ମ୍ୟୁଜିକ୍‌ ଆରେଞ୍ଜର ଶୁଭାଶିଷ

କାମାକ୍ଷାନଗର, ୬।୮(ଡି.ଏନ୍‌.ଏ.): ‘ତୋର କୃଷ୍ଣଚୂଡ଼ା ରଙ୍ଗର ନାଲି ଓଢ଼ଣି’। ଓଲିଉଡ୍‌ର ଚିରସବୁଜ ଏହି ଗୀତ ଆଜି ବି ଯୁବପିଢ଼ିଙ୍କୁ ମତୁଆଲା କରେ। ଭର୍ସାଟାଇଲ ମ୍ୟୁଜିକ୍‌ କମ୍ପୋଜର ତଥା କଣ୍ଠଶିଳ୍ପୀ ଅଭିଜିତ୍‌ ମଜୁମଦାରଙ୍କ ସଙ୍ଗୀତ ନିର୍ଦ୍ଦେଶନାରେ ଏହି ଗୀତକୁ ସ୍ବରରେ ସଜାଇଥିଲେ ମେଲୋଡି କିଙ୍ଗ୍‌ ବାବୁଲ ସୁପ୍ରିଓ। ଓଲିଉଡ୍‌ରେ ନୂଆ ନୂଆ ପାଦ ଦେଇଥିବା ଅଭିନେତା ଅନୁଭବ ଏବଂ ସେତେବେଳର ଚର୍ଚ୍ଚିତ ଅଭିନେତ୍ରୀ ଦୀପାଙ୍କ ଚମତ୍କାର ଅଭିନୟ ଏହି ଆଲ୍‌ବମ୍‌କୁ ଦେଇଥିଲା ଅଜସ୍ର ଦର୍ଶକୀୟ ସ୍ବୀକୃତି। ତେବେ ଏହି ଚିରସବୁଜ ଗୀତକୁ ଆରେଞ୍ଜ କରିବା ପଛରେ ଯିଏ ନେପଥ୍ୟରେ ଥିଲେ ସେ ହେଲେ କାମାକ୍ଷାନଗର ବ୍ଲକ ମାଳପୁରା ଗ୍ରାମର ଶୁଭାଶିଷ ରାଉତ। କେବଳ କୃଷ୍ଣଚୂଡ଼ା ରଙ୍ଗର ନାଲି ଓଢ଼ଣି ନୁହେଁ, ସିଷ୍ଟର ଶ୍ରୀଦେବୀ, ଶ୍ରୀମାନ୍‌ ସୁରଦାସ, ମିଷ୍ଟର ମଜ୍‌ନୁ, ସୁନ୍ଦରଗଡ଼ର ସଲମନ୍‌ ଖାନ୍‌, ସୁନା ପିଲା ସ୍କୃ ଢିଲା ଭଳି ଏକାଧିକ ଓଲିଉଡ୍‌ ସିନେମାର ଗୀତ ପ୍ରସ୍ତୁତି ପଛରେ ରହିଛନ୍ତି ଏହି ବ୍ୟକ୍ତିଙ୍କ ପ୍ରଚ୍ଛନ୍ନ ହାତ। ବୃତ୍ତିଗତ ଜୀବନରେ ଜଣେ ଅଧ୍ୟାପକ ହେଲେ ମଧ୍ୟ, ଜଣେ ଉଦୀୟମାନ ମ୍ୟୁଜିକ୍‌ ଆରେଞ୍ଜର ଭାବେ ଓଲିଉଡ୍‌ରେ ସ୍ବତନ୍ତ୍ର ଛାପ ଛାଡ଼ିଛନ୍ତି ଶୁଭାଶିଷ।
ଢେଙ୍କାନାଳ ଜିଲା କାମାକ୍ଷାନଗର ବ୍ଲକ ମାଳପୁରା ଭଳି ଏକ ଛୋଟ ଗ୍ରାମରୁ ଆସି ଓଲିଉଡ୍‌ରେ ସ୍ବତନ୍ତ୍ର ଛାପ ଛାଡ଼ିଥିବା ଶୁଭାଶିଷଙ୍କ ପରିବାର ବେଶ୍‌ ଶିକ୍ଷିତ। ବାପା ବିପିନ ବିହାରୀ ରାଉତ ଜଣେ ଅବସରପ୍ରାପ୍ତ ଶିକ୍ଷକ ହୋଇଥିବାବେଳେ ମା’ ଗୃହିଣୀ। ନିଜେ ଶୁଭାଶିଷ ଏକ ଘରୋଇ ଇଞ୍ଜିନିୟରିଂ କଲେଜର ଭାଇସ୍‌ ପ୍ରିନି୍ସପାଲ ଭାବେ କାର୍ଯ୍ୟରତ। ଅଧ୍ୟାପିକା ସ୍ତ୍ରୀ ଶାଶ୍ୱତୀ ଏବଂ ଦେଢ଼ବର୍ଷର ଝିଅ ଶ୍ରୀମୟୀଙ୍କୁ ନେଇ ତାଙ୍କ ପରିବାର। ନିଜର ନିଆରା ନିଶା ବିଷୟରେ ଶୁଭାଶିଷ କୁହନ୍ତି, ଷ୍ଟୁଡିଓରେ ମ୍ୟୁଜିକ୍‌ ରେକର୍ଡିଂ କରିବାର ଦୀର୍ଘଦିନ ପୂର୍ବରୁ ଆରମ୍ଭ ହୋଇଥାଏ ପ୍ରସ୍ତୁତି। ଲିରିକ୍ସକୁ ଭଲଭାବେ ବୁଝିବା, ସଙ୍ଗୀତ ନିର୍ଦ୍ଦେଶକଙ୍କ ସହ ଆଲୋଚନା