ନାରୀ ନିର୍ଯାତନାରେ ଓଡ଼ିଶା ଦେଶରେ ପ୍ରଥମ

ଭୁବନେଶ୍ୱର, ୧ା୧୦ (ବ୍ୟୁରୋ):ରାଜ୍ୟ ସରକାର ମହିଳାଙ୍କୁ ସମ୍ମାନ ଦେବା ସହ  ସେମାନଙ୍କ ସୁରକ୍ଷା ଉପରେ ସର୍ବାଧିକ ଗୁରୁତ୍ୱ ଦେଉଛନ୍ତି। ଏହା ସତ୍ତ୍ୱେ ମହିଳାଙ୍କ ଉପରେ ନିର୍ଯାତନା ବଢ଼ିବାରେ ଲାଗିଛି। ଏକ୍ଷେତ୍ରରେ ଓଡ଼ିଶା ଦେଶରେ ପ୍ରଥମ ସ୍ଥାନକୁ ଚାଲି ଆସିଥିବା ସଦ୍ୟ ପ୍ରକାଶି ଜାତୀୟ ଅପରାଧ ରେକର୍ଡ ବ୍ୟୁରୋ(ଏନ୍‌ସିଆର୍‌ବି)-୨୦୧୯ ରିପୋର୍ଟରୁ ଏହା ଜଣାପଡିଛି। ୨୦୧୭ରେ  ଓଡ଼ିଶା ପୋଲିସ ପକ୍ଷରୁ ୨୦ହଜାର ୯୮ଟି ନାରୀ ନିର୍ଯାତନା ଅଭିଯୋଗ ପଞ୍ଜୀକୃତ ହୋଇଥିବାବେଳେ ୨୦୧୮ରେ ୨୦ହଜାର ୨୭୪ଟି ମାମଲା ହୋଇଛି। ତେବେ ୨୦୧୯ରେ ଦେଶର ସର୍ବାଧିକ ୨୩ ହଜାର ୧୮୩ଟି ନାରୀ ନିର୍ଯାତନା ମାମଲା ହୋଇଛି।  ତେବେ ଦ୍ୱିତୀୟ ସ୍ଥାନରେ ଜମ୍ମୁକଶ୍ମୀର ଓ ତୃତୀୟରେ ରାଜସ୍ଥାନ ରହିଥିବା ଉକ୍ତ ରିପୋର୍ଟରୁ ଜଣାପଡିଛି। ସବୁଠୁ ଉଦ୍‌ବେଗର ବିଷୟ ହେଲା, ଓଡ଼ିଶାରେ ଛୋଟ ପିଲାଙ୍କୁ ଅଶ୍ଳୀଳ ଭିଡ଼ିଓ ତିଆରିରେ ସବୁଠାରୁ ଅଧିକ ନିୟୋଜିତ କରାଯାଉଛି। ୨୦୧୭ରେ ଏନେଇ ୮ଟି ମାମଲା ହୋଇଥିବାବେଳେ ୨୦୧୮ରେ ୩୩୩ ଓ ୨୦୧୯ରେ ୫୪୨ ମାମଲା ହୋଇଛି। ଏହା ତଳକୁ ରାଜସ୍ଥାନ ଓ ବିହାର ରହିଛି।  ସେହିପରି ରାଜ୍ୟରେ ଯୌନ ଶୋଷଣ ମାମଲା ସଂଖ୍ୟା ମଧ୍ୟ ଅଧିକ ରହିଛି।  ୨୦୧୯ରେ ୧୨୯୮ ମହିଳା ଯୌନ ଶୋଷଣର ଶିକାର ହୋଇଥିବାବେଳେ ଏହି ମାମଲାରେ ଓଡ଼ିଶା ଦ୍ୱିତୀୟରେ ରହିଛି। ହରିୟାଣା ଏ କ୍ଷେତ୍ରରେ ଶୀର୍ଷରେ ରହିଛି। ସବୁଠୁ ଲଜ୍ଜାଜନକ କଥା ହେଲା ମହିଳାଙ୍କୁ ଉଲଗ୍ନ କରିବା ମାମଲା ମଧ୍ୟ ଓଡ଼ିଶାରେ ସର୍ବାଧିକ। ୨୦୧୯ରେ ୨ହଜାର ୮୧୬ ଘଟଣା ଘଟିଥିବାବେଳେ ୨ହଜାର ୮୧୮ଜଣ ପୀଡିତା ରହିଛନ୍ତି।  ଉତ୍ତରପ୍ରଦେଶ ଦ୍ୱିତୀୟ ସ୍ଥାନରେ ରହିଛି। ତେବେ ବଳାତ୍କାରରେ ଓଡ଼ିଶାର ସ୍ଥାନ ନବମରେ ରହିଛି। ୨୦୧୯ରେ ରାଜ୍ୟରେ ୧୩୮୨ ବଳାତ୍କାର ମାମଲା ଓ ୧୫୧ଟି ବଳାତ୍କାର ଉଦ୍ୟମ ମାମଲା ପଞ୍ଜୀକୃତ ହୋଇଛି।  ନାବାଳିକାଙ୍କ ଉପରେ ଯୌନ ନିର୍ଯାତନା ମାମଲା ସଂଖ୍ୟା ୨ହଜାର ୩୬ ରହିଥିବାବେଳେ ୧୪ଶହ ୧୭ ଘଟଣାରେ ୧୫୦୫ ନାବାଳିକା ବଳାତ୍କାରର ଶିକାର ହୋଇଛନ୍ତି। ମହିଳାଙ୍କୁ ନିର୍ଯାତନା ଦେଇ ଇଜ୍ଜତ ଲୁଟିବା ନେଇ ୨୦୧୯ରେ ୧୧ହଜାର ୩୦୮ ମାମଲା ସହ ଓଡ଼ିଶା ଦ୍ୱିତୀୟ ସ୍ଥାନରେ ରହିଥିବାବେଳେ ପ୍ରଥମରେ ଉତ୍ତରପ୍ରଦେଶ ରହିଛି।

