ଭୁବନେଶ୍ୱର,୧୫।୨(ବ୍ୟୁରୋ): ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ବୁଧବାର ପ୍ରଥମ ପର୍ଯ୍ୟାୟ ମତଦାନ ହେବ। ତେବେ ଭୋଟର କାର୍ଡ ନ ଥିଲେ ପ୍ୟାନ୍କାର୍ଡ, ଆଧାରକାର୍ଡ, ପାର୍ସପୋର୍ଟ ଦେଖାଇ ଜଣେ ଭୋଟ୍ ଦେଇପାରିବେ ବୋଲି ନିର୍ବାଚନ କମିଶନ ଆଦିତ୍ୟ ପାଢୀ ସୂଚନା ଦେଇଛନ୍ତି।
ପ୍ରଥମ ପର୍ଯ୍ୟାୟ ଭୋଟ ପାଇଁ ଆଜି ପୋଲିଂ ପାର୍ଟି ବୁଥ୍ରେ ପହଞ୍ଚିବେ। କାଲି ୭୧ ବ୍ଲକ୍ର ୧୬୬୯ ପଞ୍ଚାୟତର ୨ ଶହ ଜିଲା ପରିଷଦରେ ଭୋଟ୍ ଗ୍ରହଣ ହେବ। ୨ ଶହ ଜିଲା ପରିଷଦ ଆସନ ପାଇଁ ୭୨୬ ଜଣ ପ୍ରାର୍ଥୀ ପ୍ରତିଦ୍ୱନ୍ଦିତା କରିଛନ୍ତି। ନିର୍ବାଚନରେ ୩୭,୨୪୫ ପୋଲିସ ଏବଂ ୨୨୫ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି। ଭୋଟ୍ ଗ୍ରହଣ ସକାଳ ୭ଟାରୁ ଦିନ ୧ଟା ପର୍ଯ୍ୟନ୍ତ ଚାଲିବ। ଭୋଟ୍ ଦେବା ପାଇଁ ଜଣେ ବ୍ୟକ୍ତିଙ୍କ ନାଁ ଭୋଟର ତାଲିକାରେ ରହିବା ଜରୁରୀ। ଭୋଟର ପରିଚୟପତ୍ର ଦେଖାଇ ଜଣେ ବ୍ୟକ୍ତି ଭୋଟ ଦେଇପାରିବେ। ଭୋଟ କାର୍ଡ ନ ଥିଲେ ମଧ୍ୟ ଅନ୍ୟ ୧୩ଟି ଦସ୍ତାବିଜ୍ ଦେଖାଇ ଭୋଟ ଦେଇପାରିବେ ବୋଲି ନିର୍ବାଚନ କମିଶନ କହିଛନ୍ତି।
