ପରୀ ହତ୍ୟାକାଣ୍ଡ : ଚାପରେ ଚେପା ଏସ୍‌ଆଇଟି ତଦନ୍ତ

ନୟାଗଡ଼ ଅଫିସ,୨୮ା୧୨: ପୋଲିସ ପରି ଏସ୍‌ଆଇଟି ତଦନ୍ତ ଚାପରେ ଚେପା ହୋଇପଡ଼ିଛି। ପରୀ ମା’ବାପାଙ୍କ ଅଭିଯୋଗକୁ ଏସ୍‌ଆଇଟି ଅଣଦେଖା କରୁଥିବା ଅଭିଯୋଗ ହେଉଛି। ପରୀ ହତ୍ୟାକାଣ୍ଡ ନେଇ ମା’ବାପାଙ୍କ ମନରେ ଉଠୁଥିବା ଅସମାହିତ ପ୍ରଶ୍ନର ଉତ୍ତର ନ ଥିବାରୁ ସେମାନେ ସିବିଆଇ ତଦନ୍ତ ଦାବିକୁ ତ୍ୱରାନ୍ବିତ କରିଛନ୍ତି।
ପରୀ ମା’ ସୌଦାମିନୀ ସାହୁଙ୍କ ଅଭିଯୋଗ ଅନୁସାରେ, ମୋ ଝିଅ ପରୀର ଫ୍ରକ୍‌ରେ ସିମେନ୍‌ ଲାଗିଛି ବୋଲି କୁହାଯାଉଛି। ତେବେ ସମ୍ପୃକ୍ତ ଫ୍ରକ୍‌ ଆମ ଝିଅର ନା ଆଉ କାହାର, ଆମକୁ ଦେଖାଉନାହାନ୍ତି କାହିଁକି। ପୋଖରୀରୁ ଲେଗିନ୍ସ ଉଦ୍ଧାର ହେଲା। ହେଲେ ଆମକୁ ନ ଦେଖାଇ ତାକୁ ପରୀର କୁହାଗଲା। ପରୀ କ’ଣ ପିନ୍ଧିଥିଲା ଆମେ ଜାଣିଛୁ ନା ତଦନ୍ତକାରୀ ଏସ୍‌ଆଇଟି ଟିମ୍‌ର ଅଧିକାରୀ ଜାଣିଛନ୍ତି। ଯେଉଁ ଏସ୍‌ଆଇଟି ପରୀର ମା’ବାପାଙ୍କର ମତ ନେଉନି, ଅଭିଯୋଗ ଶୁଣୁନି ସେ କ’ଣ ତଦନ୍ତ କରିବ। କେବଳ ନାଟକ କରି ଭୁଆଁ  ବୁଲାଇ ପରୀ ହତ୍ୟାକାଣ୍ଡକୁ ଚାପି ଦେବାକୁ ଉଦ୍ୟମ କରାଯାଉଛି। ହେଲେ ପରୀ ନ୍ୟାୟ ନ ପାଇବା ପର୍ଯ୍ୟନ୍ତ ଆମର ଲଢ଼େଇ ଜାରି ରହିବ ବୋଲି କହି ସେ କାନ୍ଦି ପକାଇଥିଲେ। ଆଇନଜୀବୀ ଅମିୟ ପଟ୍ଟନାୟକ କୁହନ୍ତି, କଲେଜ ଛାତ୍ର ଯେ ହତ୍ୟାକାରୀ କୋର୍ଟରେ ପ୍ରମାଣ କରିବା କଷ୍ଟ ହେବ। ପରୀ ମା’ବାପା