚେକିଂରୁ ଖସିଯାଉଛନ୍ତି। ଏହାଛଡ଼ା ବଜାର ବନ୍ଦ ଥିଲେ ବି ଅନେକ ସ୍ଥାନରେ ଅତ୍ୟାବଶ୍ୟକ ସାମଗ୍ରୀ ଦୋକାନ ଲୁଚାଛପାରେ ଖୋଲାଯାଇ ବେପାର କରାଯାଉଛି। ଏପରି କି ମାଛ, ମାଂସ ମଧ୍ୟ ବିକ୍ରି ହେଉଛି। ପୋଲିସ ଉପରେ ସତର୍କ ନଜର ରଖି ବେପାରୀମାନେ ଏପରି କରୁଥିବାରୁ ଏହାକୁ କିଣିବାକୁ ଅମାନିଆମାନେ ବିଭିନ୍ନ ଆଳରେ ବଜାର ଆସୁଛନ୍ତି। ଅନୁଗୋଳ ପୋଲିସ କି ପ୍ରଶାସନ ପକ୍ଷରୁ ଏପରି ଲୋକଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନ ଥିବାରୁ ଦିନକୁ ଦିନ ଅଧିକ ସଂଖ୍ୟାରେ ଲୋକେ ବାହାରୁ ଆସୁଥିବା ସଚେତନ ନାଗରିକମାନେ କହିଛନ୍ତି। ତେବେ ଅମାନିଆମାନଙ୍କୁ ସାବାଡ୍‌ କରିବାକୁ ଅନୁଗୋଳ ପୋଲିସ ପକ୍ଷରୁ ସଜବାଜ ଆରମ୍ଭ ହୋଇଛି। ଏଣିକି ଅତ୍ୟାବଶ୍ୟକ ସାମଗ୍ରୀ ଆଣିବାକୁ କହି ବାହାରୁଥିବା ଲୋକଙ୍କ ଯାଞ୍ଚ କଡ଼ାକଡ଼ି କରାଯିବ। ଯଦି କାହାଠାରୁ ଜାଲ୍‌ କାଗଜପତ୍ର ମିଳିବ ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ ପକ୍ଷରୁ ସୂଚନା ପ୍ରଦାନ କରାଯାଇଛି।

କାରଣ ଦର୍ଶାଇ ନ ପାରିଲେ କାର୍ଯ୍ୟାନୁଷ୍ଠାନ
ଅତ୍ୟାବଶ୍ୟକ ସାମଗ୍ରୀ ପାଇଁ ନିୟମ କୋହଳ ରହିଛି। କିନ୍ତୁ ବିନା କାରଣରେ ବାହାରେ ବୁଲିବାକୁ ଅନୁମତି ଦିଆଯାଇ ନାହିଁ। କେଉଁ କାରଣ ପାଇଁ ବାହାରକୁ ଆସିଛନ୍ତି ତାହା ସାଧାରଣ ଲୋକ ଦର୍ଶାଇବେ। ଯଦି କାରଣ ଦର୍ଶାଇ ନ ପାରିବେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
-ଜଗମୋହନ ମୀନା, ଏସ୍‌ପି, ଅନୁଗୋଳ

ନିୟମ ଉଲ୍ଲଂଘନ ହେଲେ ଜରିମାନା
ଲକ୍‌ଡାଉନ୍‌ ନିୟମାବଳୀ ଜାରି ହୋଇଛି। ଏହାକୁ ଅନୁଗୋଳ ସହରରେ ଉଲ୍ଲଂଘନ କରାଯାଉଥିବା ନଜରକୁ ଆସିଛି। ଏଣିକି କୌଣସି ଲୋକ ଅଯଥାରେ ବଜାରରେ ବୁଲୁଥିବା ଦେଖାଗଲେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଜରିମାନା ମଧ୍ୟ ଆଦାୟ ହେବ।
-ବାସୁଦେବ ଶତପଥୀ, ଉପଜିଲାପାଳ, ଅନୁଗୋଳ

ଅମାନିଆଙ୍କୁ ସାବାଡ୍‌ କର
ଲୋକଙ୍କୁ ବାରମ୍ବାର ସଚେତନ କରାଯାଇ ସାରିଲାଣି। ଆଉ ସେମାନଙ୍କୁ ଅଧିକ ନ ବୁଝାଇ ଏଣିକି କଟକଣା ନ ମାନିଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ। ଯେଉଁମାନେ ଅଯଥାରେ ବାହାରକୁ ଆସୁଛନ୍ତି, ସେମାନଙ୍କୁ ପୋଲିସ ଚିହ୍ନଟ କରିବା ଆବଶ୍ୟକ। ଏହା ହେଲେ ସଂକ୍ରମଣ ଚେନ୍‌ ଭାଙ୍ଗିପାରିବ।
-ଭବାନୀ ଶଙ୍କର ପ୍ରଧାନ, ଆଇନଜୀବୀ

ପୋଲିସ କଠୋର ହେବା ଆବଶ୍ୟକ
ଅମାନିଆମାନଙ୍କ ପାଇଁ ଗୋଷ୍ଠୀ ସଂକ୍ରମଣ ଆଶଙ୍କା ରହିଛି। ତେଣୁ ପୋଲିସ ନୀରବଦ୍ରଷ୍ଟା ନ ହୋଇ କାର୍ଯ୍ୟାନୁଷ୍ଠାନ ଗ୍ରହଣ କରିବା ଆବଶ୍ୟକ। ବିଭିନ୍ନ ସାହି ଓ ଛକରେ କଟକଣା ପାଳନ କରାଯାଉ ନ ଥିବା ଦେଖାଯାଉଛି। ଏଥିପ୍ରତି ପୋଲିସ ଦୃଷ୍ଟି ଦେଲେ ଜିଲାରେ କୋଭିଡ୍‌ ସଂକ୍ରମଣ ହ୍ରାସ ପାଇବ।
-ଜିତେନ୍‌ ସାମଲ, ସଚେତନ ନାଗରିକ


Enter your email to get our daily news in your inbox.

All Right Reserved By Dharitri.Com

ବଅଁରପାଳ ପୋଲିସ ଜାଲରେ ଆନ୍ତଃରାଜ୍ୟ ଲୁଟେରା ଗ୍ୟାଙ୍ଗ: କାର୍‌, ଲୁଟ୍‌ ସାମଗ୍ରୀ ଜବତ

ଅନୁଗୋଳ ଅଫିସ, ୧୩।୧:  ଅନୁଗୋଳ ଜିଲା ବଅଁରପାଳ ପୋଲିସ ହାତରେ ଧରାପଡ଼ିଛନ୍ତି ଅନ୍ତଃରାଜ୍ୟ ଲୁଟେରା ଗ୍ୟାଙ୍ଗର ୫ ସଦସ୍ୟ। ସେମାନେ ହେଲେ ପଶ୍ଚିମବଙ୍ଗ ବର୍ଦ୍ଧମାନ ଜିଲାର ଟାଟା...

ସାପ କାମୁଡ଼ାରେ ମହିଳାଙ୍କ ମୃତ୍ୟୁ: ସରକାରୀ ସହାୟତା ଯୋଗାଇଦେବାକୁ ସାଧାରଣରେ ଦାବି

ମାଧପୁର,୨୦।୮(ଡି.ଏନ୍‌.ଏ.): ଅନୁଗୋଳ ଜିଲା ଆଠମଲ୍ଲିକ ଥାନା ଅନ୍ତର୍ଗତ କମ୍ପ୍ଲଲା ପଞ୍ଚାୟତ ଛେପ୍ରା ଗ୍ରାମରେ ରବିବାର ବିଳମ୍ବିତ ରାତିରେ ସାପ କାମୁଡାରେ ଜଣେ ମହିଳାଙ୍କ ମୃତ୍ୟୁ ଘଟିଛି।...

ନିର୍ମାଣ ହେଉନି ସୁରେଶ୍ୱରୀ ପ୍ରକଳ୍ପ: ପ୍ରତିବାଦରେ ବ୍ଲକ ସମ୍ମୁଖରେ ଅହୋରାତ୍ର ଗଣଧାରଣା

ବଇଣ୍ଡା,୨୧।୧୦(ଡି.ଏନ.ଏ.)- ଅନୁଗୋଳ ଜିଲା କିଶୋରନଗର ବ୍ଲକ ବାମୁରଠାରେ ସୁରେଶ୍ୱରୀ ପ୍ରକଳ୍ପ ନିର୍ମାଣ ହେଉନାହିଁ। ଫଳରେ ସ୍ଥାନୀୟ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ବାରମ୍ବାର ଦାବି ହୋଇ...

ସଙ୍ଗରୋଧ କେନ୍ଦ୍ର ପାର୍ଶ୍ୱରେ ଚାଲିଛି ପରିବା ବିକ୍ରି

ଅନୁଗୋଳ ଅଫିସ, ୨୯।୪ – ଅନୁଗୋଳ ପୌର ପ୍ରଶାସନ ପକ୍ଷରୁ ବାଳିକା ଉଚ୍ଚ ବିଦ୍ୟାଳୟ ଓ ଟାଉନ୍‌ ହାଇସ୍କୁଲ ଠାରେ କ୍ୱାରାଣ୍ଟାଇନ ସେଣ୍ଟର କରାଯାଇଛି। କିନ୍ତୁ...

ଅର୍ଥ ଅଛି, ଅନୁମତି ନାହିଁ

ବଇଣ୍ଡା, ୨୫ା୮(ଡି.ଏନ୍‌.ଏ.)ବହୁ ଆପତ୍ତି ଅଭିଯୋଗ ପରେ ୨ ବ୍ଲକକୁ ଯୋଡ଼ୁଥିବା ୯.୪ କିଲୋମିଟର ସଡ଼କକୁ ପକ୍କା କରିବା ପାଇଁ ସରକାର ଅର୍ଥ ଯୋଗାଇ ଦେଇଛନ୍ତି। ପୂର୍ତ୍ତ...

ଅନୁଗୋଳ ନାବାଳିକା ବଳାତ୍କାର ଓ ହତ୍ୟା ଘଟଣା: ଅଭିଯୁକ୍ତଙ୍କୁ ଫାଶୀ ଦଣ୍ଡାଦେଶ

ଅନୁଗୋଳ ଅଫିସ, ୨୭।୭: ଅନୁଗୋଳ ସହର ଉପକଣ୍ଠରେ ଗତ ଜାନୁୟାରୀ ୨୦ରେ ଘଟିଥିବା ନାବାଳିକା ଛାତ୍ରୀ ବଳାତ୍କାର ଓ ହତ୍ୟା ଘଟଣାର ରାୟ ଶୁକ୍ରବାର ପ୍ରକାଶ...

ରେଳଧାରଣାରୁ ଯୁବକଙ୍କ ମୃତଦେହ ଉଦ୍ଧାର

ଛେଣ୍ଡିପଦା,୨୦।୧୧(ସ୍ବ.ପ୍ର.): ଅନୁଗୋଳ ଜିଲା ଜରପଡ଼ା ଥାନା ତୁକୁଗ୍ରାମ ରେଳଧାରଣାରୁ ବୁଧବାର ପୋଲିସ ଜଣେ ଯୁବକଙ୍କ ମୃତଦେହ ଉଦ୍ଧାର କରିଛି। ମୃତକ କୁଣ୍ଢେଇଗୁଳା ଥାନା ସୁରୁଙ୍ଗିପାଳ ଗାଁର...

ଦୁର୍ଦ୍ଦଶା ବଢାଉଛି ବିଦ୍ୟୁତ୍‌ କାଟ : ସକାଳ ୬ରୁ ମଧ୍ୟାହ୍ନ ୧୨ ସଂଯୋଗ ବିଚ୍ଛିନ୍ନ

ବଇଣ୍ଡା,୨।୬(ଡି.ଏନ.ଏ.)- ଗ୍ରୀଷ୍ମ ପ୍ରବାହ ଅପେକ୍ଷା ବିଦ୍ୟୁତ୍‌ ସରବରାହ ବିଚ୍ଛିନ୍ନ ଲୋକଙ୍କ ଦୁର୍ଦ୍ଦଶା ବଢାଉଛି। ଘଣ୍ଟା ଘଣ୍ଟା ଧରି ବିଦ୍ୟୁତ ସଂଯୋଗ କାଟି ଦିଆଯାଉ ଥିବାରୁ ଉପଭୋକ୍ତା...

Advertisement
Archives

Model This Week