ବ୍ରହ୍ମପୁର ଅଫିସ,୨୬।୯: ବ୍ରହ୍ମପୁର ସହରରେ ଆରମ୍ଭ ହୋଇଛି ନବରାତ୍ର ପୂଜା। ଶାରଦୀୟ ବିଜୟ ଦଶମୀ ପୂର୍ବରୁ ନବରାତ୍ର ଆରମ୍ଭରେ ସୋମବାରଠାରୁ ଧରାପୃଷ୍ଠରେ ମା’ଙ୍କ ଅବତରଣ ହୋଇଛି। ଦେବୀଙ୍କ ସ୍ବାଗତରେ ଉତ୍ସବ ମୁଖର ହୋଇ ଉଠିଛି ରେଶମ ସହର। ସୋମାବାରରୁ ବ୍ରହ୍ମପୁର ଲାଞ୍ଜିପଲ୍ଲୀ ଜେଲ ରୋଡ଼ ମା’ ଦକ୍ଷିଣେଶ୍ୱର କାଳୀ ପୀଠରେ ନବରାତ୍ର ପୁଜା ଆରମ୍ଭ ହୋଇଛି। ପୂର୍ବାହ୍ନରେ ଜଳଯାତ୍ରା ଅନୁଷ୍ଠିତ ହୋଇଥିଲା। ଶତାଧିକ ମହିଳା ଓ ପୁରୁଷ ଏଥିରେ ସାମିଲ ହୋଇ ୧୬ ନମ୍ବର ଜାତୀୟ ରାଜପଥ ପାର୍ଶ୍ୱସ୍ଥ ମାର୍କେଣ୍ଡେଶ୍ୱର ପୋଖରୀରୁ ଜଳ ସଂଗ୍ରହ କରିଥିଲେ। ଜଳ କଳସ ଶୋଭାଯାତ୍ରାରେ ଆସି ମନ୍ଦିର ସମ୍ମୁଖ ଯଜ୍ଞସ୍ଥଳରେ ପହଞ୍ଚିଥିଲେ। ମନ୍ଦିର ପରିଚାଳନା କମିଟି ମୁଖ୍ୟ ହେମନ୍ତ କୁମାର ସାବତ ଓ ଅନ୍ୟମାନେ ଏଥିରେ ସାମିଲ ହୋଇଥିଲେ। ପଣ୍ଡିତ ଅକ୍ଷୟ କୁମାର ପାଢ଼ୀଙ୍କ ତତ୍ତ୍ୱାବଧାନରେ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ମନ୍ଦିରରେ ମହାସପ୍ତମୀ ଓ ମହାଷ୍ଟମୀରେ ସନ୍ଧିପୂଜା ସମେତ ବିଭନ୍ନ ନୀତି କାନ୍ତି ସହ କାଳୀଙ୍କ ରାଜରାଜେଶ୍ୱରୀ ବେଶ ଓ ପୂର୍ଣ୍ଣାହିତ ଦିଆଯିବ। ସେହିପରି ବିଜିପୁର, ଆଙ୍କୁଲି, ଆମ୍ବପୁଆ ସମେତ ବିଭିନ୍ନ କାଳୀ ମନ୍ଦିର, ଠାକୁରାଣୀ ମନ୍ଦିର,ଦେବୀ ମନ୍ଦିର ଓ ପୁଜା ମଣ୍ଡପ ମାନଙ୍କରେ ନବରାତ୍ର ପୁଜା ଆରମ୍ଭ ହୋଇଛି।
