ଜାତୀୟ ଉଦ୍ୟାନ ପରିବେଶ ନଷ୍ଟ ହେବ

କେନ୍ଦ୍ରାପଡ଼ା ଅଫିସ, ୩୧ା୫: କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକରେ ଶିଳ୍ପ ପାଇଁ ଜମି ଅଧିଗ୍ରହଣ ପ୍ରକ୍ରିୟା ଆରମ୍ଭ ହୋଇଛି। ରାଜ୍ୟ ସରକାର ଆର୍ସେଲର ମିତ୍ତଲଙ୍କ ପେଲେଟ ପ୍ଲାଣ୍ଟ ସହିତ ଜାପାନର ନିପ୍ପନ ଷ୍ଟିଲକୁ ଯୋଡ଼ି ବୃହତ୍‌ ଶିଳ୍ପର ଯୋଜନା କରୁଛନ୍ତି। ଏହାବ୍ୟତୀତ ଆଖଡ଼ାଶାଳୀଠାରେ ରାଜ୍ୟର ପ୍ରଥମ ନଦୀଭିତ୍ତିକ ବନ୍ଦର, କେନ୍ଦ୍ର ସରକାରଙ୍କ ଭାରତାମାଳା ଯୋଜନାରେ ଜିଲାର ୪୯ କିଲୋମିଟରର ଉପକୂଳ ରାଜପଥ ଆଦି ଯୋଜନା ରହିଛି। ତେବେ ସ୍ଥାନୀୟ ଅଞ୍ଚଳରେ ଶିଳ୍ପ, ବନ୍ଦର, ରାଜପଥକୁ ନେଇ ବିରୋଧ ଆରମ୍ଭ ହୋଇଛି। ଜଙ୍ଗଲ ଜମିରେ ଦୀର୍ଘଦିନ ଧରି ରହିଥିବା ଅଧିବାସୀ ବାସସ୍ଥାନ ହରାଇବା ଆଶଙ୍କାରେ ଜିଲାପାଳଙ୍କୁ ବାସସ୍ଥାନ ଜମିର ସ୍ବତ୍ୱ ଦାବି କରିଛନ୍ତି। ସେହିପରି ମତ୍ସ୍ୟଜୀବୀ ଓ ପରିବେଶବିତ୍‌ ମଧ୍ୟ ଜାତୀୟ ଉଦ୍ୟାନ ଭିତରକନିକା, ନଦୀ ଓ ନାଳର ପରିବେଶ ନଷ୍ଟ ହେବା ଭୟରେ ଆନ୍ଦୋଳନ ପାଇଁ ସଜବାଜ ହେଲେଣି। ଶିଳ୍ପ, ବନ୍ଦର, ରାଜପଥ ପାଇଁ ଗହୀରମଥା ତଟାଞ୍ଚଳକୁ ଅଲିଭ୍‌ ରିଡ୍‌ଲେ ଆସିବେ ନାହିଁ ଆଶଙ୍କା ଥିବା ବେଳେ ତଟକ୍ଷୟ ଆହୁରି ଅଧିକ ହେବ।
ଏ ସମ୍ପର୍କରେ ପରିବେଶବିତ୍‌ ପ୍ରଭୁପ୍ରସାଦ ମହାପାତ୍ର କହିଛନ୍ତି, ରାଜ୍ୟର ଅନ୍ୟ ଜିଲା ସମେତ କେନ୍ଦ୍ରାପଡ଼ା ଜିଲାର ୪୯ କିଲୋମିଟର ଉପକୂଳ ରାଜପଥରେ ସାମିଲ ହେବ ବୋଲି ସୂଚନା ମିଳିଛି। ଏହି ରାଜପଥ ଜମ୍ବୁ ଜଙ୍ଗଲ, ଗହୀରମଥା ରେଞ୍ଜ ଅଞ୍ଚଳ ଓ ଜାତୀୟ ଉଦ୍ୟାନ ମଧ୍ୟସ୍ଥ ସାତଭାୟା ଦେଇ ଭଦ୍ରକର ଧାମରା ଛୁଇଁବ। ସେହିପରି