କଲେଜ ଛାତ୍ରକୁ ହତ୍ୟାକାରୀ ବୋଲି ମାନୁନାହାନ୍ତି। ପରୀ ମା’ଙ୍କ ଅଭିଯୋଗକୁ ଏସ୍‌ଆଇଟି ଅଣଦେଖା କଲାଣି। ଯଦି କଲେଜ ଛାତ୍ରଙ୍କୁ ଫସା ଯାଇଥିବ, ଭବିଷ୍ୟତରେ ଏସ୍‌ଆଇଟି ମୁଖ୍ୟ ଉତ୍ତରଦାୟୀ ରହିବେ। ପରୀର ଓକିଲ ଚନ୍ଦ୍ର ବିଜୟୀ ମିଶ୍ର କୁହନ୍ତି, ଯଦି କଲେଜ ଛାତ୍ର ହତ୍ୟାକାରୀ ତେବେ ଲକ୍ଷ୍ମୀପ୍ରସାଦ ସରପଞ୍ଚଙ୍କ ପାଖକୁ କେସ୍‌ ଆଗକୁ ନ ବଢ଼ାଇବାକୁ କ’ଣ ପାଇଁ ମନ୍ତ୍ରୀ ଚାପ ପକାଇଥିଲେ। କଲେଜ ଛାତ୍ରଙ୍କ ସହ ମନ୍ତ୍ରୀଙ୍କ ସମ୍ପର୍କ ନ ଥିଲା। ପରୀ ମା’ଙ୍କୁ ମନ୍ତ୍ରୀ ସାନ୍ତ୍ୱନା ଦେଇପାରିଥାନ୍ତେ। ସେହିପରି ଖେଳ ସାଥୀ ପରୀର ଅପହରଣକାରୀଙ୍କ ନାଁ  କହିବା ପରେ ମା’ବାପାଙ୍କୁ ଘରେ ଓ ଜିଲା ମୁଖ୍ୟ ଚିକିତ୍ସାଳୟରେ ମାଡ଼ ମରାଗଲା କାହିଁକି। ଯାହା କିଛି ପ୍ରମାଣ ଏସ୍‌ଆଇଟି ସଂଗ୍ରହ କରୁଛି, ପରୀ ମା’ବାପାଙ୍କୁ ଦେଖା ନ ଯିବାର କାରଣ କ’ଣ ଜଣାପଡୁନି। ସେହିଭଳି ଅଭିଯୁକ୍ତ ତ ଧରା ପଡିଲାଣି ସିବିଆଇ ତଦନ୍ତକୁ ଡର କାହିଁକି। ଯଦି କଲେଜ ଛାତ୍ର ଦୋଷୀ, ସିବିଆଇ ମଧ୍ୟ ବଦଳାଇ ପାରିବ ନାହିଁ। ଆମର ଦାବି ହତ୍ୟାକାରୀ ଦଣ୍ଡପାଉ। ପରୀ ଓ ତା’ ପରିବାର ନ୍ୟାୟ ପାଉ। ହେଲେ ସରକାର ସିବିଆଇ ତଦନ୍ତକୁ ରାଜି ହେଉ ନ ଥିବାରୁ ନ୍ୟାୟ ମିଳିବା ଆଶା କରାଯାଉ ନାହିଁ ବୋଲି ମିଶ୍ର କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଆଜି ପୁରୀ ଆସିବେ ମମତା

