ବେଙ୍ଗାଲୁରୁ,୨ା୬: କର୍ନାଟକର ଭେଲୋରରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଏକ ସରକାରୀ ହସ୍ପିଟାଲରେ, ଜଣେ ନର୍ସ ଅବହେଳା ଯୋଗୁ ଏକ ନବଜାତକର ଆଙ୍ଗୁଳି କାଟି ଦେଇଛନ୍ତି। ଅଭିଯୋଗ ହୋଇଛି ଯେ, ନର୍ସ ଫୋନ୍ରେ କଥା ହେବା ସମୟରେ କାମ କରୁଥିଲେ। ଏପରି ପରିସ୍ଥିତିରେ, ତାଙ୍କର ଧ୍ୟାନ ଫୋନ ଉପରେ ଥିଲା ଏବଂ ତାଙ୍କୁ ଟେପ୍ କାଟିବାର ଥିଲା। କିନ୍ତୁ ଟେପ୍ ବଦଳରେ ସେ ନବଜାତ ଶିଶୁର ଆଙ୍ଗୁଳି କାଟିଦେଲେ। ଏହା ପରେ ଶିଶୁର ବାପାଙ୍କୁ ଦେଢ଼ ଘଣ୍ଟା ପାଇଁ ତାଙ୍କୁ ଭେଟିବାକୁ ମଧ୍ୟ ଅନୁମତି ଦିଆଯାଇ ନ ଥିଲା। ଫଳରେ ହସ୍ପିଟାଲ ପରିସରରେ ହଙ୍ଗାମା ସୃଷ୍ଟି ହୋଇଥିଲା।
ଏହି ଘଟଣା ୨୪ମେ’ରେ ଏକ ସରକାରୀ ହସ୍ପିଟାଲରେ ଘଟିଥିଲା। ଯେଉଁଠାରେ ମଲ୍ଲିପାଲୟମର ବାସିନ୍ଦା ବିମଲ ରାଜ ତାଙ୍କ ସ୍ତ୍ରୀ ନିବେଥାଙ୍କୁ ପ୍ରସବ ପାଇଁ ଆଣିଥିଲେ। ନିବେଥା ହସ୍ପିଟାଲରେ ଏକ ପୁତ୍ର ସନ୍ତାନକୁ ଜନ୍ମ ଦେଇଥିଲେ। ଶିଶୁଟି ଟିକେ ଦୁର୍ବଳ ଥିଲା ଏବଂ ତା’ର ଶରୀରରେ ଶର୍କରାର ପରିମାଣ କମ୍ ଥିଲା। ଏପରି ପରିସ୍ଥିତିରେ ଡାକ୍ତରମାନେ ନବଜାତ ଶିଶୁକୁ ଗ୍ଲୁକୋଜ ଦେବାକୁ କହିଥିଲେ। ଜଣେ ନର୍ସ ନବଜାତ ଶିଶୁକୁ ଗ୍ଲୁକୋଜ ଦେଉଥିଲେ।
ଟେପ କାଟିବା ପରିବର୍ତ୍ତେ ସେ ପିଲାଟିର ଆଙ୍ଗୁଳି କାଟିଦେଲେ। ଏହି ସମୟରେ ନର୍ସ ନବଜାତ ଶିଶୁର ହାତରୁ ଛୁଞ୍ଚି କାଢୁଥିଲେ। ନର୍ସ ଛୁଞ୍ଚିରେ ଥିବା ଟେପ୍ କାଢିବା ପାଇଁ କଇଁଚି ବ୍ୟବହାର କରୁଥିଲେ। ତା’ପରେ ଟେପ୍ କାଟିବା ପରିବର୍ତ୍ତେ ସେ ପିଲାଟିର ଆଙ୍ଗୁଳି କାଟିଦେଲେ। ବାପା ବିମଲ ରାଜ ଅଭିଯୋଗ କରିଛନ୍ତି ଯେ, ଏହି ଘଟଣା ସମୟରେ ନର୍ସ ଫୋନ୍ରେ କଥା ହେଉଥିଲେ ଏବଂ ତାଙ୍କର ଧ୍ୟାନ ଫୋନ ୍ଉପରେ ଥିଲା। ଏପରି ପରିସ୍ଥିତିରେ, ଅସାବଧାନ ହୋଇ ସେ ଟେପ୍ ବଦଳରେ ପିଲାଟିର ଆଙ୍ଗୁଳିି କାଟି ଦେଇଥିଲେ।
କେବଳ ଏତିକି ନୁହେଁ, ପୀଡ଼ିତ ବିମଲ ରାଜ ମଧ୍ୟ ଅଭିଯୋଗ କରିଛନ୍ତି ଯେ, ପିଲାଟି ସହିତ ଏପରି ଘଟିବା ପରେ ତାଙ୍କୁ ପିଲାଟିକୁ ଭେଟିବାକୁ ମଧ୍ୟ ଦିଆଯାଇନଥିଲା। ତାଙ୍କୁ ପ୍ରାୟ ଦେଢ଼ ଘଣ୍ଟା ପର୍ଯ୍ୟନ୍ତ ଏଡ଼ାଇ ରଖାଯାଇଥିଲା ଏବଂ ପିଲାଟିକୁ ଦେଖିବାକୁ ମଧ୍ୟ ଦିଆଯାଇନଥିଲା। ଏହା ପରେ, ପିଲାଟିକୁ ଉନ୍ନତ ଚିକିତ୍ସା ପାଇଁ ଚେନ୍ନାଇର ଷ୍ଟାନଲି ହସ୍ପିଟାଲକୁ ରେଫର କରାଯାଇଥିଲା। ସେଠାରେ ପିଲାଟିର ଚିକିତ୍ସା ଆରମ୍ଭ କରାଯାଇଥିଲା। ବର୍ତ୍ତମାନ ପିଲାଟିର ଅବସ୍ଥା ପୂର୍ବ ଅପେକ୍ଷା ଭଲ ଥିବା କୁହାଯାଉଛି।
ଏହି ଘଟଣା ପରେ ହସ୍ପିଟାଲରେ ଉତ୍ତେଜନା ପ୍ରକାଶ ପାଇଥିଲା। ଏହି ମାମଲା ସମ୍ପର୍କରେ ସୂଚନା ଭେଲୋର ଜିଲ୍ଲା କଲେକ୍ଟର ସୁବ୍ବୁଲଲକ୍ଷ୍ମୀଙ୍କୁ ଦିଆଯାଇଥିଲା। ଏହି ମାମଲାରେ ତଦନ୍ତ ନିର୍ଦ୍ଦେଶ ଦେବା ସମୟରେ ସେ କହିଥିଲେ ଯେ, ଯଦି ନର୍ସ ଦୋଷୀ ସାବ୍ୟସ୍ତ ହୁଅନ୍ତି ଏବଂ ସେ ଫୋନରେ ଯାହା କହିଥିଲେ ତାହା ସତ୍ୟ ପ୍ରମାଣିତ ହୁଏ, ତେବେ ନର୍ସଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହା ସହିତ, ସେ ଏହା ମଧ୍ୟ କହିଥିଲେ ଯେ ଗ୍ଲୁକୋଜରୁ ଛୁଞ୍ଚି ବାହାର କରିବା ପାଇଁ କଇଁଚି ବ୍ୟବହାର କରିବାର କୌଣସି ଆବଶ୍ୟକତା ନାହିଁ। ସେହି କାମ ହାତରେ ମଧ୍ୟ କରାଯାଇପାରିଥାନ୍ତା।
