ବିଜେଡି ପ୍ରାର୍ଥୀଙ୍କୁ ଭୋଟ ଦେବାକୁ ମନ୍ଦିରରେ ଶପଥ

ନୟାଗଡ଼,୨ା୪ (ଲୋକନାଥ ମିଶ୍ର):ନୟାଗଡ଼ ଜିଲା ଓଡ଼ଗାଁ ବ୍ଲକର ପ୍ରସିଦ୍ଧ ଶୈବପୀଠ ଯାମୁପାଟଣାସ୍ଥିତ ଦୁତୀକେଶ୍ୱର ମନ୍ଦିରରେ ସୋମବାର ନୟାଗଡ଼ ନିର୍ବାଚନମଣ୍ଡଳୀର ବିଜେଡି ବିଧାୟକ ପ୍ରାର୍ଥୀ ଅରୁଣ କୁମାର ସାହୁଙ୍କୁ ଭୋଟ ଦେବା, ବିଜୟ ପାଇଁ ନୟାଗଡ଼ ବ୍ଲକର ସରପଞ୍ଚ ଓ ସମିତିସଭ୍ୟ ଶପଥ ପାଠ କରିଥିବା ଭିଡିଓ ଭାଇରାଲ ହୋଇଛି। ଏପରିକି ନୟାଗଡ଼ ବିଧାୟକ ମନ୍ଦିରରେ ଉପସ୍ଥିତ ଥାଇ ଶପଥ ପାଠ କରାଇବାରେ ସହଯୋଗ କରୁଥିବା ଭାଇରାଲ ଭିଡିଓରେ ରହିଛି। ସେହିପରି ନୂଆଗାଁ ବ୍ଲ୍ଳକ ମାଳିସାହି ଗତିଶ୍ୱର ମହାବିଦ୍ୟାଳୟର ଅଧ୍ୟାପକ ପ୍ରଶାନ୍ତ କୁମାର ବେହେରା ପତ୍ନୀ କ୍ରୀଦାଶପୁର ସରପଞ୍ଚ ସଞ୍ଜୁବାଳା ବିଶ୍ୱାଳଙ୍କ ସହ ମିଶି ଶପଥ ପାଠ କରିବାର ଭିଡିଓ ଅଧିକ ପରିମାଣର ଭାଇରାଲ ହୋଇଛି। ସରପଞ୍ଚ ପତ୍ନୀଙ୍କ ସହ ଜଣେ ଅଧ୍ୟାପକ କିପରି ବିଜେଡିକୁ ଭୋଟ ଦେବାକୁ ଶପଥ ନେଉଛନ୍ତି ସେନେଇ ପ୍ରଶ୍ନ ଉଠାଇ ଜିଲାପାଳଙ୍କୁ ସମାଜିକ କର୍ମୀ ସନ୍ତୋଷ ପ୍ରଧାନ ଫେରାଦ ହୋଇଛନ୍ତି। ଅନ୍ୟପକ୍ଷେ ନୟାଗଡ଼ ଜିଲା ଜିଲା ପରିଷଦ ସଦସ୍ୟ ସରପଞ୍ଚ ଓ ସମିତିସଭ୍ୟମାନଙ୍କୁ ମନ୍ଦିରରେ ଭୋଟ ପାଇଁ ଶପଥ ପାଠ କରାଉଥିବାରୁ ଆଚରଣ ବିଧି ଉଲ୍ଲଘଂନ ନେଇ ଜିଲାପାଳ ଓ ନିର୍ବାଚନ କମିଶନରଙ୍କୁ ଟୁଇଟ କରି ତଦନ୍ତ ପାଇଁ ଅନୁରୋଧ କରିଛନ୍ତି।