ପୁରୀ ଅଫିସ,୨୫ା୨: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଙ୍ଗଳବାର ପୁରୀ ଗସ୍ତରେ ଆସିବେ। ସ୍ଥାନୀୟ ଏକ ହୋଟେଲରେ ତାଙ୍କ ରହିବା ପାଇଁ ସମସ୍ତ ପ୍ରକାର ପ୍ରସ୍ତୁତି...

ଠେଙ୍ଗାପାଳିରେ ଜଙ୍ଗଲ ସୁରକ୍ଷା

ନୟାଗଡ଼ ଅଫିସ,୨।୧୦: ନୟାଗଡ଼ ଜିଲା ଦଶପଲ୍ଲା ବ୍ଲକ କୁଲୁରୁକୁମ୍ପା ପଞ୍ଚାୟତ ଟାଙ୍ଗନାଡି ଗାଁରେ ପଦା ହୋଇଥିବା ୪ଜଙ୍ଗଲକୁ ଗ୍ରାମବାସୀ ଠେଙ୍ଗାପାଳିରେ ସୁରକ୍ଷା ଦେଇ ସବୁଜିମା କରାଇ...

ଧାନ ବିହନ ବୁଣି ବର୍ଷାକୁ ଚାହିଁଛି ଚାଷୀ

ମହାକାଳପଡ଼ା,୧୩ା୬ (ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅଞ୍ଚଳରେ ଖରିଫ ଫସଲ ପାଇଁ ଚାଷୀମାନେ ଜମି ପ୍ରସ୍ତୁତି କରି ଧାନ ବିହନ ବୁଣିବା କାମ ସାରିଲେଣି।...

ବିଜେଡିର ପ୍ରାର୍ଥୀ ଘୋଷଣା: ରାଜ୍ୟ ସଭା ଯିବେ ମୁନା ଖାଁ, ସୁବାସ ସିଂ, ସୁଜିତ କୁମାର, ମମତା ମହାନ୍ତ

ଭୁବନେଶ୍ୱର,୭ା୩(ବ୍ୟୁରୋ): ରାଜ୍ୟ ସଭା ନିର୍ବାଚନ ପାଇଁ ବିଜେଡି ପକ୍ଷରୁ ପ୍ରାର୍ଥୀ ଘୋଷଣା କରାଯାଇଛି। ଖାଲି ପଡ଼ିଥିବା ୪ ସିଟ୍‌ ଲାଗି ଦଳ ସୁବାସ ସିଂ, ମୁନା...

କେନ୍ଦୁଝରରେ ପାହାଡ଼ିଆ ଓଲୁଅର ଚାହିଦା

କେନ୍ଦୁଝର, ୧୫ା୧୧(ସ୍ବ.ପ୍ର.)  ଓଲୁଅ ହେଉଛି ମୂଳ ଜାତୀୟ ଖାଦ୍ୟ। ଏଥିରେ ଔଷଧୀୟ ଗୁଣ ରହିଛି, ଏଣୁ ସ୍ବାସ୍ଥ୍ୟ ପକ୍ଷେ ହିତକର। ଏହା ମଧ୍ୟ ସୁସ୍ବାଦୁ। ପ୍ରାକୃତିକ...

ବର୍ଷା ଆସିଲେ ସ୍ଥିତି ବିଷମ

ଢେଙ୍କାନାଳ ଅଫିସ୍‌, ୧୬ା୭ କାଦୁଅ ପଚପଚ ରାସ୍ତା। ଆବର୍ଜନାରେ ଭର୍ତ୍ତି ହୋଇଛି ନର୍ଦ୍ଦମା। ଡ୍ରେନ୍‌ ଉଛୁଳି ପଚା ପାଣି ମାଡୁଛି ରାସ୍ତାରେ। ଗାଡ଼ିମୋଟରରେ ଯିବା ତ...

ଗାଁ ପରେ ସହର ଦଖଲ ଲକ୍ଷ୍ୟରେ ବିଜେଡି

କେନ୍ଦ୍ରାପଡ଼ା ଅଫିସ, ୫ା୩: ପୌର ନିର୍ବାଚନ ପାଇଁ ଗତ ୨ ତାରିଖରୁ ନାମାଙ୍କନପତ୍ର ଦାଖଲ ଧାର୍ଯ୍ୟ ହୋଇଛି। ଇତିମଧ୍ୟରେ ୩ ଦିନ ବିତିଥିଲେ ମଧ୍ୟ କେନ୍ଦ୍ରାପଡ଼ା...

ମହିଳା ଶ୍ରମିକଙ୍କୁ ଫୋନରେ ବିଡିଓଙ୍କ ଦୁର୍ବ୍ୟବହାର: ଯୁକ୍ତିତର୍କର ଅଡିଓ ଭାଇରାଲ

ଅନୁଗୋଳ ଅଫିସ/ଛେଣ୍ଡିପଦା, ୧୪।୫- ଅନୁଗୋଳ ଜିଲା ଛେଣ୍ଡିପଦା ବିଡିଓ ସୁନୀଲ କୁମାର କେର୍କେଟା କେତେଜଣ ମହିଳା ଶ୍ରମିକଙ୍କୁ ଫୋନରେ ଦୁର୍ବ୍ୟବହାର କରିଥିବା ଅଭିଯୋଗ ହେଉଛି। ସମ୍ପୃକ୍ତା...

Advertisement
Archives

Model This Week