ଭୁବନେଶ୍ୱର,୧୯।୮: ରଣକ୍ଷେତ୍ର ପାଲଟିଲା ରାଜଧାନୀର ମାଷ୍ଟର କ୍ୟାଣ୍ଟିନ ଛକ । ପୋଲିସ ପକ୍ଷରୁ ଲାଠି ଚାର୍ଜ । ପୋଲିସ ଉପରକୁ ମଧ୍ୟ ଢେଲା ପଥର ମାଡ । OLA, Uber, Rapido ଅନଲାଇନ ଚାଳକ ଆନ୍ଦୋଳନ ୩ୟ ଦିନରେ ପହଞ୍ଚିଥିବା ବେଳେ ମାଷ୍ଟର କ୍ୟାଣ୍ଟିନରେ ବଡ଼ ହଙ୍ଗାମା ହୋଇଛି । ପରିସ୍ଥିତି ଅଣାୟତ ବାହାରକୁ ଚାଲିଯାଇଥିବା ବେଳେ ବାଧ୍ୟ ହୋଇ ଲାଠି ଚାର୍ଜ ସହ ପାଣି ମାଡ କରିଛି ପୋଲିସ । ରାଜଧାନୀ ମାଷ୍ଟର କ୍ୟାଣ୍ଟିନ ଛକରେ ପୋଲିସ ଓ ଗାଡି ଚାଳକଙ୍କ ମଧ୍ୟରେ ଖଣ୍ଡ ଯୁଦ୍ଧ ଦେଖିବାକୁ ମିଳିଛି ।
କିଲୋମିଟର ପିଛା ଭଡା ବୃଦ୍ଧି, ବୁକିଂ କ୍ୟାନସେଲ କଲେ ଗ୍ରାହକଙ୍କ ଠାରୁ ଦେୟ ଆଦାୟ ଭଳି ଦାବି ନେଇ ଆନ୍ଦୋଳନ ଜାରି ରଖିଥିବା OLA, Uber ଓ Rapido ଡ୍ରାଇଭର ମାନେ ହଠାତ ଆନ୍ଦୋଳନକୁ ତୀବ୍ର କରିବା ବେଳେ ସ୍ଥିତି ଅଣାୟତ ହୋଇପଡିଥିଲା । ଏପରିକି ପୋଲିସ ଉପରକୁ ପଥର ମାଡ କରିବାକୁ ପଛାଇ ନ ଥିଲେ ଡ୍ରାଇଭର । ବାଧ୍ୟ ହୋଇ ଲାଠି ଚାର୍ଜ କରିବା ସହିତ ପାଣି ମାଡ କରିଛି ପୋଲିସ । ଉତ୍ୟକ୍ତ ଡ୍ରାଇଭରମାନେ ଆମ ବସକୁ ମଧ୍ୟ ଭଙ୍ଗାରୁଜା କରିଥିବା ଦେଖିବାକୁ ମିଳିଛି ।
