ୱାଶିଂଟନ,୨୩ ।୨: ଆମେରିକାରେ ବଢିଛି ବରଫ ଝଡ଼ । ପଶ୍ଚିମ ଓ ମଧ୍ୟ ରାଜ୍ୟରେ ଏହା ଅଧିକ ପରିମାଣରେ ଦେଖାଯାଇଛି । ଏହି କାରଣରୁ ୧୩୦୦ରୁ ଅଧିକ ବିମାନକୁ ରଦ୍ଦ କରି ଦିଆଯାଇଛି ଓ ୨୦୦୦ରୁ ଅଧିକ ବିମାନ ବିଳମ୍ବରେ ଯାତ୍ରା କରିଛି । ବରଫ ଝଡ଼ ଫଳରେ ଲୋକଙ୍କ ସାଧାରଣ ଜୀବନ ଯାତ୍ରା ବି ପ୍ରଭାବିତ ହୋଇଛି । ଫେଡେରାଲ ଆଭିଏଶନ ଆଡମିନିଷ୍ଟ୍ରେଶନ(ଏଫଏଏ)ମଙ୍ଗଳବାର ଟୁଇଟ କରିଥିଲା କି ଖରାପ ପାଗ ଯୋଗୁ ଚଳିତ ସପ୍ତାହରେ ଗ୍ରେଟ ଲେକ୍ସ ଓ ଦକ୍ଷିଣ ଭାଗର ମିନେସୋଟା ଓ ଅନ୍ୟ ରାଜ୍ୟରେ ବିମାନ ଉଡାଣ ରଦ୍ଦ ହୋଇପାରେ ଅଥବା ବିଳମ୍ବ ହୋଇପାରେ ।
ଆମେରିକାର ରାଷ୍ଟ୍ରୀୟ ପାଣିପାଗ ସେବା ପୂର୍ବାନୁମାନ କରିଛି ଯେ ପ୍ରତି ଘଣ୍ଟାରେ ୨ ଇଞ୍ଚ ହିସାବରେ ତୁଷାର ପାତ ଓ ପବନ ଉତ୍ତର ଭାଗ ଓ ଅପର ମିଡୱେଷ୍ଟରେ କିଛି ଭାଗରେ ସ୍ଥିତିକୁ ଆହୁରି ଖରାପ କରିପାରେ । ଫଳରେ ସାଧାରଣ ଜୀବନଯାତ୍ରା ବାଧାପ୍ରାପ୍ତ ହେବ ।
