ନୂଆଦିଲ୍ଲୀ, ୨୬।୬ : ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ କହିଛନ୍ତି ଯେ ଭାରତ ଏହାର ଏକ ଇଞ୍ଚ ଜମି ମଧ୍ୟ ଚାଇନାକୁ ଦେବ ନାହିଁ। ପୂର୍ବ ଲଦାଖରେ ଚାଲିଥିବା ସୀମା ବିବାଦ ସହ ଜଡିତ ସମସ୍ତ ସମସ୍ୟାର ସମାଧାନ ଦୁଇ ଦେଶ ମଧ୍ୟରେ ଆଲୋଚନା ମାଧ୍ୟମରେ ହେବ। ପ୍ରତିରକ୍ଷା ମନ୍ତ୍ରୀ ଏହା ମଧ୍ୟ କହିଛନ୍ତି ଯେ ଭାରତ ଏହାର ଏକତା, ସାର୍ବଭୌମତ୍ୱ ଏବଂ ଆଞ୍ଚଳିକ ଅଖଣ୍ଡତା ପ୍ରତି ବିପଦ ସୃଷ୍ଟି କରୁଥିବା ସଙ୍କଟର ଉଚିତ ଜବାବ ଦେବାକୁ ସକ୍ଷମ।
ପୂର୍ବ ଲଦାଖରେ ଚାଲିଥିବା ବିବାଦକୁ ନେଇ ବିରୋଧୀ ଦଳର ସରକାରଙ୍କ ସମାଲୋଚନା ସମ୍ପର୍କରେ ସେ କହିଛନ୍ତି ଯେ ରାଜନୈତିକ ବିରୋଧୀମାନେ ପ୍ରକୃତ ତଥ୍ୟ ନ ଜାଣି କିଛି ପ୍ରଶ୍ନ ଉଠାଉଛନ୍ତି। ଏକ ନ୍ୟୁଜ୍ ଚ୍ୟାନେଲର କାର୍ଯ୍ୟକ୍ରମରେ ରାଜନାଥ ସିଂ କହିଛନ୍ତି, ୧୯୬୨ର ଚାଇନା-ଇଣ୍ଡିଆ ଯୁଦ୍ଧ ସମୟରେ ଯାହା ଘଟିଥିଲା ତାହା ମୁଁ କିଛି ଜାଣିବାକୁ ଚାହଁ ନାହିଁ। କିନ୍ତୁ ମୁଁ ଦେଶର ପ୍ରତିରକ୍ଷା ମନ୍ତ୍ରୀ ଭାବରେ ନିଶ୍ଚିତ କରିବାକୁ ଚାହୁଁଛି ଯେ ଯେତେବେଳେ ଆମ ସରକାରର ଏକ ଇଞ୍ଚ ଜମି କାହାକୁ ଦେବେ ନାହିଁ।
ସେ କହିଛନ୍ତି ଯେ ନ୍ୟାଶନାଲ ଡେମୋକ୍ରାଟିକ ଆଲାଏନ୍ସ (ଏନଡିଏ) ସରକାର କୌଣସି ମୂଲ୍ୟରେ ଦେଶର ଗର୍ବ ଓ ପ୍ରତିଷ୍ଠା ଉପରେ ଆଞ୍ଚ୍ ଆସିବାକୁ ଦେବ ନାହିଁ। ପ୍ରତିରକ୍ଷା ମନ୍ତ୍ରୀ ଏହା ମଧ୍ୟ କହିଛନ୍ତି ଯେ ରୁଷିଆ-ୟୁକ୍ରେନ ବିବାଦ ଦର୍ଶାଇଛି ଯେ ଯଦି ବିଶ୍ୱର ଯେକୌଣସି ଅଞ୍ଚଳରେ ଯୁଦ୍ଧ ହୁଏ ତେବେ ଏଥିରେ ସମ୍ପୃକ୍ତ ଦେଶମାନଙ୍କ ସହ ଲଢ଼ିବାକୁ ପଡ଼ିବ ଏବଂ କୌ ଣସି ତୃତୀୟ ଦେଶ ଏଥିରେ ସାମିଲ ହେବେ ନାହିଁ। ପୋଙ୍ଗାଙ୍ଗ ଅଞ୍ଚଳରେ ଭାରତୀୟ ଏବଂ ଚାଇନା ସୈନ୍ୟଙ୍କ ମଧ୍ୟରେ ହିଂସାତ୍ମକ ସଂଘର୍ଷ ପରେ ପୂର୍ବ ଲଦାଖରେ ସୀମା ବିବାଦ ମେ ୨୦୨୦ ଆରମ୍ଭରେ ଆରମ୍ଭ ହୋଇଥିଲା।
ଅନେକ ରାଉଣ୍ଡ ସାମରିକ କଥାବାର୍ତ୍ତାର ଫଳାଫଳ ଅନୁଯାୟୀ, ଗତ ବର୍ଷ ଉଭୟ ପକ୍ଷ ପୋଙ୍ଗୋଙ୍ଗ ହ୍ରଦର ଉତ୍ତର ଏବଂ ଦକ୍ଷିଣ କୂଳରେ ଏବଂ ଗୋଗ୍ରା ଅଞ୍ଚଳରେ ଦୈନ୍ୟ ପ୍ରତ୍ୟାହାର ସମାପ୍ତ କରିଥିଲେ ହେଁ କିଛି କ୍ଷେତ୍ର ନେଇ ବିବାଦ ଜାରି ରହିଛି। ପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ ଲାଇନ ଅଫ ଆକ୍ଟୁଆଲ କଣ୍ଟ୍ରୋଲ (ଏଲଏସି) ଅଞ୍ଚଳରେ ଚାଇନାର ଚିନ୍ତାଧାରା ଯୋଗୁ ଦୁଇପକ୍ଷଙ୍କ ମଧ୍ୟରେ ଉତ୍ତେଜନା ସୃଷ୍ଟି ହୋଇଛି।
କଣ୍ଟ୍ରୋଲ ଲାଇନ ସହିତ ପାକିସ୍ତାନ ସହ ଅସ୍ତ୍ରବିରତି ଉଲ୍ଲଂଘନ ଉପରେପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ ଏହା ଏକ ବର୍ଷରୁ ଅଧିକ ସମୟ ଧରି କାର୍ଯ୍ୟକାରୀ ହୋଇଛି। ଭାରତର ସ୍ଥିତି ସମ୍ପର୍କରେ ରାଜନାଥ ସିଂ କହିଛନ୍ତି ଯେ ପାକିସ୍ତାନ ଅସ୍ତ୍ରବିରତି ଉଲ୍ଲଂଘନ କରିବା ପରେ ପୁଣି ଉତ୍ତଜନା ସୃଷ୍ଟି କରୁଛି। କିନ୍ତୁ ବର୍ତ୍ତମାନ ଅସ୍ତ୍ରବିରତି ଉଲ୍ଲଂଘନ ହେବାର ଏକ ବର୍ଷରୁ ଅଧିକ ସମୟ ବିତିଯାଇଛି। ଏଲଓସିରେ ଦୁଇପକ୍ଷଙ୍କ ମଧ୍ୟରେ ଗତ ଏକ ବର୍ଷ ଧରି କୌଣସି ଅସ୍ତ୍ର ବିରତି ଉଲ୍ଲଂଘନ ହୋଇ ନାହିଁ।
