ମୁମ୍ବାଇ,୨୭।୧୦: ଆଜିକାଲି ଝିଅମାନେ ସବୁ କ୍ଷେତ୍ରରେ ପୁଅମାନଙ୍କ ସହିତ ସମାନ। ମୋ ଘରେ ତିନି ପିଲା ଆକାଶ, ଅନନ୍ତ ଏବଂ ଇଶାଙ୍କ ମଧ୍ୟରେ ଭେଦଭାବ ମୁଁ କରି ନ ଥିଲି। ରିଲାଏନ୍ସରେ ତିନିଜଣଙ୍କୁ ସମାନ ଭାଗୀଦାରୀ ଦେଇଛନ୍ତି। ଏସିଆର ସବୁଠାରୁ ଧନୀ ଶିଳ୍ପପତି ମୁକେଶ ଅମ୍ବାନୀଙ୍କ ସ୍ତ୍ରୀ ନୀତା ଅମ୍ବାନୀ କୁହନ୍ତି। ନିକଟରେ ଏକ ସାକ୍ଷାତକାରରେ ସେ ମହିଳା ସଶକ୍ତିକରଣ ଉପରେ ନିଜର ମତ ରଖିଥିଲେ। ସ୍ବାମୀ ମୁକେଶଙ୍କ ସହ ସମ୍ପର୍କ ସମେତ ନୀତା ତାଙ୍କ ପାରିବାରିକ ଜୀବନ ବିଷୟରେ ଖୋଲିଥିଲେ।
ସାକ୍ଷାତକାରରେ ନୀତା କହିଛନ୍ତି ଯେ, ଆମେ ପରସ୍ପରଠାରୁ ବହୁତ କିଛି ଶିଖିଛୁ। ମୁଁ ସବୁବେଳେ କହୁଛି, ମୁକେଶ ତାଙ୍କ ସମୟଠାରୁ ବହୁତ ଆଗରେ ଭାବନ୍ତି। ଏହାକୁ ସ୍ପଟ ଲାଇଟ କୁହାଯାଇପାରେ। ମୁଁ ସବୁବେଳେ ମୋ ପିଲାମାନଙ୍କୁ କହିଥାଏ ଯେ ମୋର ସବୁଠାରୁ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ହେଉଛି ସଠିକ ଜୀବନ ସାଥୀ ବାଛିବା। ମୁକେଶଙ୍କୁ ପାଇ ମୁଁ ବହୁତ ଭାଗ୍ୟବାନ। ମୁକେଶ ମୋର ସର୍ବଶ୍ରେଷ୍ଠ ବନ୍ଧୁ। ଆମେ ମଧ୍ୟ ଯେକୌଣସି ସାଧାରଣ ସ୍ବାମୀ ଏବଂ ସ୍ତ୍ରୀଙ୍କ ଭଳି କାର୍ଯ୍ୟ କରୁ। ସେ ମୋତେ ଡ୍ରାଇଭ ପାଇଁ ନେଇ ଯାଆନ୍ତି। ଆମେ ହିନ୍ଦୀ ସଙ୍ଗୀତ ଶୁଣିବା। ଆମେ ଦୁହେଁ ଷ୍ଟ୍ରିଟ୍ ଫୁଡ୍କୁ ଭଲ ପାଉ। ଆମେ ଜୀବନର ପ୍ରତ୍ୟେକ ପର୍ଯ୍ୟାୟ ଉପଭୋଗ କରିଛୁ। ଆମେ ଆମର ପିଲାମାନଙ୍କୁ ବଢାଇଛୁ, ବର୍ତ୍ତମାନ ଆମେ ନାତି ନାତୁଣୀଙ୍କୁ ମଧ୍ୟ ସେହି ଢାଞ୍ଚାରେ ବଢାଉଛୁ।
ନୀତା ଆହୁରି କହିଛନ୍ତି ଯେ ଆମେ ଦୁହେଁ ପୁଅ ଏବଂ ଝିଅ ମଧ୍ୟରେ ଭେଦଭାବ କରିନାହୁଁ। ମୁଁ ସବୁବେଳେ ତିନୋଟି ପିଲାଙ୍କୁ ସମାନ ବୋଲି ଭାବିଛି। ମୁଁ ବିଶ୍ୱାସ କରେ ପୁଅମାନେ ଯାହା କରିପାରିବେ, ଝିଅମାନେ ମଧ୍ୟ ଏହା କରିପାରିବେ। ମୁକେଶ ଏହା ମଧ୍ୟ ବିଶ୍ୱାସ କରନ୍ତି। ଇଶା ପାରିମଲ ପରିବାରରେ ବିବାହିତ, ଏହା ସତ୍ତ୍ୱେ ସେ ତାଙ୍କ ଭାଇମାନଙ୍କ ସହ ସମାନ ଅଂଶ ପାଇଛନ୍ତି। ଆକାଶ, ଅନନ୍ତ ଏବଂ ଇଶାଙ୍କ ସହ ସମଗ୍ର ଯୁବ ପିଢି ଭାରତର ନେତୃତ୍ୱ ନେବାକୁ ଯାଉଛନ୍ତି। ମୋର ତିନି ପିଲାଙ୍କର ଭିନ୍ନ ଗୁଣ ଅଛି। ଅନନ୍ତ ସାନ, ସେ ବହୁତ ଦୟାଳୁ। ଆକାଶ ଜିଓ ମାଧ୍ୟମରେ ଡିଜିଟାଲ ବିପ୍ଳବ କରୁଛନ୍ତି। ଇଶା ରିଲାଏନ୍ସ ଫାଉଣ୍ଡେସନରେ ସକ୍ରିୟ ଏବଂ ରିଟେଲର ଅଗ୍ରଣୀ। ମୋ ପିଲାମାନଙ୍କୁ ସେମାନଙ୍କ ନିଜର ଭୁଲ୍ ଉପରେ ଧ୍ୟାନ ଦେବାକୁ କହିଥାଏ। ମୁଁ ସେମାନଙ୍କୁ ବୁଝାଏ ଯେ ସେମାନେ ସଫଳତା ଅପେକ୍ଷା ଭୁଲରୁ ଅଧିକ ଶିଖିବା ଉଚିତ୍। ମୁଁ ସେମାନଙ୍କୁ କହୁଛି ସର୍ବଦା ଭଦ୍ର, ଦୟାଳୁ ହୁଅ। ଲୋକଙ୍କୁ ସମ୍ମାନ ଦିଅ।