କେତେଗୋଟି ନଦୀ ଓ ନାଳରେ ପୋଲ ହେବ। ଓଡ଼ିଶା ଉପକୂଳରେ ଥିବା ବନ୍ଦରଗୁଡ଼ିକ ସଂଯୋଗ ସହ ପର୍ଯ୍ୟଟନ ଓ ସାମାଜିକ ବିକାଶ ତଥା ଗମନାଗମନକୁ ସହଜ ହେବ ବୋଲି ପରିକଳ୍ପନା କରାଯାଇଛି। ମାତ୍ର ଏଠାରେ ପ୍ରସ୍ତାବିତ ଶିଳ୍ପ, ରାଜପଥ ଯୋଗୁ ଜାତୀୟ ଉଦ୍ୟାନର ଜୈବ ବିବିଧତା ଓ ପ୍ରାକୃତିକ ପରିବେଶ ନଷ୍ଟ ହେବ। ମତ୍ସ୍ୟଜୀବୀଙ୍କ ଜୀବନ ଜୀବିକା ନଷ୍ଟ ହେବ। ଏ ସମ୍ପର୍କରେ ଆଲୋଚନା ଓ ଆବଶ୍ୟକସ୍ଥଳେ ବିରୋଧ ପାଇଁ ବୈଠକ ଡକାଯାଇଛି। ପରିବେଶବିତ୍‌ ପ୍ରଭାକର ସାମଲ କହିଛନ୍ତି, ୧୯୭୫ ମସିହାରେ ୬୭୨ ବର୍ଗ କିଲୋମିଟର ଅଞ୍ଚଳକୁ ଭିତରକନିକା ଅଭୟାରଣ୍ୟ ଘୋଷଣା କରାଯାଇଥିବା ବେଳେ ୧୯୯୮ରେ ୧୪୫ ବର୍ଗ କିଲୋମିଟର ଅଞ୍ଚଳ ଜାତୀୟ ଉଦ୍ୟାନ ମାନ୍ୟତା ପାଇଛି। ୨୦୦୨ ମସିହାରେ ଅନ୍ତର୍ଜାତୀୟ ମାନ୍ୟତାପ୍ରାପ୍ତ ରାମସାର ସାଇଟ ଭାବେ ଭିତରକନିକାକୁ ନିଆଯାଇଛି। ଏହାର ଆର୍ଦ୍ରଭୂମି, ବନ୍ୟଜନ୍ତୁ, ଜୈବ ବିବିଧତା ପ୍ରକୃତିପ୍ରେମୀଙ୍କୁ ସର୍ବଦା ଆକୃଷ୍ଟ କରିଥାଏ। ଏହି ଅଞ୍ଚଳରେ ଉପକୂଳ ରାଜପଥ, ଶିଳ୍ପ, ପେଟ୍ରୋ କେମିକାଲ ପ୍ଲାଣ୍ଟ ଆଦି ନିର୍ମାଣ ହେଲେ ପ୍ରକୃତି ସହିତ ବନ୍ୟଜନ୍ତୁ, ସାମୁଦ୍ରିକ ପ୍ରାଣୀ, ସମୁଦ୍ର ପ୍ରାଚୀର ଭାବେ କାର୍ଯ୍ୟ କରୁଥିବା ହେନ୍ତାଳ ବଣ ନଷ୍ଟ ହେବ। ପ୍ରକୃତି ବନ୍ଧୁ ପୁରସ୍କାରପ୍ରାପ୍ତ ଅନିରୁଦ୍ଧ ରାଉତ କହିଛନ୍ତି, ରାଜପଥରେ ଗାଡ଼ି ମୋଟର ଯାତାୟାତ ଫଳରେ ଆଲୋକରେ ପ୍ରବାହିତ ହୋଇ ଅଲିଭ୍‌ ରିଡ୍‌ଲେ ଏଠାକୁ ଆସିବେ ନାହିଁ। ଏପରି ଘଟଣା ପୂର୍ବରୁ ଦେଖିବାକୁ ମିଳିଛି। ପୁରୀ ଜିଲା ବ୍ରହ୍ମଗିରି ରେଞ୍ଜର ବଙ୍ଗୋପସାଗର ଉପକୂଳରେ ଥିବା ମଙ୍ଗଳା