ଅନ୍ୟପକ୍ଷରେ ଓଡ଼ିଶାରେ ୨୦୧୯ରେ ୧୩୫୬ ହତ୍ୟା ମାମଲା ରୁଜୁ ହୋଇଛି। ଏଥିରେ ୧୩୬୫ଜଣଙ୍କ ମୃତ୍ୟୁ ଘଟିଛି। ଯୌତୁକଜନିତ ହତ୍ୟାକାଣ୍ଡ ୩୪୨ଟି ହୋଇଥିବାବେଳେ ଆତ୍ମହତ୍ୟା ପାଇଁ ପ୍ରୋତ୍ସାହିତ କରିବାକୁ ନେଇ ୧୨ ମାମଲା ରହିଛି। ହତ୍ୟା ଉଦ୍ୟମ ମାମଲା ସଂଖ୍ୟା ୩ହଜାର ୫୬୯ ରହିଥିବାବେଳେ ୩ହଜାର ୬୦୪ଜଣ ଗୁରୁତର ଆହତ ହୋଇଛନ୍ତି। କହିବାକୁ ଗଲେ ହତ୍ୟା ଉଦ୍ୟମ ମାମଲାରେ ଓଡ଼ିଶା ଦ୍ୱିତୀୟ ସ୍ଥାନରେ ଓ ପ୍ରଥମ ସ୍ଥାନରେ ପଶ୍ଚିମବଙ୍ଗ ରହିଛି।  ସେହିଭଳି ଗତବର୍ଷ ଏସିଡ୍‌ ମାଡ଼ ସଂକ୍ରାନ୍ତ ମାମଲା ସଂଖ୍ୟା ୧୦ ରହିଥିବାବେଳେ ଏଥିରେ ୧୦ଜଣ ଗୁରୁତର ହୋଇଥିବା ଏନ୍‌ସିଆର୍‌ବି ରିପୋର୍ଟରେ ଉଲ୍ଲେଖ ରହିଛି।ଉକ୍ତ ରିପୋର୍ଟ ଅନୁସାରେ, ୨୦୧୯ରେ ଉଭୟ ଆଇପିସି (ଭାରତୀୟ ଦଣ୍ଡ ସଂହିତା) ଓ ଏସ୍‌ଏଲ୍‌ (ସ୍ପେଶାଲ ଲ’)ରେ ସମୁଦାୟ ୧ଲକ୍ଷ ୨୧ହଜାର ୫୨୫ଟି ମାମଲା ରୁଜୁ ହୋଇଛି।

