ଦିଲ୍ଲୀର ଜଣେ ଶିଶୁଙ୍କ ଅନ୍ଲାଇନ୍ କ୍ଲାସର ହ୍ବାଟ୍ସଆପ୍ ଗ୍ରୁପ୍ରେ ଅଶ୍ଳୀଳ ଭିଡିଓ ପଠାଇବା ପରେ ଆଲୋଡ଼ନ ସୃଷ୍ଟି ହୋଇଛି। ଏହି ଭିଡିଓ ଶିଶୁଟିର ଅଭିଭାବକ ଭୁଲରେ ପଠାଇ ଦେଇଛନ୍ତି। ପୂର୍ବରୁ କେତେକ ସ୍କୁଲରେ ମଧ୍ୟ ଏପରି ହୋଇଥିଲା। ବର୍ତ୍ତମାନ ଉତ୍ତର ଦିଲ୍ଲୀ ମ୍ୟୁନିସିପାଲିଟି କର୍ପୋରେଶନର ଏକ ସ୍କୁଲର ହ୍ବାଟ୍ସଆପ୍ ଗ୍ରୁପ୍କୁ ଅଭିଭାବକ ଏପରି ଅଶ୍ଳୀଳ ଭିଡିଓ ପଠାଇଛନ୍ତି। ତେବେ ଏନେଇ ଅଭିଭାବକମାନଙ୍କୁ ସତର୍କ କରାଇ ଦିଆଯାଇଛି। ଯଦି ଆଉ କେବେ ଏପରି ଭୁଲ କରନ୍ତି ତେବେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ ବୋଲି ଚେତାବନୀ ଦିଆଯାଇଛି।
ଏକ ରିପୋର୍ଟ ଅନୁଯାୟୀ, ଜାହାଙ୍ଗୀରପୁରୀର ଏକ ବିଦ୍ୟାଳୟର ପ୍ରିନ୍ସପାଲ ନିଜ ନାମ ଗୋପନ ରଖି କହିଛନ୍ତି, ଗତ ମାସରେ ହ୍ବାଟ୍ସଆପ୍ ଗ୍ରୁପ୍ରେ ଆମେ ଏକ ଆପତ୍ତିଜନକ ଭିଡିଓ କ୍ଲିପ୍ ପାଇଥିଲୁ। ଏହି କ୍ଲିପ୍ ଛାତ୍ରଙ୍କ ପଞ୍ଜୀକୃତ ନମ୍ବରରୁ ଆସିଥିଲା। ଆମେ ଛାତ୍ରଙ୍କ ମାତାପିତାଙ୍କୁ ଡାକି ଏପରି ଭିଡିଓ ଆଉ କେବେ ପଠାଇବେ ନାହିଁ ବୋଲି ଚେତାବନୀ ଦେଇଥିଲୁ।
ସେ କହିଛନ୍ତି, ଆମର ଶିକ୍ଷକମାନେ ନିୟମିତ ଭାବରେ ଗ୍ରୁପ୍କୁ ମେସେଜ୍ ପଠାନ୍ତି। ଯାହା ଅନ୍ଲାଇନ କ୍ଲାସ ସହିତ ଜଡ଼ିତ କୌଣସି ପ୍ରଶ୍ନ ବ୍ୟତୀତ ମାତାପିତାଙ୍କୁ ଗ୍ରୁପ୍ରେ ଭାଗ ନ ନେବାକୁ ଅନୁରୋଧ କରାଯାଇଥାଏ। ବର୍ତ୍ତମାନ ଶିକ୍ଷା ବିଭାଗ ଦ୍ୱାରା ଜାରି କରାଯାଇଥିବା ଏହି ଆଦେଶକୁ ଆମେ ଶେୟାର କରିଛୁ।
ସ୍କୁଲରୁ ଅଶ୍ଳୀଳ ମେସେଜ୍ ପୋଷ୍ଟ କରିବା ଏବଂ ଛାତ୍ରୀଛାତ୍ରଙ୍କ ଅଧ୍ୟୟନ ପାଇଁ ଉଦ୍ଦିଷ୍ଟ ଗ୍ରୁପ୍ରେ ଅଶ୍ଳୀଳ ଭିଡିଓ-ଫଟୋ ପ୍ରସାରଣ ଅଭିଯୋଗ ପରେ ଉତ୍ତର ଦିଲ୍ଲୀ ମ୍ୟୁନିସିପାଲିଟି କର୍ପୋରେଶନ ଯଦି ଏପରି କାର୍ଯ୍ୟକଳାପ ଦେଖେ ତେବେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲ ଚେତାବନୀ ଦେଇଛି।
