କେନ୍ଦ୍ରାପଡ଼ା/ଢେଙ୍କାନାଳ ଅଫିସ,୧୩ା୮: ଖରସ୍ରୋତା ନଦୀରୁ ଭଦ୍ରକ ଜିଲାକୁ ପାଣି ଦେବା ପ୍ରତିବାଦରେ କେନ୍ଦ୍ରାପଡ଼ା ଜିଲା ରାଜକନିକା ବ୍ଲକ ବରୁଣାଡିହା ଠାରେ ପୋଲିସ ଓ ଆନ୍ଦୋଳନକାରୀଙ୍କ ମଧ୍ୟରେ ଗୁରୁବାର ସଂଘର୍ଷ ହୋଇଥିଲା। ଆନ୍ଦୋଳନକାରୀ ପ୍ରକଳ୍ପ ଠିକା କମ୍ପାନୀର ଆସବାବପତ୍ର ନଷ୍ଟ କରିବା ସହ ପୋଲିସକୁ ମାଡ଼ ମାରିଛନ୍ତି ା ଏପରି ଅଭିଯୋଗରେ ରାଜକନିକା ପୋଲିସ ଖରସ୍ରୋତା ନଦୀ ବଞ୍ଚାଅ ସଂଗ୍ରାମ ସମିତିର କର୍ମକର୍ତ୍ତା କୃଷ୍ଣଚନ୍ଦ୍ର ପଣ୍ଡାଙ୍କୁ ଢେଙ୍କାନାଳ ଜିଲା ଗଁଦିଆ ଥାନା ସନ୍ତସରା ଗ୍ରାମର ଫାର୍ମ ହାଉସରୁ ଗିରଫ କରିଛନ୍ତି। ଏଥିସହିତ ଗୁରୁବାର ବିଳମ୍ବିତ ରାତିରେ ଏହି ଅଞ୍ଚଳର ବିଭିନ୍ନ ଗ୍ରାମରୁ ୨୫ରୁ ଊର୍ଦ୍ଧ୍ୱ ଲୋକଙ୍କୁ ଉଠାଇ ନିଆଯାଇଛି ବୋଲି ସୂଚନା ମିଳିଛି।
ସୂଚନାଯୋଗ୍ୟ, ବରୁଣାଡିହା ସଂଘର୍ଷକୁ ନେଇ ରାଜକନିକା ଥାନାରେ ଆନ୍ଦୋଳନକାରୀଙ୍କ ବିରୋଧରେ ୨୮୫/୨୧ରେ ପୋଲିସ ପକ୍ଷରୁ ମାମଲା ରୁଜୁ ହୋଇଛି।