ଏ ନେଇ ଭାଜପା ନେତ୍ରୀ ପ୍ରତ୍ୟୁଷା ରାଜେଶ୍ୱରୀ ସିଂ କହିଛନ୍ତି, ଭୋଟ ପାଇଁ ମନ୍ଦିରରେ ଶପଥ ପାଠ କରାଇବା ଆଦର୍ଶ ଆଚରଣ ବିଧିର ଉଲ୍ଲଘଂନ ହୋଇଛି। ପୁଣି ଜଣେ ମହିଳା ସରପଞ୍ଚଙ୍କ ସ୍ବାମୀ ଅଧ୍ୟାପକ ହୋଇ ବିଜେଡି ଦଳକୁ ଭୋଟ ଦେବାକୁ ଶପଥ ନେଇଛନ୍ତି। ଏଭଳି ହେବା ଦ୍ୱାରା ନିର୍ବାଚନର ସ୍ବଚ୍ଛତା ଉପରେ ପ୍ରଶ୍ନ ଉଠିଛି। ଭାଜପା ଏହାର ପ୍ରତିବାଦ କରିଛି। ଏ ନେଇ ନିର୍ବାଚନ କମିଶନରଙ୍କୁ ଫେରାଦ୍‌ ଦିଆଯିବ ବୋଲି କହିଛନ୍ତି। କଂଗ୍ରେସ ଜିଲା ସଭାପତି ରଣଜିତ ଦାଶ କହିଛନ୍ତି, ମନ୍ଦିରରେ ସରପଞ୍ଚ ଓ ସମିତିସଭ୍ୟଙ୍କୁ ନିୟମ କରାଇ ବିଜେଡି ଦଳକୁ ଭୋଟ ଦେବାକୁ ବାଧ୍ୟ କରାଇବା ଘଟଣା ଛୋଟ ଇସ୍ୟୁ ନୁହେଁ। ନିର୍ବାଚନ କମିଶନ ଏହାକୁ ଗୁରୁତ୍ୱ ଦେଇ ଭାଇରାଲ ଭିଡିଓର ତଦନ୍ତ କରିବା ଦରକାର। ଅନ୍ୟପକ୍ଷେ ଅଭିଯୋଗ ହୋଇଥିବା ଘଟଣାର ତଦନ୍ତ କରି ପଦକ୍ଷେପ ନିଅନ୍ତୁ। କଂଗ୍ରେସ ଏ ନେଇ ପ୍ରତିବାଦ କରିଛି, ତଦନ୍ତ ପାଇଁ ନିର୍ବାଚନ କମିଶନର ଓ ଜିଲାପାଳଙ୍କୁ ଟୁଇଟ କରିଛି ବୋଲି ସେ କହିଛନ୍ତି। ଭାଜପା କର୍ମୀ ତଥା ଲକ୍ଷ୍ମୀପ୍ରସାଦ ପଞ୍ଚାୟତର ପୂର୍ବତନ ସରପଞ୍ଚ ସୌମ୍ୟ ରଞ୍ଜନ ପ୍ରଧାନ କହିଛନ୍ତି, ହାରିବାର ଭୟ ଅଧିକ ହେବାରୁ ଭୋଟ ପାଇବାକୁ ସରପଞ୍ଚ ଓ ସମିତିସଭ୍ୟଙ୍କୁ ଶପଥ ପାଠ ମନ୍ଦିରରେ କରାଯାଉଛି। ପୁଣି ନିଜେ ବିଧାୟକ ଉପସ୍ଥିତ ରହି ଶପଥ ପାଠରେ ସହଯୋଗ କରିବା ନିର୍ବାଚନର ସ୍ବଚ୍ଛତା ଉପରେ ପ୍ରଶ୍ନ ଉଠାଇଲାଣି। ଏ ନେଇ ଜିଲାପାଳ ଓ ନିର୍ବାଚନ କମିଶନରଙ୍କୁ ଅବଗତ କରାଇଛି ବୋଲି ସେ କହିଛନ୍ତି। ସୂଚନା ଅଧିକାର କର୍ମୀ ଶାନ୍ତନୁ ବିଶୋଇ କହିଛନ୍ତି, ଭୋଟ ପାଇଁ ମନ୍ଦିରରେ ଶପଥ ପାଠ କରାଇବା