ନୂଆଦିଲ୍ଲୀ,୬।୪: ମହାରାଷ୍ଟ୍ରର ରାଜନୈତିକ ପ୍ରତିଦ୍ୱନ୍ଦ୍ୱୀମାନଙ୍କ ମଧ୍ୟରେ ଚାଲିଥିବା ବିବାଦ ମଧ୍ୟରେ ଏନ୍ସିପି ମୁଖ୍ୟ ଶରଦ ପାୱାର ମଙ୍ଗଳବାର ରାଜଧାନୀ ଦିଲ୍ଲୀର ଜନପଥ ୬ସ୍ଥିତ ତାଙ୍କ ବାସଭବନରେ ମହାରାଷ୍ଟ୍ରର ବିଧାୟକଙ୍କ ପାଇଁ ଏକ ରାତ୍ର ଭୋଜନର ଆୟୋଜନ କରିଥିଲେ। ଏହି ପାର୍ଟିରେ କେନ୍ଦ୍ରମନ୍ତ୍ରୀ ନୀତିନ ଗଡକରୀ ଓ ଶିବସେନା ମୁଖପାତ୍ର ସଞ୍ଜୟ ରାଉତଙ୍କ ସମେତ ଅନେକ ନେତା ଯୋଗଦେଇଥିଲେ। ସୂଚନା ମୁତାବକ ଶରଦ ପାୱାରଙ୍କୁ ୟୁପିଏର ଅଧ୍ୟକ୍ଷ କରିବାକୁ ନେଇ ଏକ ଅଭିଯାନ ଚାଲିଛି। ଯଦିଓ ସେ ନିଜେ ଏହି ବିଷୟରେ ଅନିଚ୍ଛା ପ୍ରକାଶ କରିଛନ୍ତି। କିନ୍ତୁ ତାଙ୍କ ଘରେ ନେତାଙ୍କ ଏହି ସମାବେଶକୁ ନେଇ ଏବେ ରାଜନୈତିକ ଚର୍ଚ୍ଚା ଲାଗି ରହିଛି। ଅନ୍ୟପଟେ ଏହି ରାତ୍ରୀ ଭୋଜନ ଏଭଳି ଦିନରେ ଆୟୋଜନ ହୋଇଥିଲା ଯେତେବେଳେ ଶିବସେନା ନେତା ସଞ୍ଜୟ ରାଉତଙ୍କ ପରିସରରେ ଇଡି କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ସୂଚନାଯୋଗ୍ୟ, ଲୋକ ସଭା ସଚିବାଳୟ ଦ୍ୱାରା ଆୟୋଜିତ ହୋଇଥିବା ୨ ଦିନିଆ ଅରିଏଣ୍ଟେଶନ୍ ପ୍ରୋଗ୍ରାମରେ ଭାଗ ନେବାକୁ ମହାରାଷ୍ଟ୍ରର ବିଧାୟକମାନେ ରାଜଧାନୀ ଦିଲ୍ଲୀରେ ଅଛନ୍ତି।
