ପାଟନା,୨୮ ।୮: ଜନତା ଦଳ ୟୁନାଇଟେଡ(ଜେଡିୟୁ)ରେ ଅସଲ ବିଗବସ୍ କିଏ ତାହା ଏବେ ସ୍ଥିର ହୋଇଯାଇଛି । ଜେଡିୟୁ କାର୍ଯ୍ୟାଳୟ ବାହାରେ ଲାଗିଥିବା ପୋଷ୍ଟରରୁ ଏହା ବୁଝା ପଡୁଛି । ଯେଉଁ ପୋଷ୍ଟର ଦଳ ମୁଖ୍ୟାଳୟ ବାହାରେ ଲଗାଯାଇଛି ସେଥିରେ କେବଳ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଫଟୋ ରହିଛି । ନା ଏଥିରେ ଲଲନ ସିଂ, ନା ଆରସିପି ସିଂ, ନା ଉପେନ୍ଦ୍ର କୁଶାୱାହଙ୍କ ଫଟୋ ରହିଛି । ନୀତୀଶ କୁମାରଙ୍କ ଫଟୋ ସହ ଅନ୍ୟଏକ ପାଶ୍ୱର୍କୁ ମହାତ୍ମା ଗାନ୍ଧୀଙ୍କ ଫଟୋ ରହିଛି । ପୋଷ୍ଟର ମାଧ୍ୟମରେ ଏହାସ୍ପଷ୍ଟ ହୋଇଛି ଯେ ଗତଦିନ ମାନଙ୍କରେ ଦଳ ମଧ୍ୟରେ ଯାହା କିଛି ହୋଇଛି ଏହାପରେ ନୀତୀଶ କୁମାର ନିଜ ହାତରେ ଶାସନ ଭାର ରଖିଲେ । ନୀତୀଶ ଏହାକୁ କାହା ହାତକୁ ଦେଇ ବିବାଦ ମଧ୍ୟରେ ଫସିିଯିବାକୁ ଚାହୁଁ ନ ଥିବା ଜଣାପଡିଛି । ସୂଚନାଯୋଗ୍ୟ, ଜେଡିୟୁର ରାଷ୍ଟ୍ରୀୟ ପରିଷଦ ବୈଠକ ୨୯ ଅଗଷ୍ଟରେ ହେବ । ୨୮ ଅଗଷ୍ଟ ଅର୍ଥାତ୍ ଶନିବାର କେତେଜଣ ପଦାଧିକାରୀଙ୍କୁ ନେଇ ବୈଠକ ରହିଛି । ହେଲେ ଦଳ ମୁଖ୍ୟାଳୟରେ ଏଭଳି ପୋଷ୍ଟର ଲାଗିଯାଇଛି । ଉକ୍ତ ପୋଷ୍ଟରରେ ସମସ୍ତ ବରିଷ୍ଠ ନେତାକୁ ଆଡେଇ ଦିଆଯାଇଥିବା ବେଳେ ଏହା ଜାହିର କରାଯାଇଛି କି ଦଳରେ ଏବେବି ନୀତୀଶ କୁମାରଙ୍କ ଦବଦବା ରହିଛି ।