ଇସଲାମାବାଦ/ବେଜିଂ,୧୯।୨: ପାକିସ୍ତାନର ମହାକାଶ ସଂସ୍ଥା ସୁପାରକୋ(SUPARCO) ଘୋଷଣା କରିଛି ଯେ ପାକିସ୍ତାନର ପ୍ରଥମ ଚନ୍ଦ୍ରମା ରୋଭର ମିଶନ ୨୦୨୮ରେ ଆରମ୍ଭ ହେବାକୁ ଯାଉଛି। ପାକିସ୍ତାନ ଏବଂ ଚାଇନା ମଧ୍ୟରେ ମହାକାଶ ସହଯୋଗ ଅଧୀନରେ ଏହି ଐତିହାସିକ ପଦକ୍ଷେପ ନିଆଯାଇଛି। ଏହି ମିଶନ ଅଧୀନରେ, ପାକିସ୍ତାନର ଚନ୍ଦ୍ରମା ରୋଭର ଚାଇନାର ଚାଙ୍ଗ’ଇ ୮ମିଶନର ଏକ ଅଂଶ ହେବ, ଯାହା ଚନ୍ଦ୍ରର ଦକ୍ଷିଣ ମେରୁରେ ରୋବୋଟିକ ଅନୁସନ୍ଧାନ ଉପରେ ଧ୍ୟାନ ଦେବ।
ଚାଇନାର ଚାଙ୍ଗ’ଇ ୯ମିଶନର ଅଂଶ ଭାବରେ ପାକିସ୍ତାନର ଚନ୍ଦ୍ରମା ରୋଭର ମିଶନ ଉତକ୍ଷେପଣ କରାଯିବ। ଦୁଇ ଦେଶ ଏହି ପ୍ରକଳ୍ପ ପାଇଁ ଏକ ବୁଝାମଣାପତ୍ର (MOU) ସ୍ବାକ୍ଷର କରିଛନ୍ତି, ଯାହା ମହାକାଶ ଅନୁସନ୍ଧାନରେ ସେମାନଙ୍କର ବର୍ଦ୍ଧିତ ସହଯୋଗକୁ ପ୍ରତିଫଳିତ କରେ। ଚାଙ୍ଗ’ଇ ୮ମିଶନର ଲକ୍ଷ୍ୟ ଚନ୍ଦ୍ରର ଦକ୍ଷିଣ ମେରୁର ବିସ୍ତୃତ ଅନୁସନ୍ଧାନ କରିବା, ଏବଂ ପାକିସ୍ତାନର ରୋଭର ଏହି ମିଶନର ଏକ ଅବିଚ୍ଛେଦ୍ୟ ଅଂଶ ହେବ।
ଏହି ମିଶନ ପ୍ରତି ଜନସାଧାରଣଙ୍କ ଅଂଶଗ୍ରହଣକୁ ପ୍ରୋତ୍ସାହିତ କରିବା ପାଇଁ, SUPARCO ଏକ ଦେଶବ୍ୟାପୀ ପ୍ରତିଯୋଗିତା ଘୋଷଣା କରିଛି। ଏହି ପ୍ରତିଯୋଗିତାରେ, ପାକିସ୍ତାନର ଚନ୍ଦ୍ରମା ରୋଭରର ନାମ ଦେବା ପାଇଁ ଏକ ସୁଯୋଗ ଦିଆଯାଉଛି ଏବଂ ବିଜେତାଙ୍କୁ ୧୦୦,୦୦୦ ଟଙ୍କା ପୁରସ୍କାର ମିଳିବ।
SUPARCO ଦ୍ୱାରା ବିକଶିତ ମୁନ ରୋଭରକୁ ଚନ୍ଦ୍ରର ଦକ୍ଷିଣ ମେରୁରେ ନିୟୋଜିତ କରାଯିବ। ଏହି ରୋଭରଟି ପାକିସ୍ତାନୀ ବୈଜ୍ଞାନିକମାନଙ୍କ ଦ୍ୱାରା ଡିଜାଇନ କରାଯାଇଥିବା ଏକ ଉନ୍ନତ ବୈଜ୍ଞାନିକ ପେଲୋଡ ବହନ କରିବ, ଯେଉଁଥିରେ ଚାଇନା ଏବଂ ୟୁରୋପୀୟ ବୈଜ୍ଞାନିକମାନଙ୍କ ଦ୍ୱାରା ବିକଶିତ ସହଯୋଗୀ ଉପକରଣ ଅନ୍ତର୍ଭୁକ୍ତ। ଏହି ମିଶନର ଉଦ୍ଦେଶ୍ୟ ହେଉଛି ଚନ୍ଦ୍ରର ଏହି ଅଂଶ ବିଷୟରେ ବିସ୍ତୃତ ସୂଚନା ସଂଗ୍ରହ କରିବା।
ପୂର୍ବରୁ, ମେ ୨୦୨୨ରେ, ପାକିସ୍ତାନ ଚାଙ୍ଗ’ଇ-୬ମିଶନ ଅଧୀନରେ ଏହାର ପ୍ରଥମ ଚନ୍ଦ୍ର ଉପଗ୍ରହ ଉତକ୍ଷେପଣ କରିଥିଲା, ଯାହା ସଫଳତାର ସହ ଚନ୍ଦ୍ରର ଦକ୍ଷିଣ ମେରୁ-ଆଇଟକେନ ବେସିନରେ ଅବତରଣ କରିଥିଲା। ଏହି ମିଶନ ଚନ୍ଦ୍ରରୁ ନମୁନାଗୁଡ଼ିକୁ ପୃଥିବୀକୁ ଫେରାଇ ଆଣିଥିଲା, ଯାହା ଫଳରେ ଚନ୍ଦ୍ରର ଦୂର ପାର୍ଶ୍ୱରୁ ନମୁନା ଫେରାଇ ଆଣିବାରେ ଚାଇନା ପ୍ରଥମ ଦେଶ ହୋଇଥିଲା।