୨୦୧୭ରେ ଆଇପିସିରେ ୮୩ହଜାର ୫୮୩ ମାମଲା ରୁଜୁ ହୋଇଥିବାବେଳେ ୨୦୧୮ରେ ୮୩ ହଜାର ୭୬୯ ରହଛି। ହେଲେ ୨୦୧୯ରେ  ଅଧିକ ୧୦ ହଜାର ଅର୍ଥାତ୍‌  ୯୬ ହଜାର ୩୩ ମାମଲା ରୁଜୁ ହୋଇଛି।  ସେହିପରି ଏସ୍‌ଏଲ୍‌ (ସ୍ପେଶାଲ ଲ’) ଅଧୀନରେ ୨୦୧୭ରେ ୨୦ ହଜାର ୨୮୩ଟି ମାମଲା ହୋଇଥିବାବେଳେ ୨୦୧୮ରେ ୨୩ହଜାର ୬୩୯ ଓ ୨୦୧୯ରେ ୨୫ ହଜାର ୪୯୨ ମାମଲା ରୁଜୁ ହୋଇଛି।


Enter your email to get our daily news in your inbox.

All Right Reserved By Dharitri.Com

ଝାରପଡ଼ା ଜେଲରେ ହେବ ବିବନଙ୍କ ଟିଆଇ ପରେଡ୍‌

ଭୁବନେଶ୍ୱର,୨।୩(ବ୍ୟୁରୋ):ବହୁଚର୍ଚ୍ଚିତ ଅଞ୍ଜନା ମିଶ୍ର ଗଣବଳାତ୍କାର ମାମଲାରେ ଗିରଫ ହୋଇଥିବା ମୁଖ୍ୟ ଅଭିଯୁକ୍ତ ବିବନ ବିଶ୍ୱାଳକୁ ପଚରାଉଚରା କରିବ ସିବିଆଇ। ସୋମବାର ସିବିଆଇର ଏକ ଉଚ୍ଚସ୍ତରୀୟ ଟିମ୍‌...

୨୦୨୨ରେ ସରକାରୀ କର୍ମଚାରୀଙ୍କୁ ମିଳିବ ୧୦୪ଦିନ ଛୁଟି

ଭୁବନେଶ୍ୱର, ୧୮।୧୧(ବ୍ୟୁରୋ): ସାନ୍ତାଳୀ ଭାଷାର ପ୍ରଚାର ତଥା ଅଲିଚିକି ଲିପିର ସ୍ରଷ୍ଟା ପଣ୍ଡିତ ରଘୁନାଥ ମୁର୍ମୁଙ୍କ ଜନ୍ମ ଦିବସ ମେ ୧୬କୁ ସରକାରୀ ଛୁଟି ଘୋଷଣା...

ସଚେତନତା ଅଭାବ: ୩୦ କିମି ଭାରରେ ବୁହା ହେଲା ମୃତଦେହ

ମାଲକାନଗିରି, ୩୧।୧୦(ଡି.ଏନ୍‌.ଏ): ମାଲକାନଗିରି ଜିଲାରେ ବିଭିନ୍ନ ସମୟରେ ରୋଗୀ, ଗର୍ଭବତୀ ଓ ମୃତଦେହ ଭାରରେ ବୁହାହେବା ଘଟଣା ଘଟୁଥିବା ଦେଖିବାକୁ ମିଳିଥାଏ। ହେଲେ ସଚେତନତା ଅଭାବରୁ...

