ମୁମ୍ବାଇ,୫।୫: ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍)୨୦୨୨ରେ ଏଯାବତ ୪୯ ମ୍ୟାଚ୍ ଖେଳା ସରିଛି। ଦଳଗୁଡ଼ିକର ପ୍ରଦର୍ଶନ ଅନୁଯାୟୀ ପ୍ଲେ ଅଫ୍ ପାଇଁ ୮ ଦଳ ମଧ୍ୟରେ କଡ଼ା ଟକ୍କର ଦେଖିବାକୁ ମିଳୁଛି। ବିଶେଷକରି ମହେନ୍ଦ୍ର ସିଂହ ଧୋନୀଙ୍କ ନେତୃତ୍ୱାଧୀନ ଚେନ୍ନାଇ ସୁପର କିଙ୍ଗ୍ସ ଏବଂ ରୋହିତ ଶର୍ମା ନେତୃତ୍ୱାଧୀନ ମୁମ୍ବାଇ ଇଣ୍ଡିଆନ୍ସ ପାଇଁ ଏହି ସିଜନ୍ ଭଲ ସାବ୍ୟସ୍ତ ହେଉ ନାହିଁ। ଏଣୁ ଟୁର୍ନାମେଣ୍ଟରୁ ମୁମ୍ବାଇ ବାହାରିବା ନେଇ ଆଧିକାରିକ ଘୋଷଣା ହୋଇ ନ ଥିଲେ ହେଁ ଦଳ ବାହାରିବା ଏକ ପ୍ରକାର ସ୍ପଷ୍ଟ ହୋଇଛି। ଠିକ୍ ସେଭଳି ଅବସ୍ଥା ଚେନ୍ନାଇର ରହିଛି। ମୁମ୍ବାଇ ଏଯାବତ ୯ ମ୍ୟାଚ୍ ଖେଳି ଗୋଟିଏ ମ୍ୟାଚ୍ ଜିତିଥିବା ବେଳେ ଚେନ୍ନାଇ ୧୦ରୁ ୩ ମୁକାବିଲା ଜିତିଛି। ଫଳରେ ଅଙ୍କ ତାଲିକାର ଶେଷ ସ୍ଥାନରେ ୨ ଅଙ୍କ ସହ ମୁମ୍ବାଇ ଏବଂ ୬ ପଏଣ୍ଟ ସହ ଚେନ୍ନାଇ ୯ମ ସ୍ଥାନରେ ରହିଛି। ରୋହିତ ଆଉ ୫ ମ୍ୟାଚ୍ ଖେଳିବାକୁ ଥିଲେ ହେଁ ଏହି ମ୍ୟାଚ୍କୁ ଜିତିଲେ ମଧ୍ୟ ପ୍ଲେଅଫ୍ ଖେଳିବା ସମ୍ଭବ ନୁହେଁ। ଧୋନୀ ଆଉ ୪ ମ୍ୟାଚ୍ ଖେଳିବାକୁ ଥିବା ଯୋଗୁ ଗୋଟିଏ ବି ମ୍ୟାଚ୍ରେ ହାରିଲେ ତାଙ୍କର ବି ଖେଳିବା ସମ୍ଭବ ହେବ ନାହିଁ। ଏଣୁ ଦଳର ଭାଗ୍ୟ ବାକି ଟିମ୍ର ଜିତ୍-ହାର୍, ନେଟ୍ ରନ୍ ରେଟ୍ ଏବଂ ପଏଣ୍ଟ ଉପରେ ନିର୍ଭର କରୁଛି।
