ନାସିକ, ୬।୭ : ମହାରାଷ୍ଟ୍ରର ନାସିକରୁ ଏପରି ଏକ ମାମଲା ସାମ୍ନାକୁ ଆସିଛି। ଜଣେ ମୁସଲମାନ ଧର୍ମଗୁରୁଙ୍କୁ ହତ୍ୟା କରାଯାଇଥିଲା। ଆକ୍ରମଣକାରୀମାନେ ତାଙ୍କ ମୁଣ୍ଡରେ ଗୁଳି ଚଳାଇଥିବା ପୋଲିସ କହିଛି। ଏହି ଘଟଣାରେ ପୋଲିସ କହିଛି ଯେ ଚାରି ଜଣ ଅଜ୍ଞାତ ଆକ୍ରମଣକାରୀ ଏହି କାଣ୍ଡ ଭିଆଇଛନ୍ତି। ସେମାନଙ୍କର ସନ୍ଧାନ ଜାରି ରହିଛି। ସେମାନଙ୍କୁ ଶୀଘ୍ର ଗିରଫ କରାଯିବ ବୋଲି ପୋଲିସ କହିଛି। ଏହି ଘଟଣା ନାଦିକ ଜିଲାର ୟଓ୍ବେଲାଠାରେ ଘଟିଛି।
ନ୍ୟୁଜ୍ ଏଜେନ୍ସି ପିଟିଆଇ ଅନୁଯାୟୀ ମୃତକଙ୍କ ନାମ ଖ୍ବାଜା ସୟଦ ଚିସ୍ତି ଏବଂ ସେ ସ୍ଥାନୀୟ ଲୋକଙ୍କ ମଧ୍ୟରେ ସୁଫି ବାବା ଭାବରେ ଜଣାଶୁଣା ଥିଲେ। ୩୫ ବର୍ଷୀୟ ସୁଫି ବାବା ଆଫଗାନିସ୍ତାନର ଥିଲେ। ୟଓ୍ବେଲାର ଏମଆଇଡିସି ଅଞ୍ଚଳରେ ଅବସ୍ଥିତ ଏକ ଖୋଲା ପଡ଼ିଆରେ ଆକ୍ରମଣକାରୀମାନେ ଚିସ୍ତି ବାବାଙ୍କୁ ଗୁଳି ଚଳାଇଥିଲା। ରିପୋର୍ଟ ଅନୁଯାୟୀ ହତ୍ୟାକାଣ୍ଡର କାରଣ ଜଣା ପଡି ନାହିଁ ବୋଲି ପୋଲିସ କହିଛି।
ଆକ୍ରମଣକାରୀମାନେ ତାଙ୍କ ଏସୟୁଭି ଗାଡି ନେଇ ସୁଫି ବାବାଙ୍କୁ ହତ୍ୟା କରିବା ପରେ ଘଟଣାସ୍ଥଳରୁ ପଳାଇଥିଲେ। ଆକ୍ରମଣକାରୀଙ୍କ ଦ୍ୱାରା ବ୍ୟବହୃତ ଏକ ଏସୟୁଭି ଜବତ କରାଯାଇଛି। ଏହି ସମଗ୍ର ଘଟଣାର ତଦନ୍ତ ଆରମ୍ଭ ହୋଇଛି ଏବଂ ସବୁ ଦିଗରୁ ଅନୁସନ୍ଧାନ କରାଯାଉଛି।
ୟଓ୍ବେଲା ପୋଲିସ ଷ୍ଟେଶନରେ ଏକ ହତ୍ୟା ମାମଲା ରୁଜୁ ହୋଇଛି ଏବଂ ହତ୍ୟାକାରୀଙ୍କୁ ଧରିବା ପାଇଁ ପୋଲିସ କ୍ରମାଗତ ଭାବେ ଉଦ୍ୟମ ଜାରି ରଖିଛି। ପୋଲିସ ଅଧିକାରୀ କହିଛନ୍ତି ଯେ ଆକ୍ରମଣକାରୀମାନେ ସୁଫି ବାବାଙ୍କ କପାଳରେ ଗୁଳି କରଥିଲେ।ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା।
