ମୁମ୍ବାଇ,୧୭।୩: ବରିଷ୍ଠ ଆଇପିଏସ୍ ଅଫିସର ହେମନ୍ତ ନାଗ୍ରାଲେଙ୍କୁ ବୁଧବାର ମୁମ୍ବାଇ ପୋଲିସ କମିଶନର ପଦରେ ନିଯୁକ୍ତ କରାଯାଇଛି। ମୁମ୍ବାଇ ଉପରେ ହୋଇଥିବା ୨୬/୧୧ ଆତଙ୍କବାଦୀ ଆକ୍ରମଣରେ ସେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଦକ୍ଷିଣ ମୁମ୍ବାଇରୁ ତାଙ୍କୁ ମିଳିଥିଲା ଏକ ଆରଡିଏକ୍ସ ଭର୍ତ୍ତି ବ୍ୟାଗ। ଏହାକୁ ସେ ସୁରକ୍ଷିତ ସ୍ଥାନରେ ରଖିଥିଲେ। ଆଉ ଆତଙ୍କବାଦୀଙ୍କ କବଳରେ ଥିବା ତାଜ ହୋଟେଲରୁ ଅନେକ ଆହତ ଓ ସୁରକ୍ଷିତ ଲୋକଙ୍କୁ ଉଦ୍ଧାର କରିଥିଲେ ହେମନ୍ତ।
ସେତେବେଳେ ସେ ଭିଜିଲାନ୍ସର ନିର୍ଦ୍ଦେଶକ ପଦରେ ଥିଲେ। କୋଲାବା ଅଞ୍ଚଳରେ ଥିବା ପୋଲିସ କ୍ୱାର୍ଟରରେ ରହୁଥିଲେ, ଯାହାକି ଆତଙ୍କବାଦୀଙ୍କ ଟାର୍ଗେଟରେ ଥିଲା। ଆତଙ୍କବାଦୀ ଆକ୍ରମଣ ବେଳେ ସେ ବାହାରକୁ ଚାଲିଆସିଥିଲେ ଲୋକଙ୍କୁ ସାହାଯ୍ୟ କରିବାକୁ। ସେ ତାଜ ହୋଟେଲ ନିକଟରେ ପହଞ୍ଚିବା ପରେ ତାଙ୍କୁ ମିଳିଥିଲା ଏକ ଆରଡିଏକ୍ସ ଭର୍ତ୍ତି ବ୍ୟାଗ। ଏହାକୁ ସୁରକ୍ଷିତ ସ୍ଥାନକୁ ନେଇ ଅନେକ ଲୋକଙ୍କ ଜୀବନ ବଞ୍ଚାଇଥିଲେ ବୋଲି ଜଣେ ପୋଲିସ ଅଧିକାରୀ କହିଛନ୍ତି। ଏହାପରେ ବମ୍ ଡିଟେକଶନ ଓ ଡିସପୋଜାଲ ସ୍କାଡ(ବିଡିଡିଏସ୍)କୁ ଡକାଇଥିଲେ ୧୯୮୭ ବ୍ୟାଚ୍ର ଆଇପିଏସ୍ ଅଫିସର। ହେମନ୍ତଙ୍କ ୪ ପୋଲିସ କର୍ମୀ ତାଜ ହୋଟେଲରେ ପଶି ଆହତ ଲୋକଙ୍କୁ ଉଦ୍ଧାର କରିବା ସହ ମେଡିକାଲ ପଠାଇଥିଲେ।
ମୁମ୍ବାଇର ନୂଆ କମିଶନର କେବଳ ଶାହସୀ ତା’ ନୁହେଁ, ସେ ଜଣେ ଦକ୍ଷ ଗଲଫର ଓ ଟେନିସ ଖେଳାଳି। ତାଙ୍କୁ ରାଷ୍ଟ୍ରପତିଙ୍କ ଠାରୁ ବିଶେଷ ସେବା ପଦକ ଓ ଆନ୍ତରିକ ସୁରକ୍ଷା ପଦକ ମିଳିସାରିଛି।
