ନୂଆଦିଲ୍ଲୀ,୨୩।୩: ତ୍ରୁଣ ମୂଳ କଂଗ୍ରେସ (ଟିଏମସି) ନେତା ମହୁଆ ମୋଇତ୍ରା ପୁଣି ଥରେ ଅଡୁଆରେ ପଡ଼ିଥିବା ଜଣାପଡିଛି। ସିବିଆଇ ମୋଇତ୍ରାଙ୍କ ବାସଭବନରେ ଚଢାଉ କରୁଛି। କେବଳ ଏତିକି ନୁହେଁ, ଟିମ କୋଲକାତା ଏବଂ ଅନ୍ୟାନ୍ୟ ସ୍ଥାନରେ କ୍ୱେରି ମାମଲାରେ ଚଡାଉ କରୁଛି।
ଟିଏମସି ଏମପି ତାଙ୍କ ତାଙ୍କ ବୟାନକୁ ନେଇ ଅନେକ ସମୟରେ ଚର୍ଚ୍ଚାରେ ଥାଆନ୍ତି। ଭାଜପା ନେତା ନିଶିକାନ୍ତ ଦୁବେ ମହୁଆଙ୍କ ଉପରେ ବ୍ୟବସାୟୀ ଦର୍ଶନ ହିରାନନ୍ଦାନୀଙ୍କଠାରୁ ଲାଞ୍ଚ ନେଇଥିବା ଅଭିଯୋଗ କରିଛନ୍ତି। ଏହା ସହିତ ସେ ଦାବି କରିଛନ୍ତି ଯେ ଟିଏମସି ଏମପି ଏବଂ ବ୍ୟବସାୟୀଙ୍କ ମଧ୍ୟରେ ନଗଦ ଟଙ୍କା ଏବଂ ଉପହାର ବିନିମୟ ହୋଇଛି। ସଂସଦରେ ପ୍ରଶ୍ନ ପଚାରିବା ପାଇଁ ଟିଏମସି ଏମପି ଏବଂ ବ୍ୟବସାୟୀଙ୍କ ମଧ୍ୟରେ ଟଙ୍କା ଏବଂ ଉପହାର ବିନିମୟ ହୋଇଛି ବୋଲି ସେ କହିଛନ୍ତି। ନିଶିକାନ୍ତ ଦୁବେ ଲୋକ ସଭା ସ୍ପିକର ଓମ ବିର୍ଲାଙ୍କୁ ଏକ ଚିଠି ଲେଖି ଟିଏମସି ଏମପି ମହୁଆଙ୍କ ବିରୋଧରେ ତଦନ୍ତ କମିଟି ଗଠନ ଏବଂ ତାଙ୍କୁ ତୁରନ୍ତ ଗୃହରୁ ନିଲମ୍ବନ କରିବାକୁ ଦାବି କରିଛନ୍ତି।
ଓମ ବିର୍ଲାଙ୍କୁ ଏକ ଚିଠି ଲେଖି ନିଶିକାନ୍ତ ଦୁବେ କହିଥିଲେ ଯେ ଯେତେବେଳେ ବି ସଂସଦ ଅଧିବେଶନ ହୁଏ, ସେତେବେଳେ ମହୁଆ ଏବଂ ବରିଷ୍ଠ ତ୍ରୁଣମୂଳ ଏମପି ସୌଗତା ରୟଙ୍କ ନେତୃତ୍ୱରେ ଅଲ ଇଣ୍ଡିଆ ତ୍ରୁଣମୂଳ କଂଗ୍ରେସ (ଏଆଇଟିସି) ର ପାଟିତୁଣ୍ଡ କରୁଥିବା ବ୍ରିଗେଡ, କୌଣସି ନା କୌଣସି ବାହାନା କରି ସଭିଙ୍କ ସହ ଦୁର୍ବବ୍ୟବହାର କରି ଗୃହର କାର୍ଯ୍ୟରେ ବାଧା ଉପୁଯାଇଥାଆନ୍ତି। ଏହି ଆଶ୍ଚର୍ଯ୍ୟକର ରଣନୀତି ଅନୁଯାୟୀ, ମହୁଆ ଅନ୍ୟ ସଦସ୍ୟଙ୍କ ବିତର୍କ ପାଇଁ ସାମ୍ବିଧାନିକ ଅଧିକାରକୁ ଉଲ୍ଲଂଘନ କରୁଥିବାବେଳେ ଅନ୍ୟ ଏମପିମାନେ ସାଧାରଣ ଲୋକଙ୍କ ସମସ୍ୟା ତଥା ସରକାରଙ୍କ ନୀତି ଉପରେ ଆଲୋଚନା କରିବାକୁ ଚାହୁଁଛନ୍ତି।
