ନୂଆଦିଲ୍ଲୀ,୪।୯: ଦେଶର ସବୁଠାରୁ ବଡ଼ ସରକାରୀ ବ୍ୟାଙ୍କ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ (SBI) ନିଜ ସାଲାରି ପ୍ୟାକେଜ ଆକାଉଣ୍ଟ ହୋଲ୍ଡରଙ୍କ ପାଇଁ ATM ଟ୍ରାଞ୍ଜାକ୍ସନ ନିୟମରେ ପରିବର୍ତ୍ତନ କରିଛି। ନୂଆ ନିୟମ ୧ ଅକ୍ଟୋବର ୨୦୨୬ରୁ ଲାଗୁ ହେବ।
SBIର ସମସ୍ତ ପ୍ରକାର ସାଲାରି ପ୍ୟାକେଜ ଆକାଉଣ୍ଟ ଧାରକଙ୍କ ପାଇଁ ଅନ୍ୟ ବ୍ୟାଙ୍କର ATM/ADWMରେ SBI ଡେବିଟ କାର୍ଡ ବ୍ୟବହାର କରି ମିଳୁଥିବା ମାସିକ ଫ୍ରି ଟ୍ରାଞ୍ଜାକ୍ସନ ସଂଖ୍ୟା ୧୦ରୁ ହ୍ରାସ ପାଇ ୫ ହେବ। ଏହି ୫ଟି ଫ୍ରି ଟ୍ରାଞ୍ଜାକ୍ସନ ମଧ୍ୟରେ ଫାଇନାନ୍ସିଆଲ ଏବଂ ନନ-ଫାଇନାନ୍ସିଆଲ, ଉଭୟ ପ୍ରକାରର ଟ୍ରାଞ୍ଜାକ୍ସନ ସାମିଲ ରହିବ।
ମାସିକ ଫ୍ରି ଟ୍ରାଞ୍ଜାକ୍ସନ ସୀମା ଶେଷ ହେବା ପରେ ଗ୍ରାହକଙ୍କୁ ଅତିରିକ୍ତ ଚାର୍ଜ ଦେବାକୁ ପଡ଼ିବ
ପ୍ରତ୍ୟେକ କ୍ୟାଶ ଉଠାଣ: ୨୩ ଟଙ୍କା+ GST
ପ୍ରତ୍ୟେକ ନନ-ଫାଇନାନ୍ସିଆଲ ଟ୍ରାଞ୍ଜାକ୍ସନ: ୧୧ ଟଙ୍କା + GST
ଏହି ଚାର୍ଜ ଫ୍ରି ଟ୍ରାଞ୍ଜାକ୍ସନ ସୀମା ଅତିକ୍ରମ କଲେ ଲାଗୁ ହେବ।
ଅନ୍ୟ SBI ଆକାଉଣ୍ଟ ପାଇଁ ନିୟମ ଅପରିବର୍ତ୍ତିତ
SBIର ସାଲାରି ପ୍ୟାକେଜ ଆକାଉଣ୍ଟ ବ୍ୟତୀତ ଅନ୍ୟ ଆକାଉଣ୍ଟ ଧାରକଙ୍କ ପାଇଁ ଫ୍ରି ମାସିକ ATM ଟ୍ରାଞ୍ଜାକ୍ସନ ଏବଂ ସର୍ଭିସ ଚାର୍ଜରେ କୌଣସି ପରିବର୍ତ୍ତନ ହେବ ନାହିଁ। ସମସ୍ତ ସେଣ୍ଟରରେ ଏହି ଗ୍ରାହକମାନେ ପ୍ରତି ମାସରେ ୫ଟି ଫ୍ରି ଟ୍ରାଞ୍ଜାକ୍ସନ ପାଇବେ। ଫ୍ରି ଲିମିଟ ପରେ ଏଠାରେ ମଧ୍ୟ ପ୍ରତ୍ୟେକ କ୍ୟାଶ ଉଠାଣ ପାଇଁ ୨୩ ଟଙ୍କା + GST ଏବଂ ନନ-ଫାଇନାନ୍ସିଆଲ ଟ୍ରାଞ୍ଜାକ୍ସନ ପାଇଁ ୧୧ ଟଙ୍କା + GST ଚାର୍ଜ ଲାଗିବ। ଏହି ଚାର୍ଜ ୧ ଡିସେମ୍ବର ୨୦୨୫ରୁ ଲାଗୁ ରହିଛି।
