ଭୁବନେଶ୍ୱର, ୧୧।୭(ସରୋଜ ଜେନା): ଓଡ଼ିଶା ଫୁଟ୍ବଲ୍ କ୍ଲବ(ଓଏଫ୍ସି) ପକ୍ଷରୁ ଆୟୋଜିତ ସିକ୍ସ ଏ ସାଇଡ୍ ଫୁଟସାଲ୍ ଟୁର୍ନାମେଣ୍ଟରେ ଚାମ୍ପିୟନ ଆଖ୍ୟା ଅର୍ଜନ କରିଛି ନଟ୍ ୟେଟ୍ ଏଫ୍ସି। ରିଲାଏନ୍ସ ଫାଉଣ୍ଡେଶନ୍ ଓ ରୋଲରନଟ୍ସ ଏଫ୍ସି ଆନୁକୂଲ୍ୟରେ ଏଜି କଲୋନିରେ ଏହି ଟୁର୍ନାମେଣ୍ଟ ଜୁଲାଇ ୭ରୁ ୯ ତାରିଖ ମଧ୍ୟରେ ଅନୁଷ୍ଠିତ ହୋଇଥିଲା। ସମଗ୍ର ରାଜ୍ୟରୁ ୩୨ ଦଳ ଏହି ଟୁର୍ନାମେଣ୍ଟରେ ଅଂଶଗ୍ରହଣ କରିଥିଲେ। ଫାଇନାଲ ମ୍ୟାଚ୍ରେ ନଟ୍ ୟେଟ୍ ଏଫ୍ସି ୩-୧ ଗୋଲରେ ଭୁବନେଶ୍ୱର ଦଳକୁ ପରାସ୍ତ କରିଥିଲା। ଓଡ଼ିଶାରେ ଯୁବ ଫୁଟବଲ ପ୍ରତିଭାଙ୍କୁ ସୁଯୋଗ ଦେବା ପାଇଁ ଏଭଳି ପ୍ରତିଯୋଗିତା ଅନୁଷ୍ଠିତ ହେଉଥିବା ଓଏଫସି ପକ୍ଷରୁ କୁହାଯାଇଛି। ଓ୍ବାର୍ଡ ନମ୍ବର୨୮ର କର୍ପୋରେଟର ଝରଣା ରାଣୀ ପତି ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ।