ବେଆଇନ। ଏହାର ତଦନ୍ତ ହେବା ଦରକାର। ଶପଥ ପାଠ ବିଜେଡିକୁ ଭୋଟ ଦେବା ପାଇଁ କରାଯାଇଛି। ମନ୍ଦିରରେ ଏହି ଫଟୋ ଓ ଭିଡିଓ ଅତି ନିକଟରୁ ଉଠାଯାଇଛି। ଯଦିଓ ଫଟୋ ଓ ଭିଡିଓ ଉତ୍ତୋଳନକୁ ବିଜେଡି ବିରୋଧୀ କରିଥିଲା ତେବେ ନିକଟରୁ ଭିଡିଓ ବିଜେଡି ପକ୍ଷରୁ କରାଯାଇଥିବା କୁହାଯାଇଛି। ଏଣୁ ଦଳର ଗୁମର କଥା ପଦାରେ ପଡିବାକୁ କେହି ଅନ୍ତର୍ଘାତି କାମ କରିଛି। ଯାହା ହେଉ ଘଟଣାର ତଦନ୍ତ ହେବା ଦରକାର।
ଶପଥ କାର୍ଯ୍ୟକ୍ରମରେ ସମବାୟ ଅଧିକାରୀ
ନୟାଗଡ଼ କେନ୍ଦ୍ର ସମବାୟ ବ୍ୟାଙ୍କ ମୁଖ୍ୟ ବ୍ରାଞ୍ଚର ଶାଖା ପରିଚାଳକ ଯୁଗଳ କିଶୋର ପ୍ରଧାନ ଦୁତୀକେଶ୍ୱର ମନ୍ଦିରରେ ସରପଞ୍ଚ ଓ ସମିତିସଭ୍ୟ ଶପଥ କରାଯିବା ସମୟରେ ଉପସ୍ଥିତ ଥିଲେ ବୋଲି ଅଭିଯୋଗ ହୋଇଛି। ଏପରିକି ସରକାରୀ ଅଧିକାରୀ ହୋଇ କିପରି ଶପଥ କାର୍ଯ୍ୟରେ ସାମିଲ ହୋଇଛନ୍ତି, ପଚାରିବାରୁ ମନ୍ଦିରକୁ ଠାକୁର ଦର୍ଶନ କରିବାକୁ ଆସିଥିବା କହି ପ୍ରସଙ୍ଗକୁ ଏଡାଇ ଯାଇଥିଲେ ବୋଲି ପ୍ରତ୍ୟକ୍ଷଦର୍ଶୀଙ୍କଠାରୁ ସୂଚନା ମିଳିଛି। ତେବେ ଏ ନେଇ ନୟାଗଡ କେନ୍ଦ୍ର ସମବାୟ ବ୍ୟାଙ୍କ ମୁଖ୍ୟ ବ୍ରାଞ୍ଚର ଶାଖା ପରିଚାଳକ ଯୁଗଳ କିଶୋର ପ୍ରଧାନଙ୍କୁ ପଚାରିବାରୁ କହିଥିଲେ, ଛୁଟିଦିନ ଥିବାରୁ ଦୁତିକେଶ୍ୱର ମନ୍ଦିର ଦର୍ଶନ କରିବାକୁ ଯାଇଥିଲି। ହେଲେ ସେ ସମୟରେ ମନ୍ଦିରରେ କିଛି ଶପଥ କାର୍ଯ୍ୟକମ ନ ଥିଲା। ମୋ ନଁାରେ ମଛରେ ଅଭିଯୋଗ କରାଯାଇ ମତେ ହଇରାଣ କରାଯିବାକୁ ଉଦ୍ୟମ କରାଯାଉଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

