ଜଳ ନିଷ୍କାସନ ବ୍ୟବସ୍ଥା ନାହିଁ, ଉଜୁଡୁଛି ଫସଲ

କଣାସ, ୨୮ା୧୧(ସ୍ବ.ପ୍ର.): ପୁରୀ ଜିଲାରେ ପ୍ରବାହିତ ଦୟା, ଭାର୍ଗବୀ, ରାଜୁଆ, ମକରା, ଲୁଣା, କାଣିଆ, ମଲାଗୁଣି, କୁଶଭଦ୍ରା, ପ୍ରାଚୀ ଏବଂ ଦେବୀ ନଦୀର ବନ୍ୟାଜଳ ପ୍ରତିବର୍ଷ ଠିକ୍‌ ଭାବେ ନିଷ୍କାସନ ହୋଇ ପାରୁନାହିଁ। ଫଳରେ ଚାଷୀଙ୍କର ବ୍ୟାପକ ଫସଲ କ୍ଷତିଗ୍ରସ୍ତ ହେଉଛି। କଣାସ ବ୍ଲକର ୯୨, ଡେଲାଙ୍ଗ ବ୍ଲକର ୮୪, ପୁରୀ ସଦର ବ୍ଲକର ୬୭, ସତ୍ୟବାଦୀ ବ୍ଲକର ୩୨, ବ୍ରହ୍ମଗିରି ବ୍ଲକର ୫୦ ଏବଂ ପିପିଲି ବ୍ଲକ ଅଧୀନ ୧୮ଟି ଗ୍ରାମର ଚାଷୀଙ୍କ ଦୁର୍ଦ୍ଦଶା ଗତ ୫୦ ବର୍ଷ ହେଲା ବଢ଼ି ଚାଲିଛି। ପ୍ରତିବର୍ଷ ବନ୍ୟା ସମୟରେ ପ୍ରଶାସନ ପକ୍ଷରୁ କୋଟି କୋଟି ଟଙ୍କା ଖର୍ଚ୍ଚ କରାଯାଇ ଲୋକଙ୍କୁ ଚୁଡ଼ା, ଚାଉଳ ବାଣ୍ଟି ଦାୟିତ୍ୱ ସାରିଦିଆଯାଏ। ମାତ୍ର ବନ୍ୟାଜଳ ନିଷ୍କାସନ ସମସ୍ୟା ନେଇ ସ୍ଥାୟୀ ପ୍ରତିକାର ପାଇଁ ସରକାରୀ ସ୍ତରରେ ଆନ୍ତରିକତାର ସହ ପଦକ୍ଷେପ ନିଆଯାଉ ନାହିଁ। ଏଥିଯୋଗୁ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ବଢ଼ୁଛି।
ବନ୍ୟା ପ୍ରପୀଡ଼ିତ ଅଞ୍ଚଳ ଭାବେ ଚିହ୍ନଟ କଣାସ ବ୍ଲକରେ ଜଳ ନିଷ୍କାସନ ସମସ୍ୟା ଲାଗିରହିଛି। ରାଜୁଆ ନଦୀ ବାମପାର୍ଶ୍ୱରେ ପୂର୍ଣ୍ଣାଙ୍ଗ ନଦୀବନ୍ଧ ନ ଥିବାରୁ ବନ୍ୟାଜଳ ଦୟା ଓ ରାଜୁଆ ନଦୀ ମଧ୍ୟବର୍ତ୍ତୀ ଅଞ୍ଚଳ ଦୋକନ୍ଦା, ବଡ଼ାସ, ଗଡ଼ବଳଭଦ୍ରପୁର ପଞ୍ଚାୟତର ଚାଷଜମି କ୍ଷୟକ୍ଷତି କରିବା ସହିତ ବାଲିଚର କରିଦେଇଛି। ଏହି ବ୍ଲକର ତ୍ରିଲୋଚନପୁର, କଣାସ, ସିରେଇ, ଗଡ଼ସାହି, ବିଜିପୁର, ବିନ୍ଧଣ, ଅଣ୍ଡାଳସିଂହ, ଖଣ୍ଡହତା, ଆଳିବାଡ଼, ଯାମଳଗୋଦା ଏବଂ ଗଡ଼ିଶାଗୋଦା ପଞ୍ଚାୟତରେ ବର୍ଷାଜଳ ନିଷ୍କାସନ ପାଇଁ ଥିବା ଆରଦଙ୍ଗା, ସୁହାଗପୁର ନାଳ ପୋତି ହୋଇପଡ଼ିିଥିବାବେଳେ କଲିକତି ଦଳ ଜମିରହିଛି। ଫଳରେ ପ୍ରତିବର୍ଷ ଉକ୍ତ ଅଞ୍ଚଳର ବର୍ଷା ଓ ବନ୍ୟାଜଳ ମାସ ମାସ ଧରି ଚାଷ ଜମିରେ ଜମିରହୁଥିବାରୁ ଶାରଦ ଧାନ ଫସଲ କ୍ଷତିଗ୍ରସ୍ତ ହେଉଛି। ତ୍ରିଲୋଚନପୁର ଠାରୁ ନୂଆପଡ଼ା, ସିରେଇଶର, ଜଙ୍ଘାର, ପଶିଆପଡ଼ା, ମାଢିପୁର ଓ ବିଜିପୁର ମଧ୍ୟଦେଇ ଖଣ୍ଡହତା ନିକଟରେ ଖରଖରା ଖଲାସି ସହିତ ମିଶିଥିବା ମୂଳଖରଖରା ବର୍ତ୍ତମାନ ନିଶ୍ଚିହ୍ନ ହୋଇଗଲାଣି। ସମ୍ପୃକ୍ତ ଅଞ୍ଚଳରେ ଧାନଜମିରେ ପାଣି ଜମିରହି ବ୍ୟାପକ ଫସଲ ହାନି ହେଉଛି। ଡେଲାଙ୍ଗ ଓ ପିପିଲି ବ୍ଲକର ଦୁଇ ତୃତୀୟାଂଶ ଜମିରେ ଲୁଣାନଦୀ ଶଯ୍ୟା ପୋତିହୋଇ ପଡ଼ିଥିବାରୁ ଜଳ ନିଷ୍କାସନରେ ବାଧା ଉପୁଜୁଛି। ସେହିପରି ଭାର୍ଗବୀ ଓ ଲୁଣା ନଦୀର ମିଶ୍ରଣସ୍ଥଳ ବଡ଼ଗୋଠରୁ ଚିଲିକା ମୁହଁାଣ ପର୍ଯ୍ୟନ୍ତ ନଦୀଶଯ୍ୟା ପୋତିହେବା ସହ ଅନାବନା ଦଳ ଜମିଛି। ସତ୍ୟବାଦୀ, ଡେଲାଙ୍ଗ, ପିପିଲି ଅଞ୍ଚଳର ବର୍ଷାଜଳ ଲୁଣା ନଦୀକୁ ଖଲାସ ହେବା ପାଇଁ ଥିବା ବାରପଲ୍ଲିଆ ଖଲାସି, ଜୟଲୁଣ୍ଡା ଖଲାସି, ରତ୍ନଚିରା ଖଲାସି, ତୁପୁରୀ ଖଲାସି ଆଦି ପୋତି ହୋଇପଡ଼ିଥିବା ସହ ଦଳ ଜମିଛି। ଏଥିସହ କୁର ଓ ବାସ୍ତରୀପଲ୍ଲିଆ ନାଳ ସହିତ ଅନେକ ଛୋଟନାଳର ଗତିପଥ ଅବରୋଧ ହେବା ଫଳରେ ୫ଟି ବ୍ଲକରେ ଫସଲ ନଷ୍ଟ ହେଉଛି। ସତ୍ୟବାଦୀ ଓ ପୁରୀ ସଦର ବ୍ଲକରେ ବର୍ଷାଜଳ ରତ୍ନଚିରା ମୁଖ୍ୟ ଖଲାସି ମାଧ୍ୟମରେ ଖଜୁରିଆଠାରେ ଭାର୍ଗବୀ ନଦୀକୁ ନିଷ୍କାସନ ବ୍ୟବସ୍ଥା ଥିବାବେଳେ ଗମନାଗମନ ପାଇଁ ଏହି ଖଲାସି ଉପରେ କଲଭର୍ଟ ନିର୍ମାଣ କରାଯାଇଛି। ଅନାବନା ଦଳ ଜମିରହି ଥିବାରୁ ଜଳ ନିଷ୍କାସନ ହୋଇ ନ ପାରି କୃତ୍ରିମ ବନ୍ୟା ପରିସ୍ଥିତି ସୃଷ୍ଟି କରୁଛି। ଗମନାଗମନ ପାଇଁ ନିର୍ମିତ ନୂଆ ଜଗନ୍ନାଥ ସଡ଼କରେ ଆବଶ୍ୟକ ସଂଖ୍ୟକ କଲଭର୍ଟ ନ ଥିବାରୁ ବର୍ଷାଜଳ ଜମିରହି କଣାସ ବ୍ଲକର କଣାସ, ସିରେଇ, ଗଡ଼ସାହି, ତ୍ରିଲୋଚନପୁର ଏବଂ ଡେଲାଙ୍ଗ ବ୍ଲକର କଲ୍ୟାଣପୁର, ସାଉରିଆ, ମୁନିଦିଆ, ଧାନକେରା, ଅଭମୁଖୀ, ଡେଲାଙ୍ଗ କୋଠବାଡ଼ ପଞ୍ଚାୟତ ଚାଷଜମି ଜଳମଗ୍ନ ହେଉଛି। ପ୍ରାୟ ୧୦ବର୍ଷ ତଳେ ଖୋଳାଯାଇଥିବା ନଦୀ ମୁହଁାଣଗୁଡ଼ିକ ପୋତି ହୋଇଯାଇଥିବାରୁ ଚିଲିକାକୁ ସହଜରେ ଜଳ ନିଷ୍କାସନ ହୋଇପାରୁନାହିଁ। ତୁରନ୍ତ ନଦୀନାଳଗୁଡ଼ିିକ ଖନନ ସହ ଦଳ ସଫେଇ କରା ନ ଗଲେ ଆଗାମୀ ଦିନରେ ୬ଟି ବ୍ଲକର ଚାଷଜମି ଚିଲିକାରେ ପରିଣତ ହେବ ବୋଲି କୃଷକ ସଙ୍ଗଠନଗୁଡ଼ିକ ପକ୍ଷରୁ ଚେତାବନୀ ଦିଆଯାଇଛି।


