ନୂଆଦିଲ୍ଲୀ,୨।୧: ଭାରତୀୟ କ୍ରିକେଟ ଅଧିନାୟକ ବିରାଟ କୋହଲି ଓ ତାଙ୍କ ସ୍ତ୍ରୀ ତଥା ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ନୂଆବର୍ଷ ପାଇଁ ପ୍ରଶଂସକଙ୍କୁ ଶୁଭେଚ୍ଛା ତଥା ଅଭିନନ୍ଦନ ଜଣାଇଛନ୍ତି। ଅନୁଷ୍କା ନିଜର ଓ କୋହଲିଙ୍କର ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। ନୂଆବର୍ଷ ସମସ୍ତଙ୍କ ପାଇଁ ଭଲ ପାଇବା, ସୁଖ, ସମୃଦ୍ଧି ଆଣିଦେଉ ବୋଲି ଅନୁଷ୍କା ଫଟୋ କ୍ୟାପ୍ଶନରେ ଉଲ୍ଲେଖ କରିଛନ୍ତି।
କୋଭିଡ୍-୧୯ ଟେଷ୍ଟରେ ନେଗେଟିଭ୍ ହୋଇଥିବା କେତେକ ବନ୍ଧୁଙ୍କ ସହ ଦୁହେଁ ସମୟ କାଟିଥିଲେ। କୋହଲି ମଧ୍ୟ ସୋସିଆଲ ମିଡିଆରେ ଏକ ଫଟୋ ଅପ୍ଲୋଡ କରିଥିଲେ। ଏଥିରେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଓ ତାଙ୍କ ସ୍ତ୍ରୀ ତଥା ସର୍ବୀୟ ଅଭିନେତ୍ରୀଙ୍କ ସମେତ ଆଉ କେତେଜଣ ବନ୍ଧୁ ଏକାଠି ଡିନର କରିବାରେ ଦେଖାଯାଇଥିଲା। ବନ୍ଧୁମାନଙ୍କ ସହ ଏକାଠି ସମୟ ବିତାଇଛୁ। ସୁରକ୍ଷିତ ପରିବେଶରେ ବନ୍ଧୁମାନଙ୍କ ସହ ଏକାଠି ହେବାଠାରୁ ବଡ଼ କଥା କିଛି ନାହିଁ ବୋଲି କୋହଲି ଫଟୋ କ୍ୟାପ୍ଶନରେ ଉଲ୍ଲେଖ କରିଛନ୍ତି। ନୂଆବର୍ଷ ସମସ୍ତଙ୍କ ପାଇଁ ବହୁତ ଖୁସି, ଆନନ୍ଦ, ଉତ୍ତମ ସ୍ବାସ୍ଥ୍ୟ ଆଣିଦେଉ। ସମସ୍ତେ ନିରାପଦ ରୁହନ୍ତୁ ବୋଲି କୋହଲି ଶୁଭେଚ୍ଛା ଜଣାଇବା ସହ ଫଟୋ କ୍ୟାପଶନ ଲେଖିଛନ୍ତି।