IPL 2027 trade: ରାଜସ୍ଥାନ ରୟାଲ୍ସରୁ ଖେଳିବେ ଶାମି, ସାମ୍‌ କୁରାନଙ୍କୁ କିଣିଲା…

ନୂଆଦିଲ୍ଲୀ,୧୭ା୧୧: ଇଣ୍ଡିଆନ ପ୍ରିମିୟର ଲିଗ୍‌ (ଆଇପିିଏଲ୍‌) ୨୦୨୭ ସିଜନରେ ରାଜସ୍ଥାନ ରୟାଲ୍ସରୁ ଖେଳିବେ ଭେଟେରାନ ଭାରତୀୟ ପେସ୍‌ ବୋଲର ମହମ୍ମଦ ଶାମି। ସେ ଲକ୍ଷ୍ନୌ ସୁପର ଜାଏଣ୍ଟ୍ସରୁ…

ସନ୍ୟାସକୁ ନେଇ ଭାବୁକ ହେଲେ ଧୋନୀ, ସୋସିଆଲ ମିଡିଆରେ ଭିଡିଓ ଛାଡି କଲେ ବଡ଼ ଘୋଷଣା

ନୂଆଦିଲ୍ଲୀ,୧୭।୧୧: ଚେନ୍ନାଇ ସୁପର କିଙ୍ଗ୍ସ, ମହାନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସନ୍ନ୍ୟାସର ଘୋଷଣା କରିସାରିଥିଲା। ଯାହାପରେ ସମସ୍ତେ ଧୋନୀଙ୍କ ସୋସିଆଲ ମିଡିଆ ପୋଷ୍ଟକୁ ଅପେକ୍ଷା କରି…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ବୈଭବ ସୂର୍ଯ୍ୟବଂଶୀଙ୍କୁ ମିଳିବ ୧୧କୋଟି ଦରମା? ଆଇପିଏଲ ୨୦୨୭ ରେ ମିଳିବ କୋଟି କୋଟି ଟଙ୍କା!

ନୂଆଦିଲ୍‌ଲୀ,୧୭।୧୧: ବୈଭବ ସୂର୍ଯ୍ୟବଂଶୀଙ୍କୁ ରାଜସ୍ଥାନ ରୟାଲ୍ସ ୨୦୨୫ ମେଗା ଅକ୍ସନରେ ୧ କୋଟି ୧୦ ଲକ୍ଷ ଟଙ୍କାରେ କିଣିଥିଲା। ସେତେବେଳେ ବୈଭବଙ୍କ ବୟସ ୧୪ ବର୍ଷ ଥିଲା,…

VIDEO: CSK ମାଲିକାଣୀଙ୍କ ବଡ଼ ଖୁଲାସା, ଧୋନୀ ହିଁ କହିଥିଲେ ସନ୍ୟାସ ନେବାକୁ, ଆଉ ସେହି ସମୟରେ ସମ୍ଭାଳିପାରିଲାନି…

ନୂଆଦିଲ୍ଲୀ,୧୭।୧୧: ଚେନ୍ନାଇ ସୁପର କିଙ୍ଗ୍ସ (CSK) ର ମାଲିକାଣୀ ରୁପା ଗୁରୁନାଥ କୁହନ୍ତି ଯେ ଗତ ଶନିବାର, ତିନି ଦିନ ପୂର୍ୱେ ଏମ.ଏସ. ଧୋନୀ, CSK ର…

‘ଓ ମାହି, ଓ ମାହି…’ ଧୋନୀଙ୍କ ସନ୍ୟାସ ଖବରରେ ଭାବୁକ ହେଲେ, ମଇଦାନରେ କଟ୍ଟର ଶତ୍ରୁ ହେଲେ କହିଲେ…

ନୂଆଦିଲ୍ଲୀ,୧୭।୧୧: MS ଧୋନୀଙ୍କ ଆଇପିଏଲ ସନ୍ନ୍ୟାସକୁ ନେଇ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (RCB) ଏକ ଭାବପୂର୍ଣ୍ଣ ମେସେଜ ଲେଖିଛି। ମଇଦାନରେ ଉଭୟ ଦଳ ପରସ୍ପରର କଟ୍ଟର ପ୍ରତିଦ୍ୱନ୍ଦ୍ୱୀ,…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?