Enter your email to get our daily news in your inbox.

All Right Reserved By Dharitri.Com

ଅନ୍ତର୍ଜାତୀୟ ବାଲୁକା କଳା ପ୍ରଦର୍ଶନୀ ପାଇଁ ଓମ ପ୍ରକାଶଙ୍କ ପ୍ରସ୍ତୁତି: ଓଡ଼ିଶାର ଐତିହ୍ୟକୁ ବିଶ୍ୱ ଦରବାରରେ ପହଞ୍ଚାଇବା ଲକ୍ଷ୍ୟ

କର୍ଲାମୁଣ୍ଡା,୧୬।୧୧(ପ୍ରଦୀପ କୁମାର ସାହୁ):କୋଣାର୍କର ଚନ୍ଦ୍ରଭାଗା ବେଳାଭୂମିରେ ଡିସେମ୍ବର ୧ରୁ ୫ ତାରିଖ ପର୍ଯ୍ୟନ୍ତ କୋଣାର୍କ ମହୋତ୍ସବ ଅନୁଷ୍ଠିତ ହେବ। ଏଥିରେ ଭାଗ ନେବା ପାଇଁ ପଶ୍ଚିମ ଓଡ଼ିଶାର…

ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା ଉଦ୍‌ଯାପିତ: ଭବାନୀପାଟଣା ଚାମ୍ପିୟନ

ରିଷିଡ଼ା,୧୬ା୧୧(ସୁଶାନ୍ତ ମଲ୍ଲିକ): କର୍ଲାମୁଣ୍ଡା ବ୍ଲକ ରିଷିଡ଼ାସ୍ଥିତ ଜଗନ୍ନାଥ କୌଶଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟଠାରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଓଡ଼ିଶା ପକ୍ଷରୁ ତ୍ରିଦିବସୀୟ ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା…

