ଆନନ୍ଦପୁର,୧୮।୮(ସୁଶାନ୍ତ କୁମାର ସାହୁ): ମାଙ୍କଡ଼ କାମୁଡ଼ାରେ ଜଣେ ବ୍ୟକ୍ତି ଗୁରୁତର ହୋଇଥିବା ବେଳେ ତାଙ୍କୁ ଆନନ୍ଦପୁର ମେଡିକାଲରେ ଭର୍ତ୍ତି କରାଯାଇଛି । ଗୁରୁତର ବ୍ୟକ୍ତି ହେଉଛନ୍ତି ଆନନ୍ଦପୁର ଥାନା ପଣ୍ଡୁଆ ଗ୍ରାମର କୁନା ନାଏକ (୫୮) ।
ଖବର ଅନୁସାରେ, ମଙ୍ଗଳବାର କୁନା ବିଲରେ ସାର ପକାଇବା ପାଇଁ ଦୋକାନରୁ ସାର ନେଇ ବିଲକୁ ଯାଉଥିଲେ । ଏହି ସମୟରେ ବରଗଛରେ ଏକ ମାଙ୍କଡ଼ ତାଙ୍କ ଉପରକୁ ଡେଇଁ ମୁଣ୍ଡ, ହାତ, ବେକକୁ କାମୁଡି ଖଣ୍ଡିଆ କରିଦେଇଥିଲା । ବ୍ୟକ୍ତି ଜଣଙ୍କ ଗୁରୁତର ହୋଇ ତଳେ ପଡିଯାଇଥିବା ବେଳେ ସ୍ଥାନୀୟ ଲୋକଙ୍କ ପାଟି ଶୁଣି ମାଙ୍କଡଟି ଗଛକୁ ପଳାଇଥିଲା । ପରିବାର ଲୋକେ ଗୁରୁତର ଅବସ୍ଥାରେ ତାଙ୍କୁ ଆନନ୍ଦପୁର ମେଡିକାଲରେ ଭର୍ତ୍ତି କରିଥିଲେ ।