ପୌର ନିର୍ବାଚନ ପ୍ରସ୍ତୁତି: ମାଷ୍ଟର ଟ୍ରେନରଙ୍କୁ ମିଳିଲା ଇଭିଏମ ଟ୍ରେନିଂ

ଭୁବନେଶ୍ୱର,୧୮।୨(ବ୍ୟୁରୋ): ଆଗକୁ ପୌର ନିର୍ବାଚନ । ଏଥିପାଇଁ ନିର୍ବାଚନ କମିଶନ ପ୍ରସ୍ତୁତିକୁ ଜୋରଦାର ଆରମ୍ଭ କରିଦେଇଛନ୍ତି । ନିର୍ବାଚନ ପାଇଁ ଇଭିଏମ ପ୍ରଶିକ୍ଷଣ ଶିବିର ଆରମ୍ଭ...

କରୋନାରୁ ସୁସ୍ଥ ହେଲେ ଆଉ ୧୪୪୮, ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର,୧୦।୧୧(ବ୍ୟୁରୋ): ରାଜ୍ୟରେ ମଙ୍ଗଳବାର ୧୪୪୮ କରୋନା ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି। ଏହାକୁ ମିଶାଇ ମୋଟ ଆରୋଗ୍ୟ ସଂଖ୍ୟା ୨,୯୧,୧୩୭କୁ ବୃଦ୍ଧି ପାଇଛି। ଆରୋଗ୍ୟ...

ଆଜିଠୁ ଖୋଲିବ ମେଡିକାଲ କଲେଜ

ଭୁବନେଶ୍ୱର,୧।୧୨(ବ୍ୟୁରୋ): ରାଜ୍ୟ ସରକାର ଡିସେମ୍ବର ମାସ ପାଇଁ କୋଭିଡ୍‌-୧୯ ଗାଇଡ୍‌ଲାଇନ ଜାରି କରିଛନ୍ତି। ଏ ନେଇ ସୋମବାର ସ୍ବତନ୍ତ୍ର ରିଲିଫ କମିଶନର(ଏସ୍‌ଆର୍‌ସି)ଙ୍କ କାର୍ଯ୍ୟାଳୟ ପକ୍ଷରୁ ବିଜ୍ଞପ୍ତି...

ବାର୍‌ହା ଉପଦ୍ରବ ସୀମାପାର

ରାସୋଳ, ୧୯ ।୧୧(ଡି.ଏନ୍‌.ଏ.) ବିହନ ବୁଣିବା ସମୟରେ ବର୍ଷା ହେଲାନି। ଧାନ ତଳି ଉଠିବାଠାରୁ ରୋଇବା ଯାଏ ପାଣି ପାଇଁ ସଂଘର୍ଷ କଲେ ଚାଷୀ। ବଡ଼...

ଆଇଟିର ଉନ୍ନତି ପାଇଁ ମିଳିତ ଭାବେ କାର୍ଯ୍ୟ କରିବେ ଓଡ଼ିଶା-ୟୁପି, ୨ ରାଜ୍ୟର ଆଇଟି ମନ୍ତ୍ରୀଙ୍କ ସାକ୍ଷାତ

ଭୁବନେଶ୍ୱର,୫।୧(ବ୍ୟୁରୋ): ଇଲେକ୍‌ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା କ୍ଷେତ୍ରରେ ଓଡ଼ିଶା ଏବଂ ଉତ୍ତର ପ୍ରଦେଶ ମିଳିତ ଭାବେ କାର୍ଯ୍ୟ କରିବେ। ଉଭୟ ରାଜ୍ୟର ଆଇଟି ବିଭାଗ ମନ୍ତ୍ରୀଙ୍କ...

Advertisement
Archives

Model This Week