ଚଣ୍ଡିଗଡ଼,୧୯ ।୯: ଆସନ୍ତା ୨୦୨୨ରେ ୫ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଛି । ତେଣୁ ଏବେଠାରୁ ସମସ୍ତ ଦଳ ପ୍ରସ୍ତୁତି ଆରମ୍ଭ କରି ଦେଲେଣି । ଆମ ଆଦମୀ ପାର୍ଟି ପଞ୍ଜାବରେ ଶିଖ ମୁଖ୍ୟମନ୍ତ୍ରୀ ଚେହେରା ଦେଖିବାକୁ ଚାହିଁଥିବା ବେଳେ ଭାରତୀୟ ଜନତା ପାର୍ଟି ଦଳିତ ଚେହେରାକୁ ମୁଖ୍ୟମନ୍ତ୍ରୀ କରିବାକୁ କଥା ଦେଇଛି । ସେହିପରି ଅକାଳି ଦଳ ଦଳିତ ଚେହେରାକୁ ଉପ ମୁଖ୍ୟମନ୍ତ୍ରୀ କରିବ ବୋଲି କହିଛି । ଏହାକୁ ଦେଖି ଏବେ କଂଗ୍ରେସ ଜାତୀୟ ସନ୍ତୁଳନ ରକ୍ଷାକରି ମୁଖ୍ୟମନ୍ତ୍ରୀ ବାଛିବ ବୋଲି କୁହାଯାଉଛି । ଆଲୋଚନା ହେଉଛି କି କଂଗ୍ରେସରେ ମୁଖ୍ୟମନ୍ତ୍ରୀ ଯଦି ହିନ୍ଦୁ ହେବେ ତେବେ ଉପମୁଖ୍ୟମନ୍ତ୍ରୀ ଶିଖ ହେବେ । ଯଦି ମୁଖ୍ୟମନ୍ତ୍ରୀ ଶିଖ ହେବେ ତେବେ ଉପମୁଖ୍ୟମନ୍ତ୍ରୀ ହିନ୍ଦୁ ହେବେ । ରବିବାର ସକାଳ ସୁଦ୍ଧା ଏହା ଜଣାପଡିଯିବ । କିଏ ଧରିବ ପଞ୍ଜାବର ଶାସନ ଡୋର ।
