ଭୁବନେଶ୍ୱର,୧୦ା୭(ବ୍ୟୁରୋ): ରାଜ୍ୟ ସରକାର ଆଇପିଏସ୍ ଅଫିସର ସ୍ତରରେ ଅଦଳବଦଳ କରିଛନ୍ତି। ୮ ଜଣଙ୍କ ବଦଳି ଓ ନୂଆ ଦାୟିତ୍ୱ ନେଇ ଶୁକ୍ରବାର ଗୃହ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। କେନ୍ଦ୍ରୀୟ ଡେପୁଟେଶନରେ ଥିବା ୧୯୯୮ ବ୍ୟାଚ୍ର ଆଇପିଏସ୍ ଅଫିସର ଏସ୍. ଦେବଦତ୍ତ ସିଂଙ୍କୁ ଓଡ଼ିଶା ଫେରାଇ ଅଣାଯାଇ ପୋଲିସ ମୁଖ୍ୟାଳୟରେ ଆଇଜି ଭାବେ ନିଯୁକ୍ତ କରାଯାଇଛି। ସେହିପରି ୬ଜିଲା ନୂଆ ଏସ୍ପି ପାଇଛି। ଜଗତ୍ସିଂହପୁର ଏସ୍ପି ଥିବା ୨୦୦୮ ବ୍ୟାଚ୍ର ଆଇପିଏସ୍ ଅଫିସର ପ୍ରକାଶ ଆର୍ଙ୍କୁ ଭିଜିଲାନ୍ସ ବିଭାଗକୁ ବଦଳି କରାଯାଇଥିବାବେଳେ ଏସ୍ଓଜି କମାଣ୍ଡାଣ୍ଟ୍ ଥିବା ୨୦୦୯ ବ୍ୟାଚ୍ର ଆଇପିଏସ୍ ଅଫିସର ଅଖିଳେଶ୍ୱର ସିଂଙ୍କୁ ଜଗତ୍ସିଂହପୁର ଏସ୍ପି ଦାୟିତ୍ୱ ମିଳିଛି। ମୟୂରଭଞ୍ଜ ଏସ୍ପି ଥିବା ୨୦୧୩ ବ୍ୟାଚ୍ର ଆଇପିଏସ୍ ଅଫିସର ପି.ଏସ୍. ପରଷୋତ୍ତମ ଦାସଙ୍କୁ ନବରଙ୍ଗପୁର ଏସ୍ପି ଓ ନୂଆପଡା ଏସ୍ପି ଥିବା ୨୦୧୫ ବ୍ୟାଚ୍ର ରାହୁଲ ଜୈନଙ୍କୁ ବଦଳି କରାଯାଇ ବରଗଡ଼ ଏସ୍ପି ଭାବେ ଅବସ୍ଥାପିତ କରାଯାଇଛି। ପୋଲିସ ମୁଖ୍ୟାଳୟରେ ଏଆଇଜି ଭାବେ କାର୍ଯ୍ୟରତ ୨୦୧୫ ବ୍ୟାଚ୍ର ପ୍ରତ୍ୟୁଷ ଦିବାକରଙ୍କୁ ନୂଆପଡା ଏସ୍ପି, ମାଲକାନଗିରି ଏସ୍ପି ଥିବା ୨୦୧୬ ବ୍ୟାଚ୍ର କେ.ଆର୍.ଦ୍ୟାନଦେଓଙ୍କୁ ମୟୂରଭଞ୍ଜ ଏସ୍ପି ଓ ନବରଙ୍ଗପୁର ଏସ୍ପି ଥିବା ୨୦୧୭ ବ୍ୟାଚ୍ର ଆଇପିଏସ୍ ଅଫିସର ପି.ଏସ୍. ମୀନାଙ୍କୁ ମାଲକାନଗିରି ଏସ୍ପି ଭାବେ ନିଯୁକ୍ତ କରାଯାଇଛି।
