ଭୁବନେଶ୍ୱର,୨୩।୩: ଆଜି ଆସିପାରେ ଓଡ଼ିଶା ପାଇଁ ଭାଜପା ପ୍ରାର୍ଥୀଙ୍କ ନାଁ । ସଂଧ୍ୟାରେ ହେବାକୁ ଥିବା କେନ୍ଦ୍ରୀୟ ନିର୍ବାଚନ କମିଟି ବୈଠକରେ MP ଏବଂ MLA ପ୍ରାର୍ଥୀଙ୍କ ନାଁରେ ବାଜିବ ମୋହର । ଆଉ କିଛି ରାଜ୍ୟର ବି ତାଲିକା ଆସିବ ।
ଆଜି ଘୋଷଣା ହୋଇପାରେ ଓଡ଼ିଶା ଭାଜପା ପ୍ରାର୍ଥୀଙ୍କ ନାଁ। ସଂଧ୍ୟାରେ ଦିଲ୍ଲୀରେ ବସିବାକୁ ଥିବା ଭାଜପାର ତୃତୀୟ କେନ୍ଦ୍ରୀୟ ନିର୍ବାଚନ କମିଟି ବୈଠକରେ ପ୍ରାର୍ଥୀଙ୍କ ନାଁରେ ଲାଗିବ ମୋହର। ଆଜି ଓଡ଼ିଶା ସମେତ ୯ରୁ ଅଧିକ ରାଜ୍ୟର ଲୋକ ସଭା ଏବଂ ବିଧାନ ସଭା ପ୍ରାର୍ଥୀଙ୍କ ଉପରେ ଆଲୋଚନା ହେବ । ବୈଠକରେ ପଞ୍ଜାବ, ମହାରାଷ୍ଟ୍ର, ହରିୟାଣା ପ୍ରାର୍ଥୀଙ୍କ ନାଁ ଆସିବ। ସେହିପରି ଉତ୍ତର ପ୍ରଦେଶ, କର୍ନାଟକ, ପଶ୍ଚିମବଙ୍ଗ, ବିହାରର ପ୍ରାର୍ଥୀଙ୍କ ନାଁ ଉପରେ ମଧ୍ୟ ମୋହର ବାଜିବ। ତୃତୀୟ କେନ୍ଦ୍ରୀୟ ନିର୍ବାଚନ କମିଟି ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହା, ଓ ଭାଜପା ସଭାପତି ଜେ.ପି.ନଡ୍ଡାଙ୍କ ଭଳି ଶୀର୍ଷ ନେତା ଯୋଗଦେବେ । ତେବେ ମେଣ୍ଟ ବୁଝାମଣା ତୁଟି ନ ଥିବାବେଳେ ଭାଜପା ନିଜର ତୃତୀୟ ତାଲିକାରେ ମଧ୍ୟ ଓଡିଶାରେ ପ୍ରାର୍ଥୀ ଘୋଷଣା କରି ନ ଥିଲା। କିନ୍ତୁ ଗତକାଲି ଠାରୁ ଏନେଇ ପୂର୍ଣ୍ଣଚ୍ଛେଦ ପଡିବା ପରେ ଓଡିଶା ପାଇଁ ଭାଜପା ପ୍ରାର୍ଥୀଙ୍କ ନାଁ ଆସିବା ପକ୍କା ହୋଇଛି ।
