ଓ୍ବେଲିଂଟନ,୧୪।୮: ନ୍ୟୁଜିଲ୍ୟାଣ୍ଡ ସରକାର ମଙ୍ଗଳବାର ମଧ୍ୟ ରାତ୍ରିରୁ ସମସ୍ତ କୋଭିଡ-୧୯ ପ୍ରୋଟୋକଲକୁ ହଟାଇ ଦେବେ। ତିନି ବର୍ଷରୁ ଅଧିକ ସମୟ ଧରି ଲାଗୁ କରାଯାଇଥିବା ସବୁଠାରୁ କଠିନ କୋଭିଡ-୧୯ ମହାମାରୀ ନିୟମ ଏବେ ଶେଷ ହେବାକୁ ଯାଉଛି।
ସ୍ବାସ୍ଥ୍ୟମନ୍ତ୍ରୀ ଆୟେଶା ଭେରାଲ ସୋମବାର ଏକ ବୟାନରେ କହିଛନ୍ତି ଯେ ମଙ୍ଗଳବାର ଠାରୁ ଲୋକଙ୍କୁ ଫେସ ମାସ୍କ ପିନ୍ଧିବା ଓ ଏହି ଭାଇରସ ସଂକ୍ରମିତ ହେବା ପରେ ସାତ ଦିନ ପର୍ଯ୍ୟନ୍ତ ଆଇସୋଲେଶନରେ ରହିବାର ଆବଶ୍ୟକତା ନାହିଁ। ତେବେ ଦେଶରେ କରୋନା ମାମଲାରେ ଉତ୍ଥାନ ଓ ଅବନତି ଜାରି ରହିବ। ଭେରାଲ କହିଛନ୍ତି ଯେ ଗତ ବର୍ଷ ତୁଳନାରେ ଆମେ ବର୍ତ୍ତମାନ କମ ସଂକ୍ରମଣ ଦେଖିଛୁ। ଏହି କାରଣରୁ କ୍ୟାବିନେଟ ଏବଂ ମୋତେ ପରାମର୍ଶ ଦିଆଯାଇଛି ଯେ ଆମେ କୋଭିଡ-୧୯ ପ୍ରୋଟୋକଲ ଶେଷ କରିପାରିବା।
ସୂଚନାଯୋଗ୍ୟ, ଉଚ୍ଚ ସ୍ତରର ଟୀକାକରଣକୁ ଦୃଷ୍ଟିରେ ରଖି ଗତ ବର୍ଷ ଅଧିକାଂଶ କୋଭିଡ ପ୍ରତିବନ୍ଧକ ହଟାଯାଇଥିଲା। ନିର୍ବାଚନର ପ୍ରାୟ ଦୁଇ ମାସ ପରେ କୋଭିଡ-୧୯ ଆବଶ୍ୟକତା ହଟାଇବାକୁ ନିଷ୍ପତ୍ତି ନିଆଯାଇଛି। ସର୍ବଭାରତୀୟ ସ୍ତରରେ ସଂକ୍ରମଣ ଏବଂ ମୃତ୍ୟୁକୁ ରୋକିବାରେ ନ୍ୟୁଜିଲ୍ୟାଣ୍ଡ ସରକାର କିଛି ପରିମାଣରେ ସଫଳ ହୋଇଛନ୍ତି। ଏଥି ସହିତ ଲକଡାଉନ, ସ୍କୁଲ ବନ୍ଦ ଏବଂ ସୀମା ବନ୍ଦ ପାଇଁ ସରକାର ଘରୋଇ ସ୍ତରରେ ସମାଲୋଚନାର ସମ୍ମୁଖୀନ ହୋଇଛନ୍ତି।
