ପାଣିକୋଇଲି,୧୧ା୯(ବିକାଶ ମଲ୍ଲିକ): ଆଉ ଦିନ କେଇଟା ପରେ ଧରାପୃଷ୍ଠକୁ ପୂଜା ପାଇବାକୁ ଓହ୍ଲାଇ ଆସିବେ ଗଜାନନ। ଏଥିଲାଗି ସଜେଇ ହେଉଛି ପାଣିକୋଇଲି ବଜାର। ଦୋଳ ମେଲଣ ପରେ ଗଜାନନଙ୍କ ପୂଜା ପାଣିକୋଇଲିର ଅନ୍ୟତମ ଗଣପର୍ବ ହୋଇଥିବାବେଳେ ଏଥି ଲାଗି ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚତ୍ଛି। ୧୯୫୭ରୁ ପାଣିକୋଇଲି ଅଞ୍ଚଳର ଦିବଂଗତ ଜନନେତା କିଶୋର ଚନ୍ଦ୍ର ମଲ୍ଲିକ ଏଠାରେ ଗଜାନନଙ୍କ ପୂଜା ଆରମ୍ଭ କରିଥିଲେ। ସେବେଠାରୁ ବହୁ ଘାତପ୍ରତିଘାତ ସତ୍ତ୍ୱେ ଉକ୍ତ ପୂଜାକୁ ବଞ୍ଚାଇ ରଖିଛନ୍ତି ପାଣିକୋଇଲି ବଜାରର ବ୍ୟବସାୟୀ ଓ ସ୍ଥାନୀୟ ଯୁବକମାନେ। ଆଗରୁ ବଜାର ଉପରେ ଅସ୍ଥାୟୀ ତମ୍ବୁତଳେ ପୂଜା ହେଉଥିବା ବେଳେ ବର୍ତ୍ତମାନ ତାହା ବଜାରର ମଧ୍ୟସ୍ଥଳୀରେ ଥିବା ମା’ତାରିଣୀଙ୍କ ମନ୍ଦିରରେ ଆୟୋଜିତ ହେଉଛି। ପ୍ରତ୍ୟେକ ବର୍ଷ ଜାକଜମକରେ ପାଳନ କରାଯାଉଥିବା ଗଜାନନଙ୍କ ପୂଜାଚଳିତ ବର୍ଷ ମଧ୍ୟ ଶୃଙ୍ଖଳାର ସହିତ ପାଳନ କରାଯିବ। ଏଥିଲାଗି ସୁଦୃଶ ତୋରଣ ସହିତ ଆକର୍ଷଣୀୟ ମାଟିର ପ୍ରତିମାଙ୍କ ନିର୍ମାଣ ଶେଷ ପର୍ଯ୍ୟାୟରେ ପହଞ୍ଚତ୍ଛି। ପୂଜା ପାଳନ ଲାଗି ଦିନ ରାତି ଏକ କରିଦେଇଛନ୍ତି ସ୍ଥାନୀୟ ଗଣେଶ କମିଟିର ସଦସ୍ୟ ତଥା ବଜାରର ସମସ୍ତ ବ୍ୟବସାୟୀ। ଚଳିତ ବର୍ଷ ପୂଜା ୧୯ ତାରିଖରେ ଆରମ୍ଭ ହେବ। ୨୩ ତାରିଖରେ ଭସାଣ ଉତ୍ସବ ଅନୁଷ୍ଠିତ ହେବ ବୋଲି କମିଟି ସଭାପତି ଦିଲୀପ କୁମାର ନାୟକ, ଉପସଭାପତି ନଟବର ଦଳାଇ, ସମ୍ପାଦକ ବିଜନ ଧଳ, ବଳରାମ ସାହୁ, ବିଶ୍ୱନାଥ ଆଇଚ, ପୁରୁଷୋତ୍ତମ ସାହୁ, ଦୀପକ ପରିଡ଼ା, ରାଜନ୍ଦ୍ର ବେହେରା, ସଞ୍ଜୟ ଦଳେଇ, ଅଜୟ ଧଳ, ଗଣେଶ ମଲ୍ଲିକ, କପିଳେଶ୍ୱର ରଣା, ସରୋଜ ପଣ୍ଡା, ଅକ୍ଷୟ ସାହୁ, ଅମର ଆଇଚ, ରାଜେନ୍ଦ୍ର ଦଳାଇ, ପ୍ରତାପ ସାହୁ, ଶ୍ରୀରାମ କବି, ସତ୍ୟବ୍ରତ ସାହୁ, ବୈଳାସ ବେହେରା, ସୌମ୍ୟରଞ୍ଜନ ପରିଡ଼ା, ସନ୍ତୋଷ ଜେନା, ଦୀପକ ନାୟକ, ନାରାୟଣ ଦଳାଇ, ଜ୍ୟୋତିପ୍ରକାଶ ମଲ୍ଲିକ ଓ ପ୍ରଭାକର ପଣ୍ଡା ପ୍ରମୁଖ ଜଣାଇଛନ୍ତି।
