ନୂଆଦିଲ୍ଲୀ, ୨୯।୫ : ଦେଶରେ ଷ୍ଟାଟ୍ଅପ୍ ଦ୍ୱାରା ବିକାଶ ହେବାରେ ଲାଗିଛି। ଷ୍ଟାଟ୍ଅପ୍ ଦ୍ୱାରା ନୂଆ ଭାରତ ନିର୍ମାଣ ଲକ୍ଷ୍ୟ ଧାର୍ଯ୍ୟ କରାଯାଇଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମନ୍ କି ବାତ୍ କାର୍ଯ୍ୟକ୍ରମର ୮୯ ସଂସ୍କରଣରେ ରବିବାର ସୂଚନା ପ୍ରଦାନ କରିଛନ୍ତି।
ଦେଶରେ ୟୁନିକର୍ନ ସଂଖ୍ୟା ୧୦୦ ପାର୍ ହୋଇଛି। ଷ୍ଟାଟ୍ଅପ୍ ଗଠନ ନେଇ ଛୋଟଛୋଟ ସହର ଏବେ ଆଗୁଆ ରହିଛନ୍ତି ବୋଲି ପ୍ରଧାନମନ୍ତ୍ରୀ କହିଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ ଆମ ଦେଶ ଅନେକ ଭାଷା, ସ୍କ୍ରିପ୍ଟ ଏବଂ ଉପଭାଷାରେ ସମୃଦ୍ଧ। ବିଭିନ୍ନ ଅଞ୍ଚଳରେ ଭିନ୍ନ ପୋଷାକ, ଖାଦ୍ୟ ଏବଂ ସଂସ୍କୃତି ହେଉଛି ଆମର ପରିଚୟ। ଏହି ବିବିଧତା ଆମକୁ ଏକ ରାଷ୍ଟ୍ର ଭାବରେ ଅଧିକ ଶକ୍ତିଶାଳୀ କରିଥାଏ।
ପ୍ରଧାନମନ୍ତ୍ରୀ ତୀର୍ଥସ୍ଥାନ ସମ୍ପର୍କରେ କହିଛନ୍ତିି ଯେ, ଏସବୁ ଅଞ୍ଚଳର ସମ୍ମାନ ରକ୍ଷା କରିବା ଆବଶ୍ୟକ। ଉତ୍ତରାଖଣ୍ଡରେ ଚାର ଧାମର ପବିତ୍ର ତୀର୍ଥଯାତ୍ରା ଚାଲିଛି। ପ୍ରତିଦିନ ହଜାର ହଜାର ଭକ୍ତ ଏଠାରେ ପହଞ୍ଚୁଛନ୍ତି। କିନ୍ତୁ ମୁଁ ଦେଖିଛି ଯେ କେଦାରନାଥରେ କିଛି ତୀର୍ଥଯାତ୍ରୀଙ୍କ ଦ୍ୱାରା ଅପରିଷ୍କାର କରାଯିବା ଯୋଗୁ ଭକ୍ତମାନେ ଅସନ୍ତୁଷ୍ଟ ହେଉଛନ୍ତି। ଅନେକ ଲୋକ ସୋସିଆଲ ମିଡିଆରେ ନିଜର ମତ ପ୍ରକାଶ କରିଛନ୍ତି। ଯଦି ଆମେ ଏକ ପବିତ୍ର ତୀର୍ଥଯାତ୍ରାରେ ଯିବା ଏବଂ ସେଠାରେ ଏକ ମଇଳା ଜମା କରିବା । ତାହା କେବେ ମଧ୍ୟ ଠିକ ନୁହେଁ ।
ପ୍ରଧାନମନ୍ତ୍ରୀ କହିଛନ୍ତି ଯେ ଆମେ ୨୧ ଜୁନ ରେ ଅନ୍ତର୍ଜାତୀୟ ଯୋଗ ଦିବସ ପାଳନ କରିବାକୁ ଯାଉଛୁ। ଏଥର ଯୋଗ ଦିବସର ବିଷୟବସ୍ତୁ ହେଉଛି ମାନବିକତା ପାଇଁ ଯୋଗ। ଯୋଗ ଦିବସକୁ ଉତ୍ସାହର ସହିତ ପାଳନ କରିବାକୁ ପ୍ରଧାନମନ୍ତ୍ରୀ ଦେଶବାସୀଙ୍କୁ ଅନୁରୋଧ କରିଛନ୍ତି। ବର୍ତ୍ତମାନଠାରୁ ଯୋଗ ପାଇଁ ପ୍ରସ୍ତୁତି ଆରମ୍ଭ କରିବାକୁ ସେ ପରାମର୍ଶ ଦେଇଛନ୍ତି। ଯୋଗ ଦିବସରେ ଯୋଗଦେବାକୁ ସମସ୍ତଙ୍କୁ ପ୍ରେରଣା ଦେବାକୁ ପ୍ରଧାନମନ୍ତ୍ରୀ କହିଛନ୍ତି।
