ଲକ୍ଷ୍ନୌ,୨୭।୯ : ଉତ୍ତରପ୍ରଦେଶର ଔରାୟା ଜିଲାରେ ଶିକ୍ଷକଙ୍କ ମାଡ଼ରେ ଗୁରୁତର ଆହତ ହୋଇଥିବା ଦଶମ ଶ୍ରେଣୀର ଜଣେ ଦଳିତ ଛାତ୍ର ୧୯ ଦିନ ପରେ ଆଖି ବୁଜିଛନ୍ତି। ଗତ ୭ ତାରିଖରେ ସ୍କୁଲରେ ଚାଲିଥିବା ସାମାଜିକ ବିଜ୍ଞାନ ପରୀକ୍ଷାରେ ନିଖିତ ଡୋହରେ ନାମକ ୧୫ ବର୍ଷୀୟ ଛାତ୍ର ଗୋଟିଏ ଶବ୍ଦର ଭୁଲ୍ ବନାନ କରିବାରୁ ଉଚ୍ଚଜାତିର ଶିକ୍ଷକ ଜଣକ ତାଙ୍କୁ ଲୁହାରଡ୍ରେ ପିଟିଥିଲେ। ଗୁରୁତର ଅବସ୍ଥାରେ ତାଙ୍କୁ ଇଟାଓ୍ବା ଜିଲାର ଏକ ସ୍ପେଶିଆଲାଇଜ୍ଡ ହସ୍ପିଟାଲରେ ଭର୍ତ୍ତି କରାଯାଇଥିଲା। ଛାତ୍ର ବାପାଙ୍କ ଅଭିଯୋଗ ଅନୁଯାୟୀ, ଶିକ୍ଷକ ଅଶ୍ୱିନୀ ସିଂ ଅତି ନିର୍ଦ୍ଦୟ ଭାବେ ରଡ୍, ଲାଠିରେ ପିଟିବା ସହ ଗୋଇଠା ମାରିବାରୁ ଛାତ୍ରଜଣକ ସଂଜ୍ଞାହୀନ ହୋଇପଡ଼ିଥିଲେ।
