ଭୁବନେଶ୍ୱର,୧।୭(ଅଭୟ ଦାଶ): ଭାରତୀୟ ଜୀବନବୀମା ନିଗମ (ଏଲ୍ଆଇସି)ର ନୂତନ ଉତ୍ପାଦ ‘ଧନବୃଦ୍ଧି’ ନିକଟରେ ସର୍ବଭାରତୀୟ ଉନ୍ମୋଚନ ହୋଇଯାଇଛି। ଏପରିକି ଏଲ୍ଆଇସିର ଉକ୍ତ ଯୋଜନା ସୀମିତ ସମୟ ପାଇଁ ବଜାରରେ ଉପଲବ୍ଧ ହେବ ବୋଲି ନିଗମ ପକ୍ଷରୁ ସୂଚନା ଦିଆଯାଇଛି। ବିଶେଷକରି ଏଲ୍ଆଇସିର ନୂତନ ଯୋଜନା ‘ଧନବୃଦ୍ଧି’ (ପ୍ଲାନ୍- ୮୬୯) ୨୦୨୩ ସେପ୍ଟେମ୍ବର ୩୦ ପର୍ଯ୍ୟନ୍ତ ଉପଲବ୍ଧ। ସେହିଭଳି ଉକ୍ତ ଯୋଜନା ଏକ ନନ୍ ଲିଙ୍କ୍ଡ,ନନ୍ ପାର୍ଟିସିପେଟିଂ, ଇଣ୍ଡିଭିଜୁଆଲ, ସେଭିଂସ, ଲାଇଫ୍ ଇନ୍ସ୍ୟୁରନ୍ସ ପ୍ଲାନ୍ ହୋଇଥିବା ବେଳେ ଏକାଧିକ ଲାଭ ଓ ସୁବିଧା ନିଗମର ନିୟମ ମଧ୍ୟରେ ମିଳିବ ବୋଲି ଏଲ୍ଆଇସି ପକ୍ଷରୁ କୁହାଯାଇଛି। ଏପରିକି ଏହା ବ୍ୟକ୍ତିଗତ, ଜମା ଆଧାରିତ ଏକ ସିଙ୍ଗଲ ପ୍ରିମିୟମ ପ୍ଲାନ୍ ହୋଇଥିବାବେଳେ ପଲିସି ଅବଧି ୧୦,୧୫ ଏବଂ ୧୮ ବର୍ଷର ବିକଳ୍ପ ଉପଲବ୍ଧ ରହିଛି। ସେହିପରି ଉକ୍ତ ପ୍ଲାନ୍ରେ ବୀମାକୃତ ରାଶି ଏହାର ସାରଣୀ ବଦ୍ଧ ପ୍ରିମିୟମ ୧.୨୫ ଗୁଣରୁ ୧୦ଗୁଣ ପର୍ଯ୍ୟନ୍ତ ହୋଇପାରେ ବୋଲି ନିଗମ ପକ୍ଷରୁ କୁହାଯାଇଛି। ଅପରପକ୍ଷରେ ଉକ୍ତ ପ୍ଲାନ୍ରେ ସାମିଲ ହେବା ପାଇଁ ୯୦ ଦିନରୁ ୮ ବର୍ଷ ପର୍ଯ୍ୟନ୍ତ ସର୍ବନିମ୍ନ ବୟସ ହୋଇଥିବା ବେଳେ ୩୨ରୁ ୬୦ ବର୍ଷ ସର୍ବାଧିକ ବୟସ ଅବଧିର ସମୟସୀମା ରହିଛି। ଉକ୍ତ ଯୋଜନା (ପ୍ଲାନ୍-୮୬୯)ର ସର୍ବନିମ୍ନ ବୀମାରାଶି ୧.୨୫ଲକ୍ଷ ହୋଇଥିବାବେଳେ ଅନ୍ୟାନ୍ୟ ବିକଳ୍ପ ମଧ୍ୟ ଅନ୍ତଭୁକ୍ତ ରହିଛି।