ଟେଷ୍ଟ କ୍ରିକେଟରୁ ଅବସର ନେଇ ବଡ଼ ଭୁଲ କରିଦେଲେ କୋହଲି-ଶାମି: କପିଳଙ୍କ ଚାଞ୍ଚଲ୍ୟକର ଦାବି, କହିଲେ-୧୦ ବର୍ଷ ପରେ…

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟର ଦିଗ୍ଗଜ ବ୍ୟାଟର ବିରାଟ କୋହଲି ଏବଂ ଅଭିଜ୍ଞ ଦ୍ରୁତ ବୋଲର ମହମ୍ମଦ ଶାମି ଟେଷ୍ଟ କ୍ରିକେଟରୁ ସନ୍ନ୍ୟାସ ନେଇସାରିଛନ୍ତି। କୋହଲି ୨୦୨୫ ଜୁନରେ…

ଟିମ ଇଣ୍ଡିଆକୁ ବଡ଼ ଝଟ୍‌କା: ପୁଣି ଆହତ ହେଲେ ଷ୍ଟାର୍‌ ଖେଳାଳି

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟ ଦଳର ଅନେକ ଷ୍ଟାର୍‌ ଖେଳାଳି ଏବେ ସୟଦ ମୁସ୍ତାକ ଅଲ୍ଲୀ ଟ୍ରଫି ୨୦୨୬ରେ ଖେଳୁଥିବା ନଜର ଆସୁଛନ୍ତି। ଏହି ଟୁର୍ନାମେଣ୍ଟରେ ଭଲ ପ୍ରଦର୍ଶନ…

ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ବିୟୋଗରେ ଗୁଣପୁର ଓକିଲ ସଂଘର ଶୋକସଭା

ଗୁଣପୁର, ୧୬।୧୧ (ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଓକିଲ ସଂଘର ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ୭୫ ବର୍ଷ ବୟସରେ ଶନିବାର ପରଲୋକ ଘଟିଥିଲା।…

ପର୍ଯ୍ୟଟକଙ୍କ ପାଇଁ ଖୋଲିଲା ଦାରିଙ୍ଗବାଡ଼ି ଇକୋ ରିଟ୍ରିଟ: ୨୮ ତମ୍ବୁ ଘର ସହ ପଞ୍ଚତାରକା ହୋଟେଲ୍‌ର ସୁବିଧା

ଦାରିଙ୍ଗବାଡ଼ି, ୧୬।୧୧ (ଅରୁଣ ସାହୁ): ପର୍ଯ୍ୟଟକଙ୍କ ପାଇଁ ଖୋଲିଲା କନ୍ଧମାଳ ଜିଲାର ପ୍ରସିଦ୍ଧ ପର୍ଯ୍ୟଟନସ୍ଥଳୀ ଦାରିଙ୍ଗବାଡ଼ି ଇକୋ ରିଟ୍ରିଟ। ଚଳିତ ବର୍ଷର ଇକୋ ରିଟ୍ରିଟକୁ ରାଜ୍ୟ ପର୍ଯ୍ୟଟନ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

କେନ୍ଦୁଝରରେ ଚାଞ୍ଚଲ୍ୟ: ଜୀବନ ଯୁଦ୍ଧରେ ହାରିଗଲେ ବଳାତ୍କାର ପୀଡିତା, ଅଭିଯୁକ୍ତଙ୍କୁ ଖୋଜୁଛି ପୋଲିସ…

କେନ୍ଦୁଝର,୧୬।୧୧(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ତେଲକୋଇ ଥାନା ଅଞ୍ଚଳରେ ଜଣେ ୪୫ ବର୍ଷୀୟା ଜୁଆଙ୍ଗ ଆଦିମ ଜନଜାତି ବିଧବା ମହିଳା ବଳାତ୍କାରର ଶିକାର ହୋଇଥିଲେ। ଗୁରୁତର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?