ନିଶାକୁ ନାହିଁ ନିୟନ୍ତ୍ରଣ

ଢେଙ୍କାନାଳ ଅଫିସ, ୬।୧୧: ଗଁାରୁ ସହର। ଗଳି ରାସ୍ତାରୁ ରାଜପଥ। ଝୁମ୍ପୁଡ଼ିରୁ ଢାବା। ସବୁଠି କାୟା ମେଲାଇଛି ନିଷିଦ୍ଧ ନିଶାର ଅବୈଧ କାରବାର। ୧୦ରୁ ୧୨ ଟଙ୍କା ଦେଲେ ସୁବିଧାରେ ମିଳିଯାଉଛି ଦେଶୀ ମହୁଲି। ୫୦୦ରୁ ୧୦୦୦ ଟଙ୍କାରେ ନିଶା ବ୍ୟବସାୟୀ ହାତକୁ ବଢ଼ାଇ ଦେଉଛନ୍ତି ବ୍ରାଉନ୍‌ସୁଗାର ପୁଡ଼ିଆ। ବାହାର ରାଜ୍ୟର ନିଶା ମାଫିଆ ହୁଅନ୍ତୁ କି ସ୍ଥାନୀୟ ଅଞ୍ଚଳର ମଧ୍ୟସ୍ଥ ଏମାନେ ସମସ୍ତେ ଜାଣିସାରିଲେଣି କାରବାରର ଗଳାବାଟ। ଅବକାରୀ ବିଭାଗ, ପୋଲିସ ଏବଂ ଗୋଇନ୍ଦା ବିଭାଗର ନିଷ୍କ୍ରିୟତା ଢେଙ୍କାନାଳ ଜିଲାକୁ ନିଶାର ନିଅଁାରେ ଛିଡ଼ା କରାଇଥିବାବେଳେ ଏବେ ଏଭଳି ବେଆଇନ କାରବାର ନିୟନ୍ତ୍ରଣ ବାହାରକୁ ଚାଲିଯାଉଥିବା ଅଭିଯୋଗ ହେଉଛି।
୨୦୨୧ ବର୍ଷରେ ଅକ୍ଟୋବର ସୁଦ୍ଧା ପୋଚ ନଷ୍ଟ, ଗଞ୍ଜେଇ, ଦେଶୀମଦ, ମହୁଲି ମଦ, ବ୍ରାଉନ୍‌ସୁଗାର କାରବାର ସଂକ୍ରାନ୍ତ ୫୩୩ ମାମଲା ରୁଜୁ କରାଯାଇଥିଲା। ମୋଟ ୪୨୬ଜଣ ଧରାପଡ଼ିଥିଲେ। କେବଳ ଅକ୍ଟୋବର ମାସରେ ୧୧୧ ମାମଲା ରୁଜୁ ହୋଇଥିବାବେଳେ ୯୧ ଜଣ ଗିରଫ ହୋଇଥିଲେ। ୨୦୨୨ ବର୍ଷ ସମାନ ସମୟ ମଧ୍ୟରେ ୯୦୨ ମାମଲା ରୁଜୁ ହୋଇଛି। ୮୦୧ ଜଣଙ୍କୁ ଗିରଫ କରାଯାଇଛି। କେବଳ ଅକ୍ଟୋବରରେ ୧୫୬ ମାମଲାରେ ୧୩୦ଜଣ ଧରାପଡ଼ିଛନ୍ତି। ସେହିପରି ଅବକାରୀ କମିଶନର ଆଶିଷ ସିଂଙ୍କ ନିର୍ଦ୍ଦେଶରେ ଜିଲାରେ ବ୍ରାଉନ୍‌ସୁଗାର ଧରପଗଡ଼ ଅଭିଯାନ ଜୋର୍‌ଦାର କରାଯାଇଥିଲା। ଚଳିତବର୍ଷ ମୋଟ୍‌ ୮୩୩ ଗ୍ରାମ ଧଳାଜହର ଜବତ ହୋଇଛି। କେବଳ ଅକ୍ଟୋବରରେ ୮୭ ଗ୍ରାମ୍‌ ପାଉଡର ଧରାପଡ଼ିଛି। ଏହାର ଆନୁମାନିକ ମୂଲ୍ୟ ୮୩.୩୦ ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି।
ସେହିପରି ୨୦୨୧ ବର୍ଷରେ ନିଶା ଚାଲାଣରେ ବ୍ୟବହୃତ ୩ଟି ଚାରିଚକିଆ ଯାନ, ୫୮ ବାଇକ୍‌, ୫ ଅଟୋରିକ୍ସା, ୩ ସାଇକେଲ, ଗୋଟିଏ ଟ୍ରକ୍‌ ଏବଂ ୧୯୮ ପ୍ଲାଷ୍ଟିକ ଡ୍ରମ୍‌ ଜବତ କରାଯାଇଥିଲା। ଏହିବର୍ଷ ଆସାମରୁ ଅନୁଗୋଳକୁ ଟ୍ରକ୍‌ ଯୋଗେ ଚାଲାଣ ହେଉଥିବା ବିପୁଳ ଚୋରା ମଦ ଜବତ କରାଯାଇଥିଲା। ଜବତ ସାମଗ୍ରୀର ମୂଲ୍ୟ ୨ କୋଟି ୯୯ଲକ୍ଷ ୮୫ହଜାର ୫୬୯ ଟଙ୍କା ହେବ ବୋଲି ଆକଳନ କରାଯାଇଛି। ତେବେ ୨୦୨୨ରେ ଅଦ୍ୟାବଧି ୨ କୋଟି ୮୮ଲକ୍ଷ ୩୨ ହଜାର ୪୬ ଟଙ୍କାର ସାମଗ୍ରୀ ଜବତ ହୋଇସାରିଲାଣି। ଦୁଇବର୍ଷର ତୁଳନାତ୍ମକ ସମୀକ୍ଷା କଲେ ଜିଲାରେ ଅବାଧ ନିଶା କାରବାର ବଢ଼ିଥିବା ସ୍ପଷ୍ଟ ହୋଇଛି।
