ପୁରୁଷୋତ୍ତମପୁର,୬।୪(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ଓକିଲ ସଂଘ ପକ୍ଷରୁ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହୋଇଛି। ଗୁରବାର ନିର୍ବାଚନ ଅଧିକାରୀ ବାସୁଦେବ ଜେନାଙ୍କ ତତ୍ତ୍ୱାବଧାନରେ ନିର୍ବାଚନରେ ନବନିର୍ବାଚିତ କର୍ମକର୍ତ୍ତାମାନେ ଶପଥ ଗ୍ରହଣ କରିଥିଲେ। ଏଥିରେ ନିର୍ବାଚନ ଅଧିକାରୀ ଶ୍ରୀ ଜେନା ନବନିର୍ବାଚିତ ସଭାପତି ଉପେନ୍ଦ୍ର ପଣ୍ଡା, ଉପ ସଭାପତି ଗୌରିଶଙ୍କର ରାଉଳ, ସମ୍ପାଦକ ସିମାଞ୍ଚଳ ମିଶ୍ର, ଯୁଗ୍ମ ସମ୍ପାଦକ ଅକ୍ଷୟ କୁମାର ବେହେରାଙ୍କୁ ଶପଥ ପାଠ କରାଇଥିଲେ। ଏହି ଅବସରରେ ଓକିଲ ସଂଘ ପକ୍ଷରୁ ନୂତନ କର୍ମକର୍ତ୍ତାଙ୍କୁ ସମ୍ବର୍ଦ୍ଧିତ କରାଯାଇଥିଲା। ଏଥିରେ ସରକାରୀ ଓକିଲ ପ୍ରକାଶ ଚନ୍ଦ୍ର ତ୍ରିପାଠୀ, କୃଷ୍ଣ ଚନ୍ଦ୍ର ଗୌଡ, ପ୍ରଭାତ କୁମାର ପଟ୍ଟନାୟକ , ପି.ଗୋପାଳ, ଅଶୋକ କୁମାର ମହାକୁଡ, ରବିନ୍ଦ୍ର ବେହେରା, ନିରଞ୍ଜନ ବେହେରା, ରବିନ୍ଦ୍ର କୁମାର ସାହୁ, ପ୍ରଫୁଲ କୁମାର ପଣ୍ଡା, ପ୍ରଭାତ କୁମାର ଦାଶ ପ୍ରମୁଖଙ୍କ ସମେତ ବହୁ ଓକିଲ ଉପସ୍ଥିତ ଥିଲେ।
