ନୂଆଦିଲ୍ଲୀ,୧୧।୧୧: ଆଗାମୀ ଚାମ୍ପିୟନ୍ସ ଟ୍ରଫିରୁ ଓହରିପାରେ ପାକିସ୍ତାନ। ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁସାରେ ଭାରତ ଆସିବାକୁ ମନା କରିବାରୁ ପରେ ପାକିସ୍ତାନ ଚାମ୍ପିୟନ୍ସ ଟ୍ରଫି ଆୟୋଜନ କରି କୌଣସି ଲାଭ ପାଇବ ନାହିଁ। ପ୍ରୟୋଜକମାନେ ମଧ୍ୟ ଏଥିରୁ ଓହରି ଯାଇପାରନ୍ତି। ଏହି ରିପୋର୍ଟରେ ‘ସରକାରୀ ସୂତ୍ର’ରୁ ମିଳିଥିବା ରିପୋର୍ଟରେ କୁହାଯାଇଛି ଯେ, ଦେଶ ମଧ୍ୟରେ ସମସ୍ୟାର ସମାଧାନ ନହେବା ପର୍ଯ୍ୟନ୍ତ ପାକିସ୍ତାନ ସରକାର କୌଣସି ଆଇସିସି କିମ୍ବା ଏସୀୟ କ୍ରିକେଟ୍ ପରିଷଦ ଇଭେଣ୍ଟରେ ଭାରତ ସହିତ ଖେଳିବାକୁ ମନା କରିବାକୁ ପାକିସ୍ତାନ କ୍ରିକେଟ୍ ବୋର୍ଡକୁ କହିବାର ସମ୍ଭାବନା ରହିଛି।
ଅନ୍ୟପଟେ ପିଟିଆଇ ରିପୋର୍ଟ ଅନୁଯାୟୀ ପିସିବି ଆଇସିସି ଠାରୁ ସ୍ପଷ୍ଟତା ମାଗିଛି। କାରଣ ଭାରତ ପାକିସ୍ତାନ ଗସ୍ତର କରିବ ନାହିଁ ବ୍ୟତୀତ ଅନ୍ୟ କୌଣସି ସୂଚନା ଆଇସିସି ଦେଇନାହିଁ, ଯେପରିକି ଏହି ଟୁର୍ନାମେଣ୍ଟ ହାଇବ୍ରିଡ଼ ମଡେଲରେ ହେବ କି ନାହିଁ। ଗତ ଏସିଆ କପ୍ ସମୟରେ ମଧ୍ୟ ହାଇବ୍ରିଡ ମଡେଲ ଅନୁସରଣ କରାଯାଇଥିଲା। ଭାରତ ଏହାର ସମସ୍ତ ମ୍ୟାଚ୍ ଶ୍ରୀଲଙ୍କାରେ ଖେଳିଥିଲା, ଯେତେବେଳେ କି ବାକି ସମସ୍ତ ମ୍ୟାଚ୍ ପାକିସ୍ତାନରେ ଖେଳାଯାଇଥିଲା।
ତେବେ ସୂଚନା ଅନୁଯାୟୀ, ପିସିବି ଏକ ଇ-ମେଲ କରିପାରେ ଏବଂ ଏହାର ଲିଗାଲ ଟିମର ପରାମର୍ଶ କ୍ରମେ ଭାରତ ସମ୍ପର୍କିତ ନିଷ୍ପତ୍ତିରେ ଆଇସିସି ନିକଟରୁ ସ୍ପଷ୍ଟତା ମାଗିବ। ସେପଟେ ଭାରତର ଏହି ନିଷ୍ପତ୍ତି ପରେ ଆଗାମୀ ପଦକ୍ଷେପ ନେବାକୁ ପିସିବି ପାକିସ୍ତାନ ସରକାରଙ୍କ ଦ୍ୱାରସ୍ତ ହୋଇଛି।