ନଈଠାରୁ ହରଚଣ୍ଡୀ ମୁହାଣ ପର୍ଯ୍ୟନ୍ତ ୨୫ କିଲୋମିଟର ତଟାଞ୍ଚଳରେ ଅଲିଭ୍‌ ରିଡ୍‌ଲେ କଇଁଛ ଅଣ୍ଡାଦାନ କରୁଥିଲେ। ତେବେ ୨୦୧୪ଠାରୁ ଏଠାରେ ଅଲିଭ୍‌ ରିଡ୍‌ଲେଙ୍କୁ ଆଉ ଦେଖିବାକୁ ମିଳିନାହିଁ। ଓଡ଼ିଶା କୃଷକ ସଭା କେନ୍ଦ୍ରାପଡ଼ା ଜିଲା ସଭାପତି ଗୟାଧର ଧଳ କହିଛନ୍ତି, ଜଙ୍ଗଲ ଜମିରେ ଦୀର୍ଘ ୭୦ ବର୍ଷରୁ ଊର୍ଦ୍ଧ୍ୱ ପ୍ରାୟ ୨୦ ଗ୍ରାମର ଅଧିବାସୀ ରହୁଛନ୍ତି। ଏମାନଙ୍କଠାରୁ ଫର୍ମ କେ’ରେ ଜରିମାନା ନିଆଯାଇ ରସିଦ ପ୍ରଦାନ କରାଯାଉଛି। ଶିଳ୍ପ, ପ୍ଲାଣ୍ଟ, ରାଜପଥ, ଉପକୂଳ ରାଜପଥ ପାଇଁ ସରକାର ଜମି ଅଧିଗ୍ରହଣ କରୁଛନ୍ତି। ଏହିକ୍ରମରେ ସ୍ଥାନୀୟ ଅଧିବାସୀଙ୍କ ଜମି ଅଧିଗ୍ରହଣ ପୂର୍ବରୁ ଜମି ସ୍ବତ୍ୱ ପ୍ରଦାନ କରାଯାଉ। ଫଳରେ ଅଧିଗ୍ରହଣ ବାବଦ କ୍ଷତିପୂରଣ ମିଳିପାରିବ। ଏ ନେଇ ଜିଲା ପ୍ରଶାସନକୁ ଦାବିପତ୍ର ଦିଆଯାଇଛି। ପ୍ରଶାସନର ଜୋରଜବରଦସ୍ତ ଜବରଦଖଲ ହଟାଇବା ଏକ ବିରାଟ ଆନ୍ଦୋଳନର ରୂପ ନେବ।


Enter your email to get our daily news in your inbox.

All Right Reserved By Dharitri.Com

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

ହକି ଇଣ୍ଡିଆ ନିର୍ବାଚନ ସ୍ଥଗିତ: ଅନ୍ତରୀଣ ରହିତାଦେଶ ହଟାଇବାକୁ ହୋଇଥିବା ଆବେଦନ ଖାରଜ କଲେ ହାଇକୋର୍ଟ

କଟକ,୧୮।୧୧: ହକି ଇଣ୍ଡିଆ ନିର୍ବାଚନ ପ୍ରକ୍ରିୟାକୁ ସ୍ଥଗିତ ରଖିଛନ୍ତି ମାନ୍ୟବର ଓଡ଼ିଶା ହାଇକୋର୍ଟ । ନିର୍ବାଚନ ଉପରେ ପୂର୍ବରୁ ଲାଗିଥିବା ଅନ୍ତରୀଣ ରହିତାଦେଶକୁ ପ୍ରତ୍ୟାହାର କରିବା ପାଇଁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?