ଢାକା,୭।୧୦: ମହିଳା ଏସିଆ କପ ଟି-୨୦ ୨୦୨୨ରେ ଭାରତ ଏବଂ ପାକିସ୍ତାନ ମଧ୍ୟରେ ଆଜି ମ୍ୟାଚ୍ ଖେଳାଯାଉଛି। ପାକିସ୍ତାନ ଅଧିନାୟିକା ବିସ୍ମାହ ମାରୋଫ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ଫଳରେ ହରମାନପ୍ରୀତ କୌରଙ୍କ ନେତୃତ୍ୱାଧୀନ ଭାରତୀୟ ଦଳ ପ୍ରଥମେ ବୋଲିଂ କରୁଛି। ଏହି ମ୍ୟାଚ ପାଇଁ ଖେଳୁଥିବା ଏକାଦଶରେ ଭାରତ ପରିବର୍ତ୍ତନ କରିଛି।
ଭାରତ ଏବଂ ପାକିସ୍ତାନ ମଧ୍ୟରେ ହେବାକୁ ମ୍ୟାଚକୁ ନେଇ ସବୁବେଳେ ଉତ୍କଣ୍ଠା ରହିଥାଏ। କିନ୍ତୁ ଚଳିତ ବର୍ଷ ଏହି ଦୁଇ ଦଳ ମଧ୍ୟରେ ଖେଳାଯାଇଥିବା ଦୁଇଟି ମ୍ୟାଚରେ ଭାରତୀୟ ଦଳ ସହଜ ବିଜୟ ହାସଲ କରିଛି। ଜୁଲାଇରେ କମନୱେଲଥ ଗେମ୍ସରେ ଭାରତ ସହଜରେ ପାକିସ୍ତାନକୁ ପରାସ୍ତ କରିଥିଲା।
ଏହି ଦୁଇ ଦଳ ମଧ୍ୟରେ ଖେଳାଯାଇଥିବା ଶେଷ ପାଞ୍ଚଟି ମ୍ୟାଚରେ ଭାରତ ବିଜୟୀ ହୋଇଛି। ଆଜି ଭାରତ ପାକିସ୍ତାନ ବିପକ୍ଷ କ୍ରମାଗତ ଷଷ୍ଠ ମ୍ୟାଚ ଜିତିବାକୁ ଯିବ। ମହିଳା ଏସିଆ କପରେ ଭାରତ କ୍ରମାଗତ ତିନିଟି ମ୍ୟାଚ ଜିତିଛି ଏବଂ ଟେବୁଲର ଶୀର୍ଷରେ ଅଛି।