କରିବା, କଣ୍ଠଶିଳ୍ପୀଙ୍କ ସହ ଯୋଗାଯୋଗ କରି ତାରିଖ ସ୍ଥିର କରିବା, ଆଧୁନିକ ସମୟର ମ୍ୟୁଜିକ୍‌ ଇନ୍‌ଷ୍ଟ୍ରୁମେଣ୍ଟ ବ୍ୟବସ୍ଥା ସହ ସମସ୍ତଙ୍କୁ ନିର୍ଦ୍ଧାରିତ ସମୟର ଷ୍ଟୁଡିଓରେ ପହଞ୍ଚାଇବା ପ୍ରମୁଖ କାର୍ଯ୍ୟ। ଆଉ ଯେତେବେଳେ ସିନେମା କଥା ଆସେ, ସେତେବେଳେ ଗୀତ ରେକର୍ଡିଂର ଗୁରୁତ୍ୱ ଆହୁରି ବଢ଼ିଯାଏ। ୨୦୦୨ରେ ସିନେ ଜଗତ ସହ ପରିଚିତ ହୋଇଥିଲେ ହେଁ ଦୀର୍ଘ ୨୦ ବର୍ଷର ଅଭିଜ୍ଞତା ବଳରେ ଶୁଭାଶିଷ ମ୍ୟୁଜିକ ଆରେଞ୍ଜର ଭଳି ଗୁରୁତ୍ୱପୂର୍ଣ୍ଣ କାର୍ଯ୍ୟରେ ପରିପକ୍ୱ ହୋଇଗଲେଣି। କେବଳ ଏତିକି ନୁହେଁ, ଶୁଭାଶିଷ ୧୦ରୁ ଅଧିକ ଓଡ଼ିଆ ଭଜନ ଓ ଆଲ୍‌ବମ୍‌ରେ ଅଭିନୟ ମଧ୍ୟ କରିଛନ୍ତି। ଗରିବ ଛାତ୍ରୀଛାତ୍ରଙ୍କୁ ନିଃଶୁଳ୍କ ଶିକ୍ଷାଦାନ, କରୋନା ସମୟରେ ଅସହାୟଙ୍କୁ ଖାଦ୍ୟ ଯୋଗାଇ ମାନବିକତାର ପରିଚୟ ମଧ୍ୟ ଦେଇଛନ୍ତି। ଓଡ଼ିଶାରେ ମ୍ୟୁଜିକ୍‌ ଆରେଞ୍ଜ ଶବ୍ଦ ହୁଏତ ଯୁବପିଢ଼ିଙ୍କ ପାଇଁ ନୂଆ ହୋଇଥାଇପାରେ। କିନ୍ତୁ ବାହାର ରାଜ୍ୟରେ ଏହାକୁ ଅନେକେ ବୃତ୍ତି ଭାବେ ଗ୍ରହଣ କଲେଣି। ଏହି କାର୍ଯ୍ୟ ବାହାରୁ ସହଜ ଜଣାପଡୁଥିଲେ ମଧ୍ୟ କଷ୍ଟକର। ବିଶେଷ କରି ଅଧ୍ୟାପନା ବୃତ୍ତି ଭିତରେ ମ୍ୟୁଜିକ୍‌ ଆରେଞ୍ଜର କାର୍ଯ୍ୟ କରିବା ଚ୍ୟାଲେଞ୍ଜିଂ। ଗୋଟିଏ ଗୀତ ରେକର୍ଡିଂ ପାଇଁ ସବୁ ବ୍ୟବସ୍ଥା କରିବାକୁ ୮ରୁ ୧୦ ଦିନ ଲାଗିଯାଏ। କାଳେ ପାଠପଢ଼ା ପ୍ରଭାବିତ ହେବ ସେଥିଲାଗି ଛୁଟିଦିନମାନଙ୍କରେ ଏହି କାର୍ଯ୍ୟ କରିବାକୁ ପଡ଼େ। ଯୋଜନା ଅନୁଯାୟୀ କାର୍ଯ୍ୟକୁ ଠିକ୍‌ ଭାବେ ତୁଲାଇପାରିଲେ ଆତ୍ମସନ୍ତୁଷ୍ଟି ମିଳେ ବୋଲି କହିଛନ୍ତି ଶୁଭାଶିଷ। ଯୁବପିଢ଼ିଙ୍କ ଉଦ୍ଦେଶ୍ୟରେ ସେ କହିଛନ୍ତି, ଅନେକ ସମୟରେ ପାଠପଢ଼ି ଚାକିରି ପଛରେ ଗୋଡ଼ାଇଲେ ନିଜର ସ୍ବପ୍ନ ପଛରେ ରହିଯାଏ। ବୃତ୍ତି ଯାହା ବି ହେଉ ନା କାହିଁକି, କଳାତ୍ମକ ଭାବନାର ପରିପ୍ରକାଶ କରିବା ଲାଗି କୌଣସି ସୁଯୋଗକୁ ହାତଛଡ଼ା କରିବା ଅନୁଚିତ୍‌ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା

ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’

ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?