ଦୁର୍ଘଟଣା ଯେକୌଣସି ସ୍ଥାନରେ ଏବଂ ଯେକୌଣସି ସମୟରେ ହୋଇପାରେ। ତେଣୁ ସବୁ ସ୍ଥାନରେ ସତର୍କ ରହିବା ଲୋକଙ୍କ ଦାୟିତ୍ୱ। କିନ୍ତୁ ଅନେକ ଥର ସତର୍କ ରହିବା ସତ୍ତ୍ୱେ ବି ଏପରି ଦୁର୍ଘଟଣା ଘଟେ, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥାଏ। ଏପରି ଏକ ଭୟଙ୍କର ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
@BornAKang ନାମକ ଟୁଇଟର ଆକଉଣ୍ଟରେ ଏକ ଭିଡିଓ ଶେୟାର କରାଯାଇଛି। ଯେଉଁଥିରେ ଜଣେ ରୋଗୀଙ୍କୁ ମେଡିକାଲର ଦୁଇ କର୍ମଚାରୀ ଷ୍ଟ୍ରେଚର ସାହାଯ୍ୟରେ ଲିଫ୍ଟରେ ନେଉଛନ୍ତି। ଲିଫ୍ଟରେ ଷ୍ଟ୍ରେଚରରୁ ରୋଗୀ ଜଣଙ୍କ ଖସି ପଡୁଥିବା ଭିଡିଓରେ ଦେଖାଯାଇଛି। ପ୍ରାୟତଃ ଲୋକଙ୍କୁ ଚେତାବନୀ ଦିଆଯାଏ ଯେ, ଯଦି ସେମାନେ ଲିଫ୍ଟରେ ଯାଉଛନ୍ତି, ତେବେ ସତର୍କତାର ସହିତ ଚଢ଼ନ୍ତୁ। ଲିଫ୍ଟ ମଝିରେ ହାତ ରଖନ୍ତୁ ନାହିଁ, ବଟନ ଦବାଇବା ସମୟରେ ସାବଧାନ ରୁହନ୍ତୁ, କିନ୍ତୁ ଏହି ଭିଡିଓ ଦେଖିବା ପରେ ଲିଫ୍ଟ ବିଷୟରେ ଆପଣଙ୍କ ମନରେ ଏକ ଭିନ୍ନ ଭୟ ଆସିବ।
Damn this some greys anatomy type stuff pic.twitter.com/gINGsGTTOU
— Lance🇱🇨 (@BornAKang) December 26, 2022
ଭିଡିଓରେ ମେଡିକାଲ କର୍ମଚାରୀମାନେ ଷ୍ଟ୍ରେଚରରେ ଲିଫ୍ଟ ଭିତରେ ଜଣେ ରୋଗୀଙ୍କୁ ନେଉଥିବା ସମୟରେ ଜଣେ ମହିଳା ଯାଉଥିବା ଦେଖାଯାଉଛି। ଏହି ମହିଳା ଜଣକ ଶାଢ଼ି ପିନ୍ଧିଛନ୍ତି। ତେବେ ଏଥିରୁ ଅନୁମାନ କରାଯାଇପାରେ ଯେ, ଭିଡିଓଟି ଭାରତରୁ ଆସିଛି। ଏହି ମହିଳା ଜଣକ ସେହି ଲିଫ୍ଟରେ ତଳକୁ ଯିବାର ଥିଲା। ତେଣୁ ସେ ଗ୍ରାଉଣ୍ଡ ଫ୍ଲୋରର ବଟନ ଦବାଇ ଦେଲେ। ଫଳରେ ଲିଫ୍ଟଟି କିଛି ସମୟ ଉପର ତଳ ହୋଇ ଶେଷରେ ତଳେ ପହଞ୍ଚିଲା। ଏହି ସମୟରେ ଷ୍ଟ୍ରେଚରରୁ ରୋଗୀ ଜଣକ ଖସି ପଡୁଥିବା ନଜର ଆସିଛନ୍ତି।
ଏହି ଭିଡିଓକୁ ୧ କୋଟିରୁ ଅଧିକ ଲୋକ ଦେଖିସାରିଲେଣି। ଜଣେ ୟୁଜର କହିଛନ୍ତି, ଏହା ହେଉଛି ଶେଷ ଗନ୍ତବ୍ୟସ୍ଥଳର ଦୃଶ୍ୟ। ଲିଫ୍ଟ କିପରି ଭୁଲ୍ ଭାବରେ ଚାଲୁଥିଲା ସେଥିରେ ଜଣେ ଆଶ୍ଚର୍ଯ୍ୟ ହୋଇଥିଲେ। ଆଉ ଜଣେ ୟୁଜର କହିଛନ୍ତି, ଆମେରିକାରେ ସୁରକ୍ଷା ବୈଶିଷ୍ଟ ବିଭିନ୍ନ ପ୍ରକାରର, ସେଠାରେ ଏପରି ଘଟଣା କମ୍ ହୋଇପାରେ। ଅନ୍ୟ ଜଣେ କହିଛନ୍ତି, ବ୍ୟକ୍ତି ଜଣକ ସିଟି ସ୍କାନ୍ ପାଇଁ ଯାଇ ଗୋଡ଼ ଭାଙ୍ଗିଥିବେ ନିଶ୍ଚୟ।
