ଅମୃତସର,୧୧।୨: ବିଧାନସଭା ନିର୍ବାଚନ ପାଇଁ ପଞ୍ଜାବ ରାଜନୀତି ସରଗରମ ହୋଇଛି। ଭୋଟରଙ୍କୁ ଆକୃଷ୍ଟ କରିବା ଲାଗି ପ୍ରାର୍ଥୀମାନେ ଜୋରଦାର ପ୍ରସ୍ତୁତି ଚଳାଇଛନ୍ତି। ଏହିକ୍ରମରେ ପଞ୍ଜାବ ଅମୃତସରର ପୂର୍ବ ବିଧାନସଭା ଆସନରୁ କଂଗ୍ରେସ ପକ୍ଷରୁ ନିର୍ବାଚନ ଲଢ଼ୁଥିବା ନବଜୋତ ସିଦ୍ଧୁ ମଧ୍ୟ ପଛରେ ନାହାନ୍ତି। ସିଦ୍ଧୁଙ୍କ ସହ ତାଙ୍କ ଲଳନା ରାବିଆ ସିଦ୍ଧୁ ମଧ୍ୟ ପ୍ରଚାର ମଇଦାନକୁ ଓହ୍ଲାଇଛନ୍ତି। ଶୁକ୍ରବାର ନିର୍ବାଚନୀ ପ୍ରଚାର ସମୟରେ ରାବିଆ ବିକ୍ରମ ସିଂହ ମାଜିଥିଆଙ୍କ ଉପରେ ଶବ୍ଦର ବାଣ ପ୍ରହାର କରିଛନ୍ତି। ସେ କହିଛନ୍ତି, ମଜିଠାରେ ତେଜରାତି ଦୋକାନରେ ମଧ୍ୟ ନିଶା ଦ୍ରବ୍ୟ ବିକ୍ରି ହେଉଛି। ତେବେ ଚଳିତ ନିର୍ବାଚନ କାହା ସହିତ କାହାର ପ୍ରତିଯୋଗିତା ହେଉଛି ତାହା ଜାଣିବାକୁ ପଡ଼ିବ। ଡ୍ରଗ୍ସ କବଳରୁ ନିଜ ପିଲାଙ୍କୁ ବଞ୍ଚାଇବେ ନା ସେମାନଙ୍କୁ ନିଶାରେ ଲିପ୍ତ ହେବାକୁ ଛାଡ଼ିଦେବେ ବୋଲି ରାବିଆ ଜନତାଙ୍କୁ ପ୍ରଶ୍ନ କରିଛନ୍ତି। ତେଣୁ ଲୋକଙ୍କୁ ଭଲଭାବେ ଜଣାଅଛି ସେମାନେ କାହାକୁ ଭୋଟ ଦେବେ। ପୂର୍ବରୁ ନିର୍ବାଚନ ସମୟରେ ଲୋକମାନେ ଟଙ୍କା ନେଇ ଭୋଟ ଦେଉଥିଲେ ହେଲେ ଚଳିତ ଥର ନୁହେଁ। ଆହୁରି ମଧ୍ୟ ସେ କହିଛନ୍ତି, ତାଙ୍କ ବାପା ସତ୍ ପଥରେ ଚାଲୁଛନ୍ତି ତେଣୁ ଆଗକୁ ବିଧାବିଘ୍ନ ଆହୁରି ଆସିପାରେ। ତେବେ ଯେ ଯେପର୍ଯ୍ୟନ୍ତ ବାପା ନିର୍ବାଚନରେ ବିଜୟ ହାସଲ କରିନାହାନ୍ତି ସେପର୍ଯ୍ୟନ୍ତ ସେ ବିବାହ କରିବେ ନାହିଁ ବୋଲି ରବିଆ କହିଛନ୍ତି।
