ମୁମ୍ବାଇ,୧୧।୭: ଜାତୀୟ ଶିଶୁ ସୁରକ୍ଷା ଅଧିକାର ଆୟୋଗ (ଏନ୍ସିପିସିଆର) ସୋମବାର ମୁମ୍ବାଇ ପୋଲିସକୁ ଶିବସେନା ନେତା ଆଦିତ୍ୟ ଠାକରେଙ୍କ ବିରୋଧରେ ଏଫ୍ଆଇଆର ରୁଜୁ କରିବାକୁ ଅନୁରୋଧ କରିଛି। ଆଦିତ୍ୟ ଠାକରେ ଆରେ ଜଙ୍ଗଲକୁ ବଞ୍ଚାଇବା ପାଇଁ ତାଙ୍କ ଦଳର ଅଭିଯାନରେ ପିଲାମାନଙ୍କୁ ବ୍ୟବହାର କରିଥିବା ଆୟୋଗ ଅଭିଯୋଗ ଆଣିଛି। ଆପେକ୍ସ ଶିଶୁ ଅଧିକାର ସଂସ୍ଥା ଏନ୍ସିପିସିଆର ମୁମ୍ବାଇ ପୋଲିସକୁ ଦେଇଥିବା ନୋଟିସ୍ରେ ଉଲ୍ଲେଖ କରିଛି ଯେ, ମୁମ୍ବାଇ ଜିଲା ଫୁଟବଲ ଆସୋସିଏସନ ଅଧ୍ୟକ୍ଷ ଆଦିତ୍ୟ ଠାକରେଙ୍କ ଆରେ ସୁରକ୍ଷା ପ୍ରଦର୍ଶନ ତଥା ରାଜନୈତିକ ଅଭିଯାନରେ ଶିବସେନାର ଯୁବ ୱିଙ୍ଗ ‘ଯୁବ ସେନା’ ନାବାଳକଙ୍କୁ ବ୍ୟବହାର କରିଛନ୍ତି। ତେଣୁ ମୁମ୍ବାଇ ପୋଲିସ ଆଦିତ୍ୟଙ୍କ ବିରୋଧରେ ଏଫ୍ଆଇଆର ରୁଜୁ କରିବା ସହ ତୁରନ୍ତ ଘଟଣାର ତଦନ୍ତ କରିବାକୁ ଆୟୋଗ ପକ୍ଷରୁ ଅପିଲ୍ କରାଯାଇଛି। ସୂଚନାଯୋଗ୍ୟ, ଆଦିତ୍ୟ ଠାକରେ ଏକ ଲିଙ୍କକୁ ଟୁଇଟରରେ ଶେୟାର କରିଛନ୍ତି। ଯେଉଁଥିରେ ବିରୋଧ ପ୍ରଦର୍ଶନର ଏକ ଅଂଶ ଭାବେ ପିଲାମାନେ ହାତରେ ପ୍ଲାକାର୍ଡ ଧରିଥିବାର ଦେଖିବାକୁ ମିଳିଛି।