ଅପରପକ୍ଷେ ଢେଙ୍କାନାଳରେ ହେଉଥିବା ବ୍ରାଉନ୍‌ସୁଗାର କାରବାରରେ ବାହାର ରାଜ୍ୟର ଲିଙ୍କ୍‌ ଧରାପଡ଼ିଛି। ପଡ଼ୋଶୀ ପଶ୍ଚିମବଙ୍ଗ ସମେତ ରାଜ୍ୟର ବାଲେଶ୍ୱର, ଭଦ୍ରକ ଓ ଖୋର୍ଦ୍ଧା ଅଞ୍ଚଳରୁ ଜିଲାକୁ ପଶୁଛି ଧଳଜହର। ଏଥିରେ ଯେଉଁମାନେ ସ୍ଲିପରସେଲ୍‌ ଭାବେ କାର୍ଯ୍ୟ କରୁଛି, ସେମାନଙ୍କୁ ଚିହ୍ନଟ କରିବା କଷ୍ଟକର ହୋଇପଡୁଛି। ଏ କ୍ଷେତ୍ରରେ ଅବକାରୀ, ପୋଲିସ ଏବଂ ଗୋଇନ୍ଦା ବିଭାଗର ସମନ୍ବୟ ଅଭାବକୁ ବୁଦ୍ଧିଜୀବୀ ଅଙ୍ଗୁଳି ନିର୍ଦ୍ଦେଶ କରିଛନ୍ତି। ପ୍ରତିବର୍ଷ ମାମଲା ଏବଂ ଗିରଫଦାରି ସଂଖ୍ୟା ବଢ଼ି ଚାଲିଥିବା ବେଳେ ଶସ୍ତା ନିଶାର ମାୟାଜାଲରେ ପଡ଼ି ପଥଭ୍ରଷ୍ଟ ହେଉଛନ୍ତି ଯୁବପିଢ଼ି। ସର୍ବାଧିକ ପ୍ରଭାବିତ ହେଉଛନ୍ତି ଖଟିଖିଆ ବର୍ଗ। ବହୁ ପରିବାର ଉଜୁଡ଼ିଯାଉଛି। ଜିଲା ପ୍ରଶାସନ, ଅବକାରୀ ବିଭାଗ ଏବଂ ପୋଲିସର ସମସ୍ତ ଚେଷ୍ଟା ସତ୍ତ୍ୱେ ନିଶା କାରବାରରେ ଅଙ୍କୁଶ ଲାଗିପାରୁନାହିଁ, ଯାହା ଚିନ୍ତାର କାରଣ ପାଲଟିଛି।
ଏ ସଂକ୍ରାନ୍ତରେ ଜିଲା ଅବକାରୀ ଅଧୀକ୍ଷକ ପ୍ରଦୀପ କୁମାର ପାଣିଗ୍ରାହୀ କୁହନ୍ତି, ଜିଲାପାଳଙ୍କ ନିର୍ଦ୍ଦେଶରେ ଅବକାରୀ ବିଭାଗ ପକ୍ଷରୁ ଚଢ଼ାଉ ଜାରି ରହିଛି। ସନ୍ଦିଗ୍ଧ ବ୍ରାଉନ୍‌ସୁଗାର ବ୍ୟବସାୟୀଙ୍କ ଉପରେ ନଜର ରଖାଯାଉଛି। ରାଜ୍ୟ ଅବକାରୀ କମିଶନରଙ୍କ ନିର୍ଦ୍ଦେଶରେ ଢେଙ୍କାନାଳକୁ ବ୍ରାଉନସୁଗାର ମୁକ୍ତ କରିବା ପାଇଁ ଉଦ୍ୟମ ଆରମ୍ଭ ହୋଇଛି। ସମ୍ବଲପୁର ଡିଭିଜନର ଅବକାରୀ ଗୋଇନ୍ଦା ବିଭାଗ, ଫ୍ଲାଇଂ ସ୍କ୍ବାଡ୍‌, ଜିଲା ଅବକାରୀ ବିଭାଗ ପକ୍ଷରୁ ଘନଘନ ଚଢ଼ାଉ ଜାରି ରହିଛି। ପୋଲିସ ସହାୟତା ମଧ୍ୟ ନିଆଯାଉଛି। ଜିଲାପାଳ ସରୋଜ କୁମାର ସେଠୀ କୁହନ୍ତି, ପାର୍ବଣ ଋତୁ ପୂର୍ବରୁ ଅବକାରୀ ବିଭାଗ ଅଧୀକ୍ଷକ, ଅଧିକାରୀ ଓ କର୍ମଚାରୀଙ୍କୁ ନେଇ ବୈଠକ ବସିଥିଲା। ନିଶା କାରବାର ବଢୁଥିବା ଦେଖି ନିୟମିତ ଚଢ଼ାଉ କରିବା ପାଇଁ ନିର୍ଦ୍ଦେଶ ଦିଆଯାଇଛି।


Enter your email to get our daily news in your inbox.

All Right Reserved By Dharitri.Com